Kantara Movie: ಆಸ್ಕರ್ ರೇಸ್​ನಲ್ಲಿ ಕಾಂತಾರ! ಹೊಸ ಅಪ್ಡೇಟ್ ಕೊಟ್ಟ ನಿರ್ಮಾಪಕರು

ಎಸ್​ಎಸ್ ರಾಜಮೌಳಿಯವರ RRR ಸಿನಿಮಾ ನಂತರ ರಿಷಬ್ ಶೆಟ್ಟಿ ಅವರ ಆಕ್ಷನ್ ಥ್ರಿಲ್ಲರ್ ಕಾಂತಾರ ಸಿನಿಮಾವನ್ನು 2023 ರ ಆಸ್ಕರ್ ನಾಮಿನೇಷನ್​ಗೆ ಕಳುಹಿಸಲಾಗಿದೆ.

ಹೊಸ ಸಂದರ್ಶನವೊಂದರಲ್ಲಿ, ಹೊಂಬಾಳೆ ಪ್ರೊಡಕ್ಷನ್ಸ್ ಸಂಸ್ಥಾಪಕ ವಿಜಯ್ ಕಿರಗಂದೂರು ಅವರು ಈ ಬಗ್ಗೆ ತಾವು ಭರವಸೆ ಇಟ್ಟುಕೊಂಡಿರುವುದಾಗಿ ಹೇಳಿದ್ದು ಈ ಸುದ್ದಿಯನ್ನು ದೃಢಪಡಿಸಿದೆ.

ರಿಷಬ್ ಶೆಟ್ಟಿ ಬರೆದು ನಿರ್ದೇಶಿಸಿದ, 2022ರ ಹಿಟ್ ಕನ್ನಡ ಸಿನಿಮಾ ಕಾಂತಾರ ಸೆಪ್ಟೆಂಬರ್ 30 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದಾಗ ಭಾರೀ ಪ್ರತಿಕ್ರಿಯೆಯನ್ನು ಪಡೆಯಿತು.

ಕಾಂತಾರ ಸಿನಿಮಾದಲ್ಲಿ ನಟಿ ರಿಷಬ್ ಶೆಟ್ಟಿ, ಕಿಶೋರ್ ಕುಮಾರ್, ಅಚ್ಯುತ್ ಕುಮಾರ್, ಸಪ್ತಮಿ ಗೌಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಇಂಡಿಯಾ ಟುಡೆಯೊಂದಿಗೆ ಮಾತನಾಡಿದ ವಿಜಯ್ ಕಿರಗಂದೂರು ನಾವು ಕಾಂತಾರ ಚಿತ್ರಕ್ಕಾಗಿ ಆಸ್ಕರ್‌ಗೆ ನಮ್ಮ ಅರ್ಜಿಯನ್ನು ಸಲ್ಲಿಸಿದ್ದೇವೆ. ಅಂತಿಮ ನಾಮನಿರ್ದೇಶನಗಳು ಇನ್ನೂ ಬರಬೇಕಾಗಿದೆ. ಕಾಂತಾರ ಕಥೆಯು ಎಷ್ಟು ಬೇರೂರಿದೆ ಎಂದರೆ ಅದು ಪ್ರಪಂಚದಾದ್ಯಂತ ಅರ್ಥಪೂರ್ಣವಾಗಿ ವ್ಯಾಪಿಸಲಿದೆ ಎಂದಿದ್ದಾರೆ.

ಸುದ್ದಿ ಸಂಸ್ಥೆ ಪಿಟಿಐ ಪ್ರಕಾರ ವಿಜಯ್ ಅವರು ಕಾಂತಾರಾವನ್ನು ಫ್ರಾಂಚೈಸ್ ಆಗಿ ಪರಿವರ್ತಿಸಲು ನಿರ್ಧರಿಸಿದ್ದಾರೆ ಎಂದು ಹೇಳಿದ್ದಾರೆ. ವಿಜಯ್ ಪಿಟಿಐಗೆ ಈ ಬಗ್ಗೆ ಪ್ರತಿಕ್ರಿಯಿಸಿ ರಿಷಬ್ ಅವರು ಹಿಂತಿರುಗಿದ ನಂತರ, ನಾವು ಏನು ಮಾಡಬೇಕೆಂದು ನಾವು ಚರ್ಚಿಸಲಿದ್ದೇವೆ ಎಂದಿದ್ದಾರೆ.

ಸೀಕ್ವೆಲ್ ಅಥವಾ ಪ್ರಿಕ್ವೆಲ್ ಸಿನಿಮಾ ಮಾಡುತ್ತೇವೆ. ನಾವು ಒಂದೆರಡು ತಿಂಗಳಲ್ಲಿ ಈ ಸಂಬಂಧ ಅಪ್ಡೇಟ್ ಕೊಡಲಿದ್ದೇವೆ. ನಾವು ಖಂಡಿತವಾಗಿಯೂ ಕಾಂತಾರ 2 ಮಾಡುವ ಪ್ಲಾನ್​ನಲ್ಲಿದ್ದೇವೆ. ಆದರೆ ಸದ್ಯ ಟೈಂ ಇಲ್ಲ. ಈ ಹಿಂದೆ ರಿಷಬ್ ಬ್ಲಾಕ್ ಬಸ್ಟರ್ ಸಿನಿಮಾದ ಫಾಲೋಅಪ್ ಮಾಡಲು ಯೋಜಿಸಿರುವುದಾಗಿ ಹೇಳಿದ್ದರು ಎಂದಿದ್ದಾರೆ.

ಹೊಂಬಾಳೆ ಫಿಲಂಸ್ ಪಾಲುದಾರ ಚಲುವೇಗೌಡ ಅವರ ಪ್ರಕಾರ, ಕಾಂತಾರ ಭಾರತೀಯ ಸಮಾಜದಲ್ಲಿ ಪ್ರಚಲಿತದಲ್ಲಿರುವ ಆಳವಾದ ಬೇರೂರಿರುವ ಆಚರಣೆಗಳು ಮತ್ತು ನಂಬಿಕೆಗಳನ್ನು ತೆರೆಯ ಮೇಲೆ ತೋರಿಸುವುದರಿಂದ ಪ್ರೇಕ್ಷಕರು ಸಿನಿಮಾದೊಂದಿಗೆ ಹೆಚ್ಚು ರಿಲೇಟ್ ಆಗಿದೆ ಎಂದಿದ್ದಾರೆ.

ಪ್ರಪಂಚದಾದ್ಯಂತ ವಿಭಿನ್ನ ರೀತಿಯಲ್ಲಿ ಈ ಆಚರಣೆಗಳು ಇಂದಿಗೂ ಇವೆ. ಕಾಂತಾರದಲ್ಲಿ ಏನಿತ್ತು, ಅದೇ ಕಥೆ ದೇಶದ ಯಾವುದೇ ಭಾಗದಲ್ಲೂ ಸಂಭವಿಸಬಹುದು. ಹೀಗಾಗಿ ಜನರು ಕಾಂತಾರರೊಂದಿಗೆ ಹೆಚ್ಚು ಕನೆಕ್ಟ್ ಆಗಿದ್ದಾರೆ. ನಾವು ಎಲ್ಲವನ್ನು ಸ್ಥಳೀಯವಾಗಿ ತೋರಿಸಲು ಬಯಸಿದ್ದೇವೆ. ಹಾಗಾಗಿ ಹೆಚ್ಚಿನ ಪ್ರೇಕ್ಷಕರಿಗೆ ಇದು ತಮ್ಮ ಕಥೆಯ ಅನುಭವ ಕೊಡುತ್ತದೆ ಎಂದಿದ್ದಾರೆ.

ಇದರಲ್ಲಿ ಅಚ್ಯುತ್ ಕುಮಾರ್ ಮತ್ತು ಸಪ್ತಮಿ ಗೌಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕಾಂತಾರ ತೆಲುಗು, ಹಿಂದಿ, ತಮಿಳು ಮತ್ತು ಮಲಯಾಳಂನಲ್ಲಿ ಬಿಡುಗಡೆಯಾಯಿತು. ರಜನಿಕಾಂತ್ ಮತ್ತು ಕಮಲ್ ಹಾಸನ್ ಸೇರಿದಂತೆ ಅನೇಕ ಉದ್ಯಮದ ಸೆಲೆಬ್ರಿಟಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಸಿನಿಮಾ ಈಗಾಗಲೇ ವಿಶ್ವದಾದ್ಯಂತ ₹500 ಕೋಟಿಗೂ ಹೆಚ್ಚು ಗಳಿಕೆ ಮಾಡಿ ಹಿಟ್ ಆಗಿದೆ.