Kantara Box Office Collection: ಒಟ್ಟು 150 ಕೋಟಿ ಬಾಚಿದ ಕಾಂತಾರ! ಬಾಕ್ಸ್ ಆಫೀಸ್​ನಲ್ಲಿ ರಿಷಬ್ ಸಿನಿಮಾ ಅಬ್ಬರ

ರಿಷಬ್ ಶೆಟ್ಟಿ ಅವರ ಕಾಂತಾರ ಸಿನಿಮಾ ಪ್ರಸ್ತುತ ಮೂರನೇ ವಾರದಲ್ಲಿ ಬಾಕ್ಸ್ ಆಫೀಸ್​ ಧೂಳೀಪಟ ಮಾಡುತ್ತಿದೆ. ಬಾಕ್ಸ್ ಆಫೀಸ್​ನಲ್ಲಿ ಭಾರೀ ಹಿಟ್ ಆಗಿರೋ ಸಿನಿಮಾ ಕೆಲಕ್ಷನ್ ಒಂಚೂರೂ ಕಡಿಮೆಯಾಗಿಲ್ಲ.

ವಾಸ್ತವವಾಗಿ ರೆಕಾರ್ಡ್ ಮಾಡುವ ಬಾಕ್ಸ್ ಆಫೀಸ್ ನಂಬರ್ ಈಗ ಬರಲು ಶುರುವಾಗಿದೆ. ಈಗ ವಿಶ್ವಾದ್ಯಂತ ಕಾಂತಾರ ದಾಖಲೆಯ ಕಲೆಕ್ಷನ್ ಮಾಡುತ್ತಿದೆ.

ಆರಂಭದಲ್ಲಿ, ರಿಷಬ್ ಶೆಟ್ಟಿ ನಿರ್ದೇಶನದ ಸಿನಿಮಾ ಕೇವಲ ಕನ್ನಡ ಭಾಷೆಯಲ್ಲಿ ರಿಲೀಸ್ ಆಯಿತು, ಆದರೆ ಅಸಾಧಾರಣ ಸಿನಿಮಾ ವಿಮರ್ಶೆ, ಜನರ ಬಾಯಿ ಮಾತಿನ ಮೆಚ್ಚುಗೆಯೇ ಸಿನಿಮಾಗೆ ಪ್ಲಸ್ ಪಾಯಿಂಟ್ ಆಗಿದೆ.

ಚಿತ್ರವನ್ನು ತಮಿಳು, ಹಿಂದಿ ಮತ್ತು ತೆಲುಗು ಭಾಷೆಗಳಿಗೆ ಡಬ್ ಮಾಡಬೇಕಾಯಿತು. ಈ ಹಿಂದೆ, ಕನ್ನಡ ಆವೃತ್ತಿಯು ಬ್ಲಾಕ್ಬಸ್ಟರ್ ಆಗಿ ಹೊರಹೊಮ್ಮಿತು. ಈಗ, ಇತರ ಆವೃತ್ತಿಗಳು ಸಹ ಉತ್ತಮವಾಗಿ ಬಾಕ್ಸ್ ಆಫೀಸ್​ನಲ್ಲಿ ಓಡುತ್ತಿದೆ.

ಈಗ ರಿಷಬ್ ಸಿನಿಮಾ 150 ಕೋಟಿ ಗಡಿ ದಾಟಿದೆ ಎಂದು koimoi ವರದಿ ಮಾಡಿದೆ. 18 ದಿನಗಳ ಥಿಯೇಟ್ರಿಕಲ್ ರನ್‌ನ ಕೊನೆಯಲ್ಲಿ ಎಲ್ಲಾ ಭಾಷೆ ಸೇರಿ ಕಾಂತಾರ ಭಾರತದಲ್ಲಿ 121 ಕೋಟಿ ನಿವ್ವಳ ಲಾಭ ಗಳಿಸಿದೆ.

ಒಟ್ಟು 142.78 ಕೋಟಿ ಗಳಿಸಿದೆ. ವಿದೇಶದಲ್ಲಿ ಈ ಚಿತ್ರವು ಇಲ್ಲಿಯವರೆಗೆ 10.50 ಕೋಟಿ ಗಳಿಸಿದೆ. ಒಟ್ಟಾರೆಯಾಗಿ 153.28 ಕೋಟಿಗಳನ್ನು ಗಳಿಸಿದೆ.

20 ಕೋಟಿ ಬಜೆಟ್‌ನಲ್ಲಿ ತಯಾರಾದ ಚಿತ್ರಕ್ಕೆ ಇದೊಂದು ಅಪೂರ್ವ ಸಾಧನೆ. ವೀಕ್ ಡೇಸ್​ನಲ್ಲಿಯು ಈ ಟ್ರೆಂಡ್ ಸಖತ್ ಆಗಿ ಮುಂದುವರಿದಿದ್ದು ಇನ್ನಷ್ಟು ಕಲೆಕ್ಷನ್ ಆಗುವ ಸಾಧ್ಯತೆ ಇದೆ.

ಸಿನಿಮಾ ಬಗ್ಗೆ ವ್ಯಾಪಕ ವಿಮರ್ಶೆ ವ್ಯಕ್ತವಾಗಿದ್ದು ಸಿನಿಮಾ ಕುರಿತು ಎಲ್ಲಾ ಸುದ್ದಿಗಳೂ ವೈರಲ್ ಆಗುತ್ತಿವೆ. ರಿಷಬ್ ಅವರ ಪತ್ನಿಯೂ ಈ ಸಿನಿಮಾದಲ್ಲಿ ನಟಿಸಿದ್ದಾರೆ.