Rishab Shetty at Kateel: ಕಟೀಲಿನಲ್ಲಿ ಕಾಂತಾರ ಹೀರೋ, ಸಿನಿಮಾ ಸಕ್ಸಸ್ ನಂತರ ರಿಷಬ್ ಶೆಟ್ಟಿ ಮೊದಲ ಭೇಟಿ

ಕಾಂತಾರ (Kantara) ಸಿನಿಮಾದ ನಿರ್ದೇಶಕ (Director), ನಟ ರಿಷಬ್ ಶೆಟ್ಟಿ (Rishab Shetty) ಅವರು ಮಂಗಳೂರಿನ (Mangaluru) ಕಟೀಲು ಶ್ರೀದುರ್ಗಾಪರಮೇಶ್ವರೀ ದೇವಸ್ಥಾನಕ್ಕೆ ಭೇಟಿಕೊಟ್ಟಿದ್ದಾರೆ.

ಕಾಂತಾರ ಹೀರೋ ಕಟೀಲಿಗೆ ಭೇಟಿ ಕೊಟ್ಟಿದ್ದು ದೇವರ ದರ್ಶನ ಪಡೆದಿದ್ದಾರೆ. ಕಾಂತಾರ ನಿನಿಮಾ ಯಶಸ್ಸಿನ ಬಳಿಕ ಮೊದಲ ಬಾರಿಗೆ ಕಟೀಲಿಗೆ ಭೇಟಿಕೊಟ್ಟಿರುವ ನಟ ರಿಷಬ್ ಇತ್ತೀಚೆಗಷ್ಟೇ ಆನೆಗುಡ್ಡೆ ಗಣಪತಿ ದೇವಸ್ಥಾನಕ್ಕೂ ಭೇಟಿಕೊಟ್ಟಿದ್ದರು.

ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರು ತಾಲೂಕಿನಲ್ಲಿರುವ ಕಟೀಲು ಶ್ರೀದುರ್ಗಾಪರಮೇಶ್ವರಿ‌ ದೇವಸ್ಥಾನಕ್ಕೆ ನಟ ಭೇಟಿ ಕೊಟ್ಟಿದ್ದಾರೆ.

ಪತ್ನಿ ಪ್ರಗತಿ ಜೊತೆ ಆಗಮಿಸಿದ ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಅವರು ದೇವರ ಆಶೀರ್ವಾದ ಪಡೆದಿದ್ದಾರೆ.

ದೇವಳದ ವತಿಯಿಂದ ರಿಷಬ್ ಶೆಟ್ಟಿಗೆ ಆತ್ಮೀಯ ಗೌರವವನ್ನು ನೀಡಲಾಗಿತ್ತು. ದೇವರ ಶೇಷ ವಸ್ತ್ರ, ಪ್ರಸಾದ ನೀಡಿ ಆಡಳಿತ ಮಂಡಳಿ ನಟನನ್ನು ಗೌರವಿಸಿದೆ.

ನಟ ರಿಷಬ್ ಶೆಟ್ಟಿ ಅವರು ಮೆರೂನ್ ಕಲರ್ ಶರ್ಟ್ ಧರಿಸಿ ವೈಟ್ ಪಂಚೆಯನ್ನು ಧರಿಸಿದ್ದರು.

ಕಟೀಲಿಗೆ ರಿಷಬ್ ಶೆಟ್ಟಿ ಬಂದ ವಿಚಾರ ತಿಳಿಯುತ್ತಲೇ ಜನರು ನೆಚ್ಚಿನ ನಟನ ಜೊತೆ ಸೆಲ್ಪಿಗಾಗಿ ಮುಗಿಬಿದ್ದಿದ್ದಾರೆ.

ಕಾಂತಾರ ಅಭಿಮಾನಿಗಳು ಫೋಟೋ ಕ್ಲಿಕ್ಕಿಸಿಕೊಳ್ಳಲು ಜಮಾಯಿಸಿದ್ದರು. ದೇವಸ್ಥಾನದ ಮುಂಭಾಗ ಸೆಲ್ಪಿ ಕ್ಲಿಕ್ಕಿಸಲು‌ ಮುಗಿಬಿದ್ದ ಅಭಿಮಾನಿಗಳು ನಟನ ಜೊತೆ ಫೋಟೊ ತೆಗೆಸಿಕೊಂಡಿದ್ದಾರೆ.

ದೇವಸ್ಥಾನದ ಅಂಗಣದಲ್ಲಿ ಪ್ರದಕ್ಷಿಣೆ ಬರುತ್ತಿರುವ ಕಾಂತಾರ ಹೀರೋ.