Rishab Shetty Daughter: ರಿಷಬ್ ಶೆಟ್ಟಿ ಮಗಳು ಕೂಡ RCB ಫ್ಯಾನ್! ಕೊಹ್ಲಿ ತಂಡಕ್ಕೆ ಜೈ ಎಂದ ಪುಟಾಣಿ ರಾಧ್ಯಾ

ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಕೊಹ್ಲಿ & ಟೀಮ್ 8 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿದೆ. ಕಾಂತಾರ ನಟ ರಿಷಬ್ ಶೆಟ್ಟಿ ಪುಟ್ಟ ಮಗಳು ರಾಧ್ಯಾ ಕೂಡ ಆರ್​ಸಿಬಿ ಫ್ಯಾನ್ ಆಗಿದ್ದು, RCBಗೆ ಜೈಕಾರ ಹಾಕಿದ್ದಾಳೆ.

ಆರ್​ಸಿಬಿ ತಂಡಕ್ಕೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ಬೆಂಗಳೂರು ತಂಡವನ್ನು ಹುರಿದುಂಬಿಸಲು ಕ್ರೀಡಾಂಗಣಕ್ಕೆ ಸಾವಿರಾರು ಅಭಿಮಾನಿಗಳು ಲಗ್ಗೆ ಇಡುತ್ತಾರೆ. ಇನ್ನು RCB ಮ್ಯಾಚ್ ಅಂದ್ರೆ ಸಾಕು ಟಿವಿ ಮುಂದೆ ಲಕ್ಷಾಂತರ ಅಭಿಮಾನಿಗಳು ಕುಳಿತ್ತಿರುತ್ತಾರೆ.

ನಟ ರಿಷಬ್ ಶೆಟ್ಟಿ ಫ್ಯಾಮಿಲಿ ಕೂಡ ಆರ್​ಸಿಬಿ ತಂಡದ ಅಭಿಮಾನಿಯಾಗಿದ್ದಾರೆ. ಮನೆಯಲ್ಲಿ RCB, RCB ಎಂದು ಕೂಗುತ್ತಾ ಕೊಹ್ಲಿ ತಂಡ ಗೆಲುವನ್ನು ಸಂಭ್ರಮಿಸಿದ್ದಾರೆ. ರಿಷಬ್ ಶೆಟ್ಟಿ ಕೂಡ ಮಗಳನ್ನು ಎತ್ತಿಕೊಂಡು RCBಗೆ ಜೈ ಎಂದಿದ್ದಾರೆ.

ರಿಷಬ್ ಶೆಟ್ಟಿ ಕೂಡ ಮಗಳು ರಾಧ್ಯಾ  ಅವರಿಂದಲೂ ಆರ್​ಸಿಬಿಗೆ ಜೈ ಎಂದು ಕೂಗುವಂತೆ ಹೇಳಿದ್ದಾರೆ. ಪುಟಾಣಿ ರಾಧ್ಯಾ ಕೂಡ ಮುದ್ದಾಗಿ ಜೈ ಎಂದಿದ್ದಾರೆ. ಆರ್​ಸಿಬಿ ಗೆದ್ದ ಖುಷಿಯನ್ನು ಸಂಭ್ರಮಿಸಿದ ನಟ ರಿಷಬ್ ಶೆಟ್ಟಿ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಹಂಚಿಕೊಂಡಿದ್ದಾರೆ.

ನಟ ರಿಷಬ್ ಶೆಟ್ಟಿ ಕಾಂತಾರ 2 ಸಿನಿಮಾ ಸ್ಕ್ರಿಪ್ಟಿಂಗ್ ಕೆಲಸದಲ್ಲಿ ಬ್ಯುಸಿ ಆಗಿದ್ದಾರೆ. ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ರಿಷಬ್ ಶೆಟ್ಟಿ ಸಿನಿಮಾಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಬ್ಯುಸಿ ಶೆಡ್ಯೂಲ್ ನಡುವೆ ರಿಷಬ್ ಶೆಟ್ಟಿ RCB ಮ್ಯಾಚ್ ನೋಡಿ ಎಂಜಾಯ್ ಮಾಡಿದ್ದಾರೆ.

ರಾಜೀವ್ ಗಾಂಧಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಹೈದರಾಬಾದ್ ಹೆನ್ರಿಚ್ ಕ್ಲಾಸೆನ್ ಭರ್ಜರಿ ಶತಕದೊಂದಿಗೆ 20 ಓವರ್​​ಗಳಲ್ಲಿ 186 ರನ್ ಗಳಿಸಿತ್ತು.

187 ರನ್​ಗಳ ಗುರಿ ಬೆನ್ನತ್ತಿದ್ದ ಆರ್​ಸಿಬಿ 19.2 ಓವರ್​ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 187 ರನ್ ಗಳಿಸಿ ಭರ್ಜರಿ ಗೆಲುವು ಸಾಧಿಸಿದೆ. ವಿರಾಟ್ ಕೊಹ್ಲಿ ಹಾಗೂ ಪಾಫ್ ಡುಪ್ಲೆಸಿಸ್ ಅವರ 172 ರನ್​ಗಳ ಜೊತೆಯಾಟದಿಂದ ತಂಡಕ್ಕೆ ಆಸರೆ ಸಿಕ್ಕಿತು. ವಿರಾಟ್ ಅವರು 62 ಬಾಲ್​ಗಳಲ್ಲಿ ಶತಕ ಸಿಡಿಸಿದರು.

ಮೇ18 ರಂದು ನಡೆದ RCB ಮ್ಯಾಚ್ ನೋಡಿದ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ಫೀಲ್ಡ್ ನಲ್ಲಿ ಕೊಹ್ಲಿ ಅಬ್ಬರ ಕಂಡು ಎದುರಾಳಿಗಳು ದಂಗ್ ಆಗಿದ್ರು. ಇತ್ತ ಫ್ಯಾನ್ಸ್ ಕೊಹ್ಲಿ ಶತಕವನ್ನು ಸಖತ್ ಆಗಿಯೇ ಸೆಲೆಬ್ರೇಟ್ ಮಾಡಿದ್ದಾರೆ.