Actor Kiran Raj: ಪ್ರವಾಸದಲ್ಲಿ ಬ್ಯುಸಿ ಕನ್ನಡತಿ ಹರ್ಷ, ಕಿರಣ್ ರಾಜ್ 'ರಾನಿ' ಶೂಟಿಂಗ್‍ನಲ್ಲೂ ಬ್ಯುಸಿ!

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಕನ್ನಡತಿ ಧಾರಾವಾಹಿಯಲ್ಲಿ ಜನರನ್ನು ಸೆಳೆದಿತ್ತು. ಎಲ್ಲಾ ಪಾತ್ರಗಳು ಅಭಿಮಾನಿಗಳಿಗೆ ಇಷ್ಟ ಆಗಿತ್ತು. ಹರ್ಷನ ಪಾತ್ರ ಮಾಡಿದ್ದ ಕಿರಣ್ ರಾಜ್ ಸಹ ಜನರಿಗೆ ತುಂಬಾ ಇಷ್ಟ ಆಗಿದ್ದರು.

ಕಿರಣ್ ರಾಜ್ ಸಹ ಆ ಪಾತ್ರಕ್ಕೆ ತಕ್ಕಂತೆ ಅಭಿನಯಿಸಿದ್ದರು. ಅಮ್ಮಮ್ಮನ ಮುದ್ದಿನ ಮಗನಾಗಿ, ಭುವಿಯ ಪ್ರೀತಿಯ ಗಂಡನಾಗಿ, ಸ್ವಲ್ಪ ಕೋಪಿಷ್ಠ. ತುಂಬಾ ಕೇರ್ ಮಾಡುವ ವ್ಯಕ್ತಿ ಆಗಿದ್ದರು.

ಕಿರಣ್ ರಾಜ್ ಸದ್ಯ ಸಿನಿಮಾ ಶೂಟಿಂಗ್ ಜೊತೆ ಪ್ರವಾಸವನ್ನು ಎಂಜಾಯ್ ಮಾಡ್ತಾ ಇದ್ದಾರೆ. ಅಲ್ಲಿನ ಫೋಟೋಗಳನ್ನು ಶೇರ್ ಮಾಡ್ತಾ ಇರ್ತಾರೆ. ಅಭಿನಿಗಳು ಇಷ್ಟ ಪಡ್ತಾರೆ.

ಜೀವನವು ಅನೇಕ ಆಯ್ಕೆಗಳನ್ನು ಒದಗಿಸುತ್ತದೆ, ನಾವು ಮಾಡುವ ಆಯ್ಕೆಗಳು ನಮ್ಮ ಭವಿಷ್ಯವನ್ನು ನಿರ್ಧರಿಸುತ್ತದೆ ಎಂದು ಕಿರಣ್ ರಾಜ್ ಕೆಲ ದಿನಗಳ ಹಿಂದೆ ಪೋಸ್ಟ್ ಹಾಕಿಕೊಂಡಿದ್ದರು.

ಕಿರಣ್ ರಾಜ್ ಧಾರಾವಾಹಿಯಲ್ಲಿ ನಟಿಸುತ್ತಿರುವಾಗಲೇ ಹಲವು ಅವಕಾಶಗಳು ಹುಡುಕಿಕೊಂಡು ಬಂದಿದ್ವು. ಈಗ ಪೂರ್ತಿ ತಮ್ಮ ಸಮಯವನ್ನು ಸಿನಿಮಾಗೆ ಮೀಸಲಿಡಲಿದ್ದಾರೆ. ರಾನಿ ಸಿನಿಮಾ ಮಾಡ್ತಿದ್ದು ಅದರ ಶೂಟಿಂಗ್‍ನಲ್ಲಿ ಬ್ಯುಸಿ ಆಗಿದ್ದಾರೆ.

ರಾನಿ ಸಿನಿಮಾವೂ ಆಕ್ಷನ್ ಓರಿಯಂಟೆಡ್ ಸಿನಿಮಾ. ಚಿತ್ರದಲ್ಲೂ ಮೈನವಿರೇಳಿಸುವ ಸಾಹಸ ದೃಶ್ಯಗಳಿರುತ್ತದೆ ಎಂದು ನಾಯಕ ಕಿರಣ್ ರಾಜ್ ಹೇಳಿಕೊಂಡಿದ್ದಾರೆ.ಸಿಹಿ-ಕಹಿಗಳ ಜೊತೆಯಲ್ಲಿ ನಿಮ್ಮ ರಾನಿಯನ್ನು ಬೇರೆಸಿಕೊಳ್ಳಿ ಎಂದು ಯುಗಾದಿ ಹಬ್ಬದಂದು ಪೋಸ್ಟರ್ ಶೇರ್ ಮಾಡಿದ್ದರು.

ಈ ಹಿಂದೆ ರಾನಿ ಸಿನಿಮಾದ ಟೈಟಲ್ ನ್ನು ದುಬೈನಲ್ಲಿ ವಿಮಾನದಿಂದ 13,000 ಅಡಿ ಮೇಲಿಂದ ಜಿಗಿದು ಅನಾವರಣ ಮಾಡಿದ್ದರು. ಇದಕ್ಕೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಕಿರಣ್ ರಾಜ್ ಅಭಿನಯಿಸಿರುವ ಭರ್ಜರಿ ಗಂಡು, ಶೇರ್ ಸಿನಿಮಾಗಳು ಶೀಘ್ರದಲ್ಲೇ ತೆರೆಗೆ ಬರಲಿವೆ. ಧಾರಾವಾಹಿಯಲ್ಲಿ ಹರ್ಷನನ್ನು ಮೆಚ್ಚಿಕೊಂಡ ಜನ, ಸಿನಿಮಾದಲ್ಲೂ ಮೆಚ್ಚುತ್ತಾರಾ ನೋಡಬೇಕು. ಅಲ್ಲದೇ ಕಿರಣ್ ರಾಜ್ ಅವರು ತಮ್ಮದೇ ಬಟ್ಟೆ ಬ್ರ್ಯಾಂಡ್ ಹೊಂದಿದ್ದಾರೆ. ಅಲ್ದೇ ಬಿರಿಯಾನಿ ರೆಸ್ಟೋರೆಂಟ್ ಕೂಡ ಇದೆ. ಕಿರಣ್ ರಾಜ್ ಫೌಂಡೇಶನ್ ಮೂಲಕ ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡ್ತಿದ್ದಾರೆ.