Actor Kiran Raj: ಕನ್ನಡತಿ ಮುಕ್ತಾಯದ ನಂತ್ರ ಹರ್ಷ ಮಾಡುತ್ತಿರೋದು ಏನು? ಇಲ್ಲಿದೆ ಡೀಟೈಲ್ಸ್​

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಕನ್ನಡತಿ ಸೀರಿಯಲ್ ಮುಕ್ತಾಯವಾಗಿದೆ. ಕಲಾವಿದರೆಲ್ಲಾ ಮುಂದೆ ಏನ್ ಮಾಡ್ತಾರೆ ಎನ್ನುವ ಪ್ರಶ್ನೆಗಳು ಸಹಜವಾಗಿ ಮೂಡಿವೆ.

ಕನ್ನಡತಿ ಧಾರಾವಾಹಿಯಲ್ಲಿ ಎಲ್ಲಾ ಪಾತ್ರಗಳು ಜನರ ಗಮನ ಸೆಳೆದಿವೆ. ಹರ್ಷನ ಪಾತ್ರ ಮಾಡಿದ್ದ ಕಿರಣ್ ರಾಜ್ ಸಹ ಜನರಿಗೆ ತುಂಬಾ ಇಷ್ಟ ಆಗಿದ್ದಾರೆ.

ಕಿರಣ್ ರಾಜ್ ಸಹ ಆ ಪಾತ್ರಕ್ಕೆ ತಕ್ಕಂತೆ ಅಭಿನಯಿಸಿದ್ದರು. ಅಮ್ಮಮ್ಮನ ಮುದ್ದಿನ ಮಗನಾಗಿ, ಭುವಿಯ ಪ್ರೀತಿಯ ಗಂಡನಾಗಿ, ಸ್ವಲ್ಪ ಕೋಪಿಷ್ಠ. ತುಂಬಾ ಕೇರ್ ಮಾಡುವ ವ್ಯಕ್ತಿ ಆಗಿದ್ದರು.

ಜೀವನವು ಅನೇಕ ಆಯ್ಕೆಗಳನ್ನು ಒದಗಿಸುತ್ತದೆ, ನಾವು ಮಾಡುವ ಆಯ್ಕೆಗಳು ನಮ್ಮ ಭವಿಷ್ಯವನ್ನು ನಿರ್ಧರಿಸುತ್ತದೆ ಎಂದು ಕಿರಣ್ ರಾಜ್ ಕೆಲ ದಿನಗಳ ಹಿಂದೆ ಪೋಸ್ಟ್ ಹಾಕಿಕೊಂಡಿದ್ದರು.

ಕಿರಣ್ ರಾಜ್ ಧಾರಾವಾಹಿಯಲ್ಲಿ ನಟಿಸುತ್ತಿರುವಾಗಲೇ ಹಲವು ಅವಕಾಶಗಳು ಹುಡುಕಿಕೊಂಡು ಬಂದಿದ್ವು. ಈಗ ಪೂರ್ತಿ ತಮ್ಮ ಸಮಯವನ್ನು ಸಿನಿಮಾಗೆ ಮೀಸಲಿಡಲಿದ್ದಾರೆ.

ಕಿರಣ್ ರಾಜ್ ಅವರು ತಮ್ಮದೇ ಬಟ್ಟೆ ಬ್ರ್ಯಾಂಡ್ ಹೊಂದಿದ್ದಾರೆ. ಅಲ್ದೇ ಬಿರಿಯಾನಿ ರೆಸ್ಟೋರೆಂಟ್ ಕೂಡ ಇದೆ. ಕಿರಣ್ ರಾಜ್ ಫೌಂಡೇಶನ್ ಮೂಲಕ ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡ್ತಿದ್ದಾರೆ.

ಕಿರಣ್ ರಾಜ್ ಅಭಿನಯಿಸಿರುವ ಭರ್ಜರಿ ಗಂಡು, ಶೇರ್ ಸಿನಿಮಾಗಳು ಶೀಘ್ರದಲ್ಲೇ ತೆರೆಗೆ ಬರಲಿವೆ. ಧಾರಾವಾಹಿಯಲ್ಲಿ ಹರ್ಷನನ್ನು ಮೆಚ್ಚಿಕೊಂಡ ಜನ, ಸಿನಿಮಾದಲ್ಲೂ ಮೆಚ್ಚುತ್ತಾರಾ ನೋಡಬೇಕು.

ಇನ್ನು ಕಿರಣ್ ರಾಜ್ ಅವರು ಇದೇ ತಿಂಗಳು ಹೊಸ ಸಿನಿಮಾ ಕೂಡ ಅನೌನ್ಸ್ ಮಾಡುತ್ತಿದ್ದಾರೆ. ಯಾವುದು ಎಂದು ಅಭಿಮಾನಿಗಳು ಕಾಯ್ತಾ ಇದ್ದಾರೆ. ಕಿರಣ್ ರಾಜ್ ಅವರಿಗೆ ಆಲ್ ದಿ ಬೆಸ್ಟ್ ಹೇಳಿದ್ದಾರೆ.