Yuva Rajkumar: ದೊಡ್ಮನೆ ಯುವರಾಜನ ಫಸ್ಟ್ ಮೂವಿ ಟೈಟಲ್, ಟೀಸರ್ ರಿಲೀಸ್​ಗೆ ಭರದ ಸಿದ್ಧತೆ! ಇಲ್ಲಿದೆ ಫುಲ್ ಡೀಟೆಲ್ಸ್

ದೊಡ್ಮನೆ ಯುವರಾಜ್​ ಕುಮಾರ್ ಸ್ವಾಗತಕ್ಕೆ ಸಮಸ್ತ ರಾಜವಂಶದ ಬಳಗ ರೆಡಿ ಆಗಿದೆ. ಮಾರ್ಚ್​-3 ರಂದು ಯುವರಾಜ್​ ಕುಮಾರ್ ಅಭಿನಯದ ಮೊದಲ ಸಿನಿಮಾದ ಟೀಸರ್ ರಿಲೀಸ್ ಆಗುತ್ತಿದೆ.

ಸಂತೋಷ್ ಆನಂದರಾಮ್ ನಿರ್ದೇಶನದ ಈ ಚಿತ್ರಕ್ಕೆ ಕೆಜಿಎಫ್ ಮತ್ತು ಕಾಂತಾರ ಚಿತ್ರ ನಿರ್ಮಿಸಿರೋ ಹೊಂಬಾಳೆ ಸಂಸ್ಥೆ ಯುವರಾಜ್​ ಕುಮಾರ್ ಚಿತ್ರವನ್ನ ನಿರ್ಮಿಸುತ್ತಿದೆ.

ಯುವರಾಜ್​ ಕುಮಾರ್ ಅಭಿನಯದ ಈ ಚಿತ್ರದ ಟೀಸರ್ ಶೂಟಿಂಗ್ ಈಗಾಗಲೆ ಶುರು ಆಗಿದೆ. ಆದರೆ ಈ ಒಂದು ಟೀಸರ್​ನ್ನ ವಿಶೇಷವಾಗಿಯೇ ರಿಲೀಸ್ ಮಾಡಲಾಗುತ್ತಿದೆ.

ಮಾರ್ಚ್-3 ರಂದು ಬೆಂಗಳೂರಿನ ಸಿದ್ದಲಿಂಗೇಶ್ವರ ಚಿತ್ರಮಂದಿರದಲ್ಲಿ ಪ್ರದರ್ಶನ ಮಾಡಲಾಗುತ್ತಿದೆ. ಸಂಜೆ 6.30ಕ್ಕೆ ಸಿನಿಮಾದ ಟೈಟಲ್ ಟೀಸರ್ ರಿಲೀಸ್ ಆಗುತ್ತಿದೆ.

ರಾಜವಂಶದ ಅಭಿಮಾನಿಗಳು ಈ ಒಂದು ಟೀಸರ್ ರಿಲೀಸ್ ಸಂಭ್ರಮವನ್ನ ಹಬ್ಬದ ರೀತಿ ಸೆಲೆಬ್ರೇಟ್ ಮಾಡುತ್ತಿದ್ದಾರೆ. ಈ ಒಂದು ವಿಶೇಷ ಸಂದರ್ಭದಲ್ಲಿ ಯುವರಾಜ್​​ ಕುಮಾರ್ ಸಹ ಆಗಮಿಸುತ್ತಿದ್ದಾರೆ.

ದೊಡ್ಡಮಟ್ಟದಲ್ಲಿಯೇ ಯುವರಾಜ್​ ಕುಮಾರ್ ಈ ಚಿತ್ರದ ಮೂಲಕ ಎಂಟ್ರಿ ಕೊಡ್ತಾಯಿದ್ದಾರೆ. ಮೊದಲ ಸಿನಿಮಾ ಅಂದ್ಮೇಲೆ ದೊಡ್ಡ ತಯಾರಿನೂ ಮಾಡಿಕೊಂಡಿದ್ದಾರೆ. ಭಾರೀ ತಯಾರಿಯೊಂದಿಗೆ ಚಿತ್ರ ಸೆಟ್ಟೇರುತ್ತಿದೆ.

ಪವರ್ ಸ್ಟಾರ್ ಪುನೀತ್ ರಾಜಕುಮಾರ್​ ಅವರನ್ನ ಯುವರಾಜ್​ ಕುಮಾರ್ ಅವರಲ್ಲಿ ಅಪ್ಪು ಅಭಿಮಾನಿಗಳು ಈಗ ನೋಡುತ್ತಿದ್ದಾರೆ. ಹಾಗಾಗಿಯೇ ಯುವರಾಜ್ ಕುಮಾರ್ ಅವರನ್ನ ಜೂನಿಯರ್ ಪವರ್ ಸ್ಟಾರ್ ಯುವರಾಜ್​ ಕುಮಾರ್ ಅಂತಲೂ ಕರೆಯುತ್ತಿದ್ದಾರೆ.

ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಜನ್ಮ ದಿನದಂದು ಈ ಚಿತ್ರದ ಟೀಸರ್ ರಿಲೀಸ್ ಆಗುತ್ತದೆ ಅಂತ ಹೇಳಲಾಗಿತ್ತು. ಆದರೆ ಈಗ ಮಾರ್ಚ್-03 ರಂದು ಚಿತ್ರದ ಟೈಟಲ್ ಮತ್ತು ಟೀಸರ್ ರಿಲೀಸ್ ಆಗುತ್ತಿದೆ.

ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಜನ್ಮ ದಿನ ಮಾರ್ಚ್-17 ರಂದು ಯುವರಾಜ್​ ಕುಮಾರ್ ಚಿತ್ರ ಸೆಟ್ಟೇರುತ್ತದೆ. ಈ ದಿನವೇ ಶೂಟಿಂಗ್ ಶುರು ಆಗುತ್ತದೆ ಅನ್ನುವ ಮಾಹಿತಿ ಇದೆ.