Yuva Cinema Updates: ದೊಡ್ಮನೆ ಯುವರಾಜನ ಯುವ ಸಿನಿಮಾ ಹೊಸ ಅಪ್‌ಡೇಟ್ಸ್; ಸಖತ್ ಶೂಟಿಂಗ್ ಪ್ಲಾನ್

ದೊಡ್ಮನೆ ಯುವ ರಾಜ್‌ಕುಮಾರ್ ಅಭಿನಯದ ಯುವ ಚಿತ್ರದ ಕೆಲಸ ಶುರು ಆಗಿದೆ. ಇತ್ತೀಚಿಗೆ ಚಿತ್ರ ಅದ್ದೂರಿಯಾಗಿಯೇ ಸೆಟ್ಟೇರಿದೆ. ಡೈರೆಕ್ಟರ್ ಸಂತೋಷ್ ಆನಂದ್‌ ರಾಮ್ ಈ ಚಿತ್ರಕ್ಕಾಗಿ ಸಾಕಷ್ಟು ತಯಾರಿ ಮಾಡಿಕೊಂಡು ಫ್ಲೋರ್‌ಗೆ ಹೋಗುತ್ತಿದ್ದಾರೆ.

ರಾಜ್‌ ಮೊಮ್ಮಗ ಯುವ ರಾಜ್‌ಕುಮಾರ್ ಮೊದಲ ಚಿತ್ರಕ್ಕೆ ಸಾಕಷ್ಟು ಸಿದ್ದತೆ ಮಾಡಿಕೊಂಡಿದ್ದಾರೆ. ಪುನೀತ್ ರಾಜ್‌ಕುಮಾರ್ ರೀತಿನೇ ಸ್ಟಂಟ್ಸ್‌ಗಳೆಲ್ಲವನ್ನೂ ಕಲಿತಿದ್ದಾರೆ. ಡ್ಯಾನ್ಸ್ ಅಂತೂ ಗೊತ್ತೇ ಇದೆ. ಮೊದಲ ಚಿತ್ರಕ್ಕಾಗಿ ಲುಕ್ ಕೂಡ ಅದ್ಭುತವಾಗಿಯೇ ಮಾಡಿಕೊಂಡಿದ್ದಾರೆ.

ಯುವ ರಾಜ್‌ಕುಮಾರ್ ಅಭಿನಯದ ಮೊದಲ ಚಿತ್ರದ ಟೀಸರ್ ಗಮನ ಸೆಳೆದಿದೆ. ಅದೇ ರೀತಿ ಪೋಸ್ಟರ್‌ಗಳನ್ನ ಬಹುತೇಕರು ಇಷ್ಟಪಟ್ಟಿದ್ದಾರೆ. ಹಾಗೇನೆ ಈಗ ಸಿನಿಮಾದ ಅಪ್‌ಡೇಟ್ಸ್ ಅನ್ನು ನಿರೀಕ್ಷೆ ಮಾಡುತ್ತಿದ್ದಾರೆ.

ಯುವ ರಾಜ್‌ಕುಮಾರ್ ನಟನೆಯ ಯುವ ಸಿನಿಮಾದ ಸೆಟ್ ವರ್ಕ್ ಈಗಾಗಲೇ ಶುರು ಆಗಿದೆ. ಚಿತ್ರಕ್ಕಾಗಿ ಬೇಕಾಗೋ ಮಹತ್ವದ ಸೆಟ್‌ಗಳನ್ನ ಹಾಕಲಾಗುತ್ತಿದೆ. ಆ ಸೆಟ್ ನಿರ್ಮಾಣಕ್ಕೂ ಮುಂಚೆ ಪೂಜೆ ಕೂಡ ಮಾಡಲಾಗಿದೆ.

ಯುವ ಸಿನಿಮಾದಲ್ಲಿ ಭರ್ಜರಿ ಆ್ಯಕ್ಷನ್ ಸಿಕ್ವೆನ್ಸ್‌ಗಳೂ ಇವೆ. ಅವುಗಳನ್ನ ಸೆಟ್‌ನಲ್ಲಿಯೇ ಚಿತ್ರೀಕರಿಸಲಾಗುತ್ತಿದೆ. ಹಾಗಾಗಿಯೇ ಈಗ ಯುವ ಚಿತ್ರದ ಸೆಟ್ ನಿರ್ಮಾಣದ ಕೆಲಸವೂ ಶುರು ಆಗಿದೆ.

ಯುವ ಸಿನಿಮಾದ ಸೆಟ್ ವರ್ಕ್ ಪೂಜೆ ಸಿಂಪಲ್ ಆಗಿಯೇ ನಡೆದಿದೆ. ಚಿತ್ರದ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಸೇರಿದಂತೆ ಚಿತ್ರ ತಂಡದ ಇತರ ಸದಸ್ಯರು ಈ ಸಮಯದಲ್ಲಿ ಹಾಜರಿದ್ದರು.

ಯುವ ಸಿನಿಮಾದ ಬಗ್ಗೆ ಭಾರೀ ನಿರೀಕ್ಷೆ ಇದೆ. ದೊಡ್ಮನೆ ಯುವರಾಜನ ಮೊದಲ ಸಿನಿಮಾ ಇದಾಗಿದೆ. ಈ ಹಿನ್ನೆಲೆಯಲ್ಲಿ ಯುವ ಚಿತ್ರದ ಬಗ್ಗೆ ಇನ್ನಿಲ್ಲದಂತಹ ಕುತೂಹಲ ಕೂಡ ಇದೆ. ಒಟ್ನಲ್ಲಿ, ಯುವ ಸಿನಿಮಾ ಕೆಲಸ ಭರದಿಂದಲೇ ಈಗ ಸಾಗುತ್ತಿದೆ.