Akarsh Vajramuni: ನಟ ಭಯಂಕರ ವಜ್ರಮುನಿ ಮೊಮ್ಮಗ ಆಕರ್ಶ್ ವಜ್ರಮುನಿ; ಫೋಟೋಸ್​

ಕನ್ನಡ ಚಿತ್ರರಂಗ ಕಂಡ ಮಹಾನ್ ಖಳನಾಯಕ ನಟ ವಜ್ರಮುನಿ ಅವರ ಫ್ಯಾಮಿಲಿಯಿಂದ ಇಲ್ಲಿವರೆಗೂ ಯಾರೂ ಬಣ್ಣದ ಲೋಕಕ್ಕೆ ಕಾಲಿಟ್ಟಿರಲಿಲ್ಲ. ಆದರೆ ಇದೀಗ ಅವರ ಮೊಮ್ಮಗ ಆಕರ್ಶ್ ವಜ್ರಮುನಿ ಬಣ್ಣದ ಪ್ರಪಂಚಕ್ಕೆ ಕಾಲಿಟ್ಟಿದ್ದಾನೆ.

ವಜ್ರಮುನಿ ಅವರ ಮೊಮ್ಮಗ ಆಕರ್ಶ್ ವಜ್ರಮುನಿ ಬಾಲನಟನಾಗಿಯೇ ಇಂಡಸ್ಟ್ರೀಗೆ ಕಾಲಿಟ್ಟಿದ್ದಾರೆ. ಅಜ್ಜ ಸಿನಿಮಾಗಳಲ್ಲಿ ಯಲಾಕುನ್ನಿ ಅಂತಲೇ ಡೈಲಾಗ್ ಹೊಡೆಯುತ್ತಿದ್ದರು. ಅದೇ ಡೈಲಾಗ್‌ನ ಟೈಟಲ್ ಇರೋ ಚಿತ್ರದಲ್ಲಿ ಆಕರ್ಶ್ ಅಭಿನಯಿಸುತ್ತಿದ್ದಾರೆ.

ಆಕರ್ಶ್‌ ವಜ್ರಮುನಿ ತುಂಬಾ ಆ್ಯಕ್ಟೀವ್ ಆಗಿಯೇ ಇದ್ದಾನೆ. ಶಾಲೆಯಲ್ಲೂ ಚೂಟಿ ಹುಡುಗನಾಗಿದ್ದಾನೆ. ಕ್ರೀಡೆಯಲ್ಲಿ ತುಂಬಾ ಆಸಕ್ತಿಯಿದೆ. ಸ್ವಿಮಿಂಗ್, ವಾಲಿಬಾಲ್ ಹೀಗೆ ಎಲ್ಲದರಲ್ಲೂ ಆಕರ್ಶ್ ಆಕ್ಟೀವ್ ಆಗಿಯೇ ಇದ್ದಾನೆ.

ಆಕರ್ಶ್ ವಜ್ರಮುನಿ ಇಲ್ಲಿಯ ಕುಮಾರನ್ ಶಾಲೆಯಲ್ಲಿ 7ನೇ ತರಗತಿಯಲ್ಲಿ ಓದುತ್ತಿದ್ದಾನೆ. ಓದಿನ ಜೊತೆಗೆ ನಟನೆಯ ಆಕಸ್ತಿಯನ್ನೂ ಬೆಳಸಿಕೊಂಡಿದ್ದಾನೆ. ತಾತನ ಪ್ರಚಂಡ ರಾವಣ ನಾಟಕದ ಡೈಲಾಗ್‌ಗಳನ್ನ ಅದ್ಭುತವಾಗಿಯೇ ಆಕರ್ಶ್‌ ಹೇಳುತ್ತಾನೆ.

ಆಕರ್ಶ್ ವಜ್ರಮುನಿ ಅಭಿನಯದ ಆಸಕ್ತಿಯನ್ನ ಕೂಡ ಬೆಳಸಿಕೊಂಡಿದ್ದಾನೆ. ಬಿಂಬ ಮತ್ತು ಮಾಲತೇಶ್ ಬಡಿಗೇರ್ ತಂಡದಲ್ಲಿ ಆಕರ್ಶ್ ಬಾಲನಟನಾಗಿ ಅಭಿನಯಿಸಿದ್ದಾನೆ. ಸಾಮಾಜಿಕ ಮತ್ತು ಪೌರಾಣಿಕ ನಾಟಕಗಳಲ್ಲೂ ಅಭಿನಯಿಸಿ ಸೈ ಎನಿಸಿಕೊಂಡಿದ್ದಾನೆ.

ಯಲಾಕುನ್ನಿ ಮೇರಾ ನಾಮ್ ವಜ್ರಮುನಿ ಚಿತ್ರದ ಅವಕಾಶ ಆಕರ್ಶ್‌ನನ್ನ ಹುಡುಕಿಕೊಂಡು ಬಂದಿದೆ. ಒಳ್ಳೆ ಪಾತ್ರ ಅಂತಲೇ ಆಕರ್ಶ್ ತಂದೆ ಜಗದೀಶ್ ವಜ್ರಮುನಿ ಓಕೆ ಅಂದಿದ್ದಾರೆ. ಈ ಬಗ್ಗೆ ನ್ಯೂಸ್‌-18 ಕನ್ನಡ ಡಿಜಿಟಲ್‌ಗೂ ವಜ್ರಮುನಿ ಅವರ ಕಿರಿಯ ಪುತ್ರ ಜಗದೀಶ್ ಹೇಳಿಕೊಂಡಿದ್ದಾರೆ.

ಯಲಾಕುನ್ನಿ ಚಿತ್ರದಲ್ಲಿ ಒಂದು ಒಳ್ಳೆ ಪಾತ್ರ ಇತ್ತು. ಹಾಗಾಗಿಯೇ ನಮ್ಮ ಪುತ್ರನಿಗೆ ಅಭಿನಯಿಸೋಕೆ ಓಕೆ ಅಂತಲೇ ಹೇಳಿದೆ. ಅದರಲ್ಲೂ ತಂದೆಯ ಹೆಸರಿನ ಸಿನಿಮಾ ತಂದೆಯ ಪಾತ್ರ ಇರೋ ಚಿತ್ರ ಇದಾಗಿತ್ತು. ಈ ಕಾರಣಕ್ಕೆ ಒಪ್ಪಿದೆ ಅನ್ನೋ ಅರ್ಥದಲ್ಲಿಯೇ ಮಗ ಸಿನಿಮಾ ಎಂಟ್ರಿಯ ಹಿನ್ನೆಲೆಯನ್ನ ವಿವರಿಸಿದ್ದಾರೆ.

ಯಲಾಕುನ್ನಿ ಚಿತ್ರದಲ್ಲಿ ಆಕರ್ಶ್ ವಜ್ರಮುನಿ ಮಗನ ಪಾತ್ರ ಮಾಡಿದ್ದಾರೆ. ಕೋಮಲ್ ಪುತ್ರನಾಗಿ ಇಲ್ಲಿ ಅಭಿನಯಿಸುತ್ತಿದ್ದಾರೆ. ಕೋಮಲ್ ಸಿನಿಮಾದಲ್ಲಿ ಡಬಲ್ ರೋಲ್ ಮಾಡುತ್ತಿದ್ದಾರೆ. ಒಂದು ರೋಲ್‌ಲ್ಲಿ ವಜ್ರಮುನಿ ಅವರ ಪಾತ್ರವನ್ನ ಕೋಮಲ್ ನಿರ್ವಹಿಸುತ್ತಿದ್ದಾರೆ.

ಪ್ರದೀಪ್ ಈ ಚಿತ್ರದ ಮೂಲಕ ಡೈರೆಕ್ಟರ್ ಆಗುತ್ತಿದ್ದಾರೆ. ಏಪ್ರಿಲ್ ತಿಂಗಳಿನಿಂದ ಸಿನಿಮಾ ಶೂಟಿಂಗ್ ಶುರು ಆಗುತ್ತಿದೆ. ನವ ನಟಿ ನಿಸರ್ಗ ಈ ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಇನ್ನು ಹಲವು ಪಾತ್ರಗಳೂ ಈ ಚಿತ್ರದಲ್ಲಿ ಇವೆ.