Simple Star Rakshit: ಸಿಂಪಲ್ ಸ್ಟಾರ್ ಬಿರುದಿಗೆ 10 ವರ್ಷ, ರಕ್ಷಿತ್​ ಶೆಟ್ಟಿ ಸಿನಿ ಜರ್ನಿ ಝಲಕ್ ಇಲ್ಲಿದೆ

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಹತ್ತು ವರ್ಷದ ಹಿಂದೆ ಒಂದು ಸಿನಿಮಾ ಮಾಡಿದ್ದರು. ಈ ಚಿತ್ರ ಆ ಟೈಮ್‌ ಅಲ್ಲಿ ಹೊಸ ಅಲೆ ಎಬ್ಬಿಸಿತ್ತು. ವಿಶೇಷವಾಗಿ ಈ ಚಿತ್ರದ ಮೂಲಕ ಇಬ್ಬರು ಸ್ಟಾರ್‌ಗಳು ಹೊರ ಹೊಮ್ಮಿದರು. ಅವರ ಹೆಸರಿನ ಹಿಂದೆ ಸಿಂಪಲ್ ಅನ್ನುವ ಬಿರುದು ಕೂಡ ಬಂದೇ ಬಿಡ್ತು ನೋಡಿ.

ರಕ್ಷಿತ್ ಶೆಟ್ಟಿ ಅಭಿನಯದ ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಚಿತ್ರ ಬಂದು ಈ ಮಹಿಳಾ ದಿನಕ್ಕೆ 10 ವರ್ಷ ಪೂರ್ಣ ಆಗಿದೆ. ಈ ಚಿತ್ರದ ಮೂಲಕ ರಕ್ಷಿತ್ ಶೆಟ್ಟಿ ಸಿಂಪಲ್ ಸ್ಟಾರ್ ಆಗಿರೋದು ಅಷ್ಟೇ ವಿಶೇಷವಾದ ವಿಚಾರವು ಆಗಿದೆ.

ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಚಿತ್ರದ ಮೊದಲ ಟ್ರೈಲರ್ ಭಾರೀ ಕ್ರೇಜ್ ಹುಟ್ಟು ಹಾಕಿತ್ತು. ಈ ಚಿತ್ರದ ಟ್ರೈಲರ್ ಇಡೀ ಚಿತ್ರದ ಬಗೆಗಿನ ಕ್ರೇಜ್ ಝಲಕ್ ಆಗಿತ್ತು. ಆದರೆ ಚಿತ್ರದ ಒಳಗೆ ಬೇರೆ ಲವ್ ಸ್ಟೋರಿ ಇತ್ತು. ಅದನ್ನ ಜನ ಕೂಡ ಮೆಚ್ಚಿದ್ದರು.

ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಚಿತ್ರದಲ್ಲಿ ಶ್ವೇತಾ ಶ್ರೀವಾತ್ಸವ್ ಅಭಿನಯಿಸಿದ್ದರು. ಇವರ ಮಾತು ರಕ್ಷಿತ್ ಶೆಟ್ಟಿ ಮೌನ ಇರೋ ಪುಟ್ಟ ಪುಟ್ಟ ಡೈಲಾಗ್ ಇಡೀ ಚಿತ್ರಕ್ಕೆ ಹೊಸ ರೀತಿಯ ಮೆರಗು ತಂದಿತ್ತು. ಯುವಕರಂತೂ ಸಿನಿಮಾದ ಡೈಲಾಗ್‌ಳನ್ನ ತುಂಬಾ ಎಂಜಾಯ್ ಮಾಡಿದ್ದರು.

ರಕ್ಷಿತ್ ಶೆಟ್ಟಿ ಚಿತ್ರ ಜೀವನದ ಈ ವಿಶೇಷ ಚಿತ್ರ ಒಂದು ಹಂತಕ್ಕೆ ರಕ್ಷಿತ್ ಶೆಟ್ಟಿಯನ್ನ ಸಿಂಪಲ್ ಸ್ಟಾರ್ ಮಾಡಿ ಬಿಡುತ್ತದೆ. ಅಷ್ಟೊಂದು ಕ್ರೇಜ್ ಹುಟ್ಟಿಸಿದ್ದ ಈ ಚಿತ್ರವನ್ನ ಚಮಕ್ ಡೈರೆಕ್ಟರ್ ಸುನಿ ಡೈರೆಕ್ಟ್ ಮಾಡಿದ್ದಾರೆ. ಈ ಚಿತ್ರದ ಸಕ್ಸಸ್ ಬಳಿಕ ಡೈರೆಕ್ಟರ್ ಸುನಿ, ಸಿಂಪಲ್ ಸುನಿ ಅಂತಲೇ ಕರೆಸಿಕೊಂಡರು.

ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಚಿತ್ರವನ್ನ ಮಾರ್ಚ್-8, 2013 ರಂದು ರಿಲೀಸ್ ಮಾಡಲಾಗಿತ್ತು. ಚಿತ್ರ ರಿಲೀಸ್ ಆಗೋ ಮೊದಲೇ, ಈ ಸಿನಿಮಾದ ಟ್ರೈಲರ್ ಅಂದು ಭಾರೀ ಸಂಚಲನ ಹುಟ್ಟಿಸಿತ್ತು. ಅದನ್ನ ನೋಡಿಯೇ ಅದೆಷ್ಟೋ ಹುಡುಗರು ಥ್ರಿಲ್ ಆಗಿದ್ದರು.

ರಕ್ಷಿತ್ ಶೆಟ್ಟಿ ಮತ್ತು ಶ್ವೇತಾ ಶ್ರೀವಾತ್ಸವ್ ಅಭಿನಯದ ಈ ಸಿನಿಮಾ ಬಂದು ಈಗ ಹತ್ತು ವರ್ಷ ಕಳೆದಿದೆ. ಈಗಲೂ ಈ ಸಿನಿಮಾದ ಟ್ರೈಲರ್ ಮತ್ತು ಡೈಲಾಗ್ ಇಡೀ ಸಿನಿಮಾವನ್ನ ಸೆಳೆಯುತ್ತಿದೆ. ಆದರೆ ಈ ಹತ್ತು ವರ್ಷದಲ್ಲಿ ರಕ್ಷಿತ್ ಹಲವು ಸಿನಿಮಾದಲ್ಲಿ ನಟಿಸಿ ಗೆದ್ದು ಬೀಗಿದ್ದಾರೆ. ಡೈರೆಕ್ಟರ್ ಸಿಂಪಲ್ ಸುನಿ ಕೂಡ ಹೊಸ ರೀತಿ ಚಿತ್ರದ ಮೂಲಕ ಯಶಸ್ವಿ ಪಯಣ ಮುಂದುವರೆಸಿದ್ದಾರೆ.

ರಕ್ಷಿತ್ ಚಿತ್ರ ಜೀವನದಲ್ಲಿ ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಅದ್ಭುತವಾದ ಚಿತ್ರವೇ ಆಗಿದೆ. ನೇಮ್ ಆ್ಯಂಡ್ ಫೇಮ್‌ನ್ನೂ ಈ ಚಿತ್ರ ಕೊಟ್ಟಿದೆ. ಸಿಂಪಲ್ ಸುನಿ ಕೂಡ ಈ ಚಿತ್ರವನ್ನ ಈಗಲೂ ನೆನಪಿಟ್ಟುಕೊಂಡಿದ್ದಾರೆ. ಹತ್ತು ವರ್ಷದ ಹಿಂದೆ ಬಂದ ಈ ಚಿತ್ರ ಲವ್ ಮತ್ತು ಡೈಲಾಗ್ ವಿಷಯದಲ್ಲಿ ಇನ್ನೂ ತಾಜಾತನ ಸೂಸುತ್ತದೆ.