Shwetha Prasad: ಸೌದಿಯಲ್ಲಿ ರಾಧಾ ರಮಣ ನಟಿ ಶ್ವೇತಾ ಪ್ರಸಾದ್!

ಕನ್ನಡದ ರಾಧಾ ರಮಣ ಸೀರಿಯಲ್ ಖ್ಯಾತಿಯ ನಟಿ ಶ್ವೇತಾ ಪ್ರಸಾದ್ ಸೌದಿ ಅರೇಬಿಯಾದಿಂದ ವಾಪಸ್ ಆಗಿದ್ದಾರೆ. ಅಲ್ಲಿಯ ಸುಂದರ ತಾಣಗಳನ್ನ ಕಂಡು ಖುಷಿ ಪಟ್ಟಿದ್ದಾರೆ. ಆ ಖುಷಿಯನ್ನ ಫೋಟೋ ಮೂಲಕ ಎಲ್ಲರಿಗೂ ಶೇರ್ ಮಾಡಿದ್ದಾರೆ.

ಶ್ವೇತಾ ಪ್ರಸಾದ್ ಸೌದಿಗೆ ಹೋಗಿದ್ಯಾಕೆ? ಅನ್ನೋ ಈ ಒಂದು ಪ್ರಶ್ನೆಗೆ ಉತ್ತರ ಸಿಂಪಲ್ ಆಗಿದೆ. ಇದು ಇವರ ವೈಯುಕ್ತಿಕ ಪ್ರವಾಸ ಅಂತೂ ಅಲ್ವೇ ಅಲ್ಲ. ಸೌದಿ ಅರೇಬಿಯಾ ಪ್ರವಾಸೋದ್ಯಮ ಪ್ರಾಧಿಕಾರ ಶ್ವೇತಾರನ್ನ ಆಹ್ವಾನಿಸಿ ಇಲ್ಲಿ ಆತಿಥ್ಯ ನೀಡಿದೆ.

ಸೌದಿ ಅರೇಬಿಯಾದ ಪ್ರವಾಸೋದ್ಯಮ ಪ್ರಾಧಿಕಾರ ತಮ್ಮ ದೇಶದ ಪ್ರವಾಸೋದ್ಯಮವನ್ನ ಉತ್ತೇಜಿಸಲು ತೀರ್ಮಾನಿಸಿದೆ. ಬೇರೆ ಬೇರ ದೇಶದ ಸೆಲೆಬ್ರಿಟಿಗಳನ್ನೂ ತಮ್ಮ ದೇಶಕ್ಕೆ ಆಹ್ವಾನಿಸಿ ಆತಿಥ್ಯ ನೀಡುತ್ತಿದೆ. ಈ ಹಿನ್ನೆಲೆಯಲ್ಲಿ ರಾಧಾ ರಮಣ ಸೀರಿಯಲ್ ಶ್ವೇತಾ ಪ್ರಸಾದ್ ಇಲ್ಲಿ ಆತಿಥ್ಯ ಸ್ವೀಕರಿಸಿದ್ದಾರೆ.

ಶ್ರೀರಸ್ತು ಶುಭಮಸ್ತು ಹಾಗೂ ರಾಧಾ ರಮಣ ಸೀರಿಯಲ್ ಖ್ಯಾತಿ ನಟಿ ಶ್ವೇತಾ ಪ್ರಸಾದ್, ಬರೋಬ್ಬರಿ 6 ದಿನಗಳ ಕಾಲ ಸೌದಿಯ ಸುಂದರ ತಾಣಗಳಿಗೆ ಭೇಟಿ ಕೊಟ್ಟಿದ್ದಾರೆ. ಹೀಗೆ ಸೌದಿಯ ಪ್ರವಾಸೋದ್ಯಮ ಪ್ರಾಧಿಕಾರ ಆತಿಥ್ಯ ಸ್ವೀಕರಿಸಿದ ಮೊದಲ ಕನ್ನಡದ ನಟಿ ಇವರಾಗಿದ್ದಾರೆ.

ಶ್ವೇತಾ ಪ್ರಸಾದ್ ಅವರ ಸೌದಿಯ ವಿವಿಧ ಸುಂದರ ತಾಣಗಳಲ್ಲಿ ಒಳ್ಳೆ ಫೋಟೋ ಶೂಟ್ ಕೂಡ ಮಾಡಿಸಿದ್ದಾರೆ. ಪ್ರಾಧಿಕಾರ ಈ ಫೋಟೋ ಶೂಟ್​ ನಲ್ಲಿ ಸೌದಿಯ ಪ್ರವಾಸಿ ತಾಣದ ಅದ್ಭುತಗಳು ಕ್ಯಾಪ್ಚರ್ ಆಗಿವೆ.

ರಾಧಾ ರಮಣ ಸೀರಿಯಲ್ ಮೂಲಕ ಜನರಿಗೆ ಹತ್ತಿರವಾದ ಶ್ವೇತಾ ಪ್ರಸಾದ್, "ಕಳ್ಬೆಟ್ಟದ ದರೋಡೆಕೋರರು" ಚಿತ್ರದ ಮೂಲಕ ಬೆಳ್ಳಿ ತೆರೆಗೂ ಪ್ರವೇಶ ಮಾಡಿದ್ದಾರೆ. ಈಗ "ಅರಿಹ" ಅನ್ನೋ ವಿಶೇಷ ಟೈಟಲ್​​ನ ಸಿನಿಮಾವನ್ನೂ ಒಪ್ಪಿಕೊಂಡಿದ್ದಾರೆ.