Kannada Serial Actress: ವೋಟ್ ಹಾಕಿದ ಕಿರುತೆರೆ ಕಲಾವಿದರು, ಫೋಟೋಸ್ ನೋಡಿ!

ಮೇ 10 ರಂದು ಯಶಸ್ವಿಯಾಗಿ ಎಲ್ಲೆಡೆ ಮನತದಾನ ನಡೆದಿದೆ. ಕನ್ನಡ ಕಿರುತೆರೆ ಕಲಾವಿದರು ವೋಟ್ ಮಾಡಿ ತಮ್ಮ ಜವಾಬ್ದಾರಿ ಮೆರೆದಿದ್ದಾರೆ. ಫೋಟೋಗಳನ್ನು ನೋಡಿ.

ಕನ್ನಡತಿ ಧಾರಾವಾಹಿ ಖ್ಯಾತಿಯ ರಂಜನಿ ರಾಘವನ್ ಅವರು ವೋಟ್ ಮಾಡಿ, ಸಂದೇಶವೊಂದನ್ನು ಹಾಕಿದ್ದಾರೆ. ನಮ್ಮ ಮನೆಕೆಲಸದಾಕೆ ಮತದಾನ ಮಾಡಲು ಬಸ್ ಹಿಡಿದು ಕುಟುಂಬ ಸಮೇತ ಗುಲ್ಬರ್ಗ ಸಮೀಪದ ತನ್ನ ಹಳ್ಳಿಗೆ ಹೋಗಿದ್ದಾಳೆ. ಇತ್ತ ನನ್ನ ಪರಿಚಿತರಾದ 2 ಲಕ್ಷ ರೂ ವೇತನ ಪಡೆಯುವ ವಿವಿ ಅಧ್ಯಾಪಕರು,ಯಾರೋ ಗೆದ್ದು ಬೀಗೋದಿಕ್ಕೆ ನಾನ್ಯಾಕೆ ಡ್ಯೂಟಿ ಮಾಡಬೇಕು? ಅಂತ ಒಲ್ಲದ ಮನಸ್ಸಿನಿಂದ ಗೊಣಗುತ್ತಾ ಎಲೆಕ್ಷನ್ ಡ್ಯೂಟಿಗೆ ಹೋಗುತ್ತಿದ್ದರು. ಮತಗಟ್ಟೆಗಳ ಕೆಲಸ ಮತದಾನದಷ್ಟೇ ಪವಿತ್ರವಲ್ಲವೇ? ನಮ್ಮ ವ್ಯವಸ್ಥೆಯಲ್ಲಿ ಅವಿದ್ಯಾವಂತರ ಮುಗ್ಧತೆಗಿಂತ ವಿದ್ಯಾವಂತರ ಸಿನಿಕತೆ ಅಪಾಯಕಾರಿ ಅನ್ನಿಸುತ್ತಿದೆ ಎಂದು ಬರೆದುಕೊಂಡಿದ್ದಾರೆ.

ನಾನು ನನ್ನ ಕರ್ತವ್ಯವನ್ನು ಮಾಡಿದ್ದೇನೆ. ನೀವೆಲ್ಲರೂ ಮತ ಹಾಕಿದ್ದೀರಿ ಎಂದು ನಾನು ಭಾವಿಸುತ್ತೇನೆ ಎಂದು ನೇಹಾ ಗೌಡ ಅವರು ಹೇಳಿದ್ದಾರೆ.

ಅಗ್ನಿಸಾಕ್ಷಿ ಖ್ಯಾತಿಯ ವೈಷ್ಣವಿ ಗೌಡ ಅವರು ಮತ ಹಾಕಿ, ನಮ್ಮೆಲ್ಲರೊಳಗೆ ಎಲ್ಲೋ ಬದಲಾಗುವ ಶಕ್ತಿ ಇದೆ ಪೋಸ್ಟ್ ಹಾಕಿದ್ದಾರೆ.

ನಾವು ನಮ್ಮ ಕೈಲಾದಷ್ಟು ಮಾಡಿದ್ದೇವೆ. ಪ್ರತಿಯೊಂದು ಮತವೂ ಉತ್ತಮ ದೇಶಕ್ಕಾಗಿ, ಉತ್ತಮ ನಾಳೆಗಾಗಿ ಎಣಿಕೆಯಾಗುತ್ತದೆ ಎಂದು ಬ್ರಹ್ಮಗಂಟು ಧಾರಾವಾಹಿ ಖ್ಯಾತಿಯ ಗೀತಾ ಭಟ್ ಹೇಳಿದ್ದಾರೆ.

ನಿಮ್ಮ ಮೌಲ್ಯವನ್ನು ಎಂದಿಗೂ ಮರೆಯದಿರಿ ಎಂದು ನಟಿ ದೀಪಿಕಾ ದಾಸ್ ವೋಟ್ ಮಾಡಿ, ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ನೀವು ಮತ ಹಾಕಿದ್ರಾ ಎಂದು ಕೇಳಿದ್ದಾರೆ.

ನಟಿ, ಬಿಗ್ ಬಾಸ್ ಸ್ಪರ್ಧಿ ದಿವ್ಯಾ ಉರುಡುಗ ಸಹ ವೋಟ್ ಹಾಕಿ, ಫ್ಯಾಮಿಲಿ ಜೊತೆಗಿನ ಫೋಟೋ ಹಾಕಿಕೊಂಡಿದ್ದಾರೆ. ಎಲ್ಲರೂ ಫೋಟೋ ಮೆಚ್ಚಿಕೊಂಡಿದ್ದಾರೆ.

ಸ್ಯಾಂಡಲ್‍ವುಡ್ ನಟಿ ಕಾರುಣ್ಯ ರಾಮ್ ಸಹ ವೋಟ್ ಹಾಕಿ ತಮ್ಮ ಕರ್ತವ್ಯ ನಿಭಾಯಿಸಿದ್ದಾರೆ. ಶನಿವಾರ ಫಲಿತಾಂಶ ಬರಲಿದ್ದು, ಯಾರು ಗೆಲ್ತಾರೆ ಎಂಬ ಕುತೂಹಲಕ್ಕೆ ತೆರೆ ಬೀಳಲಿದೆ.