Neha Gowda Husband Chandan: ಅಂತರಪಟ ಸೀರಿಯಲ್ ನಾಯಕ ಯಾರು, ನೇಹಾ ಗೌಡ ಪತಿ ಚಂದನ್ ಹೀರೋನಾ?

ಕನ್ನಡ ಕಿರುತೆರೆಯಲ್ಲಿ ಗೊಂಬೆ ಎಂದು ಖ್ಯಾತಿ ಪಡೆದಿದ್ದಾರೆ ನೇಹಾ ಗೌಡ. ಲಕ್ಷ್ಮಿ ಬಾರಮ್ಮ ಧಾರಾವಾಹಿ ಮೂಲಕ ಕರುನಾಡ ಜನರ ಮನಸ್ಸು ಗೆದ್ದಿದ್ದರು. ಈಗ ಅವರ ಪತಿ ಚಂದನ್ ಅವರು ಧಾರಾವಾಹಿಗೆ ನಾಯಕನಾಗಿ ಎಂಟ್ರಿ ಕೊಡ್ತಿದ್ದಾರಂತೆ.

ನಟಿ ನೇಹ ಗೌಡ ಮತ್ತು ಚಂದನ್ ತುಂಬಾ ವರ್ಷಗಳ ಕಾಲ ಪ್ರೀತಿಸಿ ಮದುವೆಯಾಗಿದ್ದಾರೆ. ಚಂದನ್ ತಮ್ಮ ಪತ್ನಿಗಾಗಿ ವಿದೇಶದಲ್ಲಿನ ಕೆಲಸ ಬಿಟ್ಟು ಇಲ್ಲಿಗೆ ಬಂದು ಜೀವನ ನಡೆಸುತ್ತಿದ್ದಾರೆ.

ಚಂದನ್ ಮತ್ತು ನೇಹಾ ಗೌಡ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗಿದ್ದ ರಾಜಾ ರಾಣಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಇಬ್ಬರು ಚೆನ್ನಾಗಿ ಸ್ಪರ್ಧೆ ನೀಡಿ ವಿಜೇತರಾಗಿದ್ದರು. ಈ ಜೋಡಿ ರಾಜ್ಯದ ಜನರ ಮನಸ್ಸು ಗೆದ್ದಿತ್ತು.

ರಾಜಾ ರಾಣಿ ಶೋ ನಂತರ ಚಂದನ್ ಅವರು ಡ್ಯಾನ್ಸ್ ಶೋನಲ್ಲೂ ಭಾಗವಹಿಸಿದ್ದರು. ಡ್ಯಾನ್ಸ್ ನಲ್ಲೂ ಸೈ ಎನಿಸಿಕೊಂಡಿದ್ದರು. ಈಗ ನಟನೆಗೆ ಸಿದ್ಧವಾಗಿದ್ದಾರೆ. ಪತ್ನಿ ಪ್ರೇರಣೆಯಿಮದ ಕಿರುತೆರೆಗೆ ಎಂಟ್ರಿ ಕೊಡ್ತಿದ್ದಾರಂತೆ.

ಕಲರ್ಸ್ ಕನ್ನಡದಲ್ಲಿ ಶೀಘ್ರದಲ್ಲೇ ಅಂತರಪಟ ಎನ್ನುವ ಧಾರಾವಾಹಿ ಪ್ರಸಾರವಾಗಲಿದೆ. ಅದರ ಪ್ರೋಮೋವನ್ನು ಬಿಟ್ಟಿದ್ದಾರೆ. ನಾಯಕಿಯಾಗಿ ಆರಾಧನಾ ಅವರನ್ನು ಪರಿಚಯ ಮಾಡಿಸಲಾಗಿದೆ. ಅಪ್ಪನ ಪಾತ್ರದಲ್ಲಿ ಬಿಗ್ ಬಾಸ್ ಮಂಜು ಪಾವಗಡ ಅಭಿನಯಿಸಲಿದ್ದಾರೆ.

ಸ್ವಪ್ನ ಕೃಷ್ಣ ಅವರ ನಿರ್ಮಾಣ, ನಿರ್ದೇಶನದ ಧಾರವಾಹಿ ಅಂತರಪಟ. ಇದರಲ್ಲಿ ಚಂದನ್ ನಾಯಕನಾಗಿ ಅಭಿನಯಿಸಲಿದ್ದಾರೆ. ಎಲ್ಲೆಡೆ ಈ ಸುದ್ದಿ ಹಬ್ಬಿದೆ. ಅಧಿಕೃತ ಮಾಹಿತಿ ಸಿಕ್ಕಿಲ್ಲ.

ಸದ್ಯದಲ್ಲೇ ನಾಯಕ ಚಂದನ್ ಇರುವ ಪ್ರೋಮೋ ಹೊರ ಬೀಳಲಿದೆ. ರಿಯಾಲಿಟಿ ಶೋ, ಡ್ಯಾನ್ಸ್ ಮೂಲಕ ಜನರ ಮನಸ್ಸು ಗೆದ್ದ ನೇಹಾ ಗೌಡ ಪತಿ ಅಭಿನಯಕ್ಕೂ ಇಳಿದಿದ್ದಾರೆ. ಇಲ್ಲೂ ಗೆಲ್ಲುವ ವಿಶ್ವಾಸದಲ್ಲಿದ್ದಾರೆ.

ನೇಹಾ ಗೌಡ ಮತ್ತು ಚಂದನ್ ಇಬ್ಬರು ಸೀರಿಯಲ್ ನಲ್ಲಿ ಬ್ಯುಸಿ ಆಗ್ತಿದ್ದಾರೆ. ನೇಹಾ ಗೌಡ ಸುವರ್ಣದಲ್ಲಿ ಪ್ರಸಾರವಾಗ್ತಿರುವ ನಮ್ಮ ಲಚ್ಚಿಯಲ್ಲಿ ಅಭಿನಯಿಸುತ್ತಿದ್ದಾರೆ.