ಅದ್ದೂರಿಯಾಗಿ ನಡೆಯಲಿದೆ ರಾಧಾ ರಮಣ ಧಾರಾವಾಹಿ ಖ್ಯಾತಿಯ ನಟಿ Kavya Gowda ಮದುವೆ..!

ಕನ್ನಡದ ಕಿರುತೆರೆಯಲ್ಲಿ ಕೆಲವು ಧಾರಾವಾಹಿಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿರುವ ನಟಿ ಕಾವ್ಯಾ ಗೌಡ ಬಕಾಸುರ ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ. ಈ ನಟಿ ಈಗ ತಮ್ಮ ಜೀವನದ ಮತ್ತೊಂದು ಅಧ್ಯಾಯದ ಆರಂಭದಲ್ಲಿದ್ದಾರೆ. 

ಬೆಂಗಳೂರು ಮೂಲದ ಉದ್ಯಮಿಯಾಗಿರುವ ಸೋಮಶೇಖರ್​ ಅವರನ್ನು ಮದುವೆಯಾಗುತ್ತಿರುವ ಕಾವ್ಯಾ ಗೌಡ ತುಂಬಾ ಖುಷಿಯಲ್ಲಿದ್ದಾರೆ. ತನ್ನ ಹುಡುಗನ ಜತೆಗಿನ ಚಿತ್ರವನ್ನು ಹಂಚಿಕೊಂಡಿದ್ದು, ನೀನು ನನ್ನ ಬೆಸ್ಟ್​ ಫ್ರೆಂಡ್​ ಹಾಗೂ ಲವರ್​ ಎಂದು ಬರೆದುಕೊಂಡಿದ್ದಾರೆ.

ಈ ಜೋಡಿಯ ಮದುವೆ ಡಿ. 2ರಂದು ಬೆಂಗಳೂರಿನಲ್ಲೇ ನಡೆಯಲಿದೆ. ಅದಕ್ಕೂ ಮೊದಲು ನ. 29ರಂದು ಬೆಂಗಳೂರಿನ ಜೆ ಡಬ್ಲ್ಯು ಮ್ಯಾರಿಯೇಟ್​ ಹೋಟೆಲ್​ನಲ್ಲಿ ಮೆಹೆಂದಿ ಹಾಗೂ ಸಂಗೀತ್​ ಕಾರ್ಯಕ್ರಮ ನಡೆಯಲಿದೆ. 

ಡಿಸೆಂಬರ್​ 1ರಂದು ಬೆಂಗಳೂರಿನಲ್ಲಿರುವ ತಾಜ್​ ವೆಸ್ಟೆಂಡ್​ ಹೋಟೆಲ್​ನಲ್ಲಿ ಆರತಕ್ಷತೆ ಆಯೀಜಿಸಲಾಗಿದ್ದು, ಅಲ್ಲೇ 2ರಂದು ಅದ್ದೂರಿಯಾಗಿ ಮದುವೆ ನಡೆಯಲಿದೆ.

ಕಾವ್ಯಾ ಗೌಡ ಅವರು ಇಷ್ಟಪಟ್ಟಂತೆಯೇ ಅವರ ಮದುವೆಗೆ ಬರುವ ಅತಿಥಿಗಳಿಗೆ ಒಂದೊಂದು ಗಿಡ ಕೊಡಲು ನಿರ್ಧರಿಸಲಾಗಿದೆಯಂತೆ. ಮದುವೆಯಲ್ಲಿ ಕೊರೋನಾ ನಿಯಮಗಳನ್ನು ಪಾಲಿಸಲಾಗುತ್ತದೆಯಂತೆ.

ಸಾಕಷ್ಟು ವಕಾಶಗಳು ಅರಸಿ ಬಂದರೂ ಕಳೆದ ಎರಡು ವರ್ಷಗಳಿಂದ ಕಾವ್ಯಾ ಗೌಡ ಅವರು ಬಣ್ಣದ ಲೋಕದಿಂದ ದೂರ ಇದ್ದಾರೆ. ಕಾರಣ ಅವರು ಆಭರಣಗಳ ಡಿಸೈನ್​ ಕಲಿಯುತ್ತಿದ್ದಾರಂತೆ. ಇದನ್ನೇ ಅವರು ಮುಂದುವೆರೆಸಿಕೊಂಡು ಹೋಗಲು ನಿರ್ಧರಿಸಿದ್ದಾರಂತೆ. ಹೀಗೆಂದು ಪತ್ರಿಕೆಯೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ ಕಾವ್ಯಾ.

ಕಾವ್ಯಾ ಗೌಡ ಅವರ ಅಕ್ಕ ಒಂದು ಡಿಸೈನರ್​ ಸ್ಟುಡಿಯೋ ನಡೆಸುತ್ತಿದ್ದು, ಕಾವ್ಯಾ ಅವರು ತಮ್ಮ ಮದುವೆಗೆ ಆ ಸ್ಟುಡಿಯೋದಲ್ಲಿ ಡಿಸೈನ್​ ಮಾಡಲಾದ ವಸ್ತ್ರಗಳನ್ನೇ ತೊಡಲಿದ್ದಾರಂತೆ.

ಇತ್ತೀಚೆಗಷ್ಟೆ ಕಾವ್ಯಾ ಗೌಡ ಅವರ ಬ್ಯಾಚುಲರ್​ ಪಾರ್ಟಿ ನಡೆದಿದೆ. ಅಕ್ಕ ಹಾಗೂ ತಮ್ಮ ಪ್ರೀತಿಯ ಹುಡುಗ ಈ ಪಾರ್ಟಿ ಆಯೋಜಿಸಿದ್ದರಂತೆ. ಈ ಪಾರ್ಟಿಯಲ್ಲಿ ಕಾವ್ಯಾ ಗೌಡ ಸಖತ್ತಾಗಿ ಎಂಜಾಯ್ ಮಾಡಿದ್ದಾರೆ.

ಕಾವ್ಯಾ ಗೌಡ ಅವರ ಮದುವೆಗೆ ಕಿರುತೆರೆ ಹಾಗೂ ಬೆಳ್ಳಿತೆರೆಯ ಸೆಲೆಬ್ರಿಟಿಗಳು ಹಾಗೂ ತಂತ್ರಜ್ಞರು ಹಾಜರಿ ಹಾಕಲಿದ್ದಾರಂತೆ. ಅಲ್ಲದೆ ಕಾವ್ಯಾ ಹಾಗೂ ಸೋಮಶೇಖರ್ ಅವರ ಮದುವೆ  ಕಳೆದ ಮೇ ತಿಂಗಳಿನಲ್ಲೇ ನಡೆಯಬೇಕಿತ್ತು. ಆದರೆ, ಕೊರೋನಾ ಕಾರಣಕ್ಕೆ ಅದನ್ನು ಮುಂದೂಡಲಾಗಿತ್ತು.