Movie Title: ಯುವರಾಜ್ ಕುಮಾರ್ ಟೈಟಲ್ ರಿವೀಲ್; ಟೀಸರ್ ನೋಡಿ ಥ್ರಿಲ್ ಆದ ಫ್ಯಾನ್ಸ್!

ಯುವ ರಾಜ್‌ ಕುಮಾರ್ ಅಭಿನಯದ ಮೊದಲ ಸಿನಿಮಾದ ಮೊದಲ ಟೀಸರ್ ರಿಲೀಸ್ ಆಗಿದೆ. ಗ್ಯಾಂಗಸ್ಟರ್ ಕಥೆಯನ್ನ ಈ ಚಿತ್ರ ಹೊಂದಿದೆ ಅನ್ನುವ ಅರ್ಥದಲ್ಲಿಯೇ ಇಡೀ ಟೀಸರ್ ನಮಗೆ ಫೀಲ್ ಆಗುತ್ತದೆ. ಚಿತ್ರದ ಈ ಟೀಸರ್ ಹಿನ್ನೆಲೆಯಲ್ಲಿ ಪ್ರಕಾಶ್ ರೈ ಅವರ ಕಂಚಿನ ಕಂಠ ನಿರೂಪಣೆ ಕೂಡ ಇದೆ.

ಯುವ ರಾಜ್‌ಕುಮಾರ್ ನಟನೆಯ ಮೊದಲ ಚಿತ್ರಕ್ಕೆ ಯುವ ಅನ್ನುವ ವಿಶೇಷ ಟೈಟಲ್ ಇಡಲಾಗಿದೆ. ಈ ಚಿತ್ರದ ರಿಲೀಸ್ ಡೇಟ್ ಕೂಡ ಈಗಲೇ ಅನೌನ್ಸ್ ಆಗಿದೆ. 22.12.2023 ರಂದು ಚಿತ್ರವನ್ನ ರಿಲೀಸ್ ಮಾಡೋ ಪ್ಲಾನ್ ಕೂಡ ಮಾಡಲಾಗಿದೆ.

ರಾಜಕುಮಾರ ಚಿತ್ರವನ್ನ ಡೈರೆಕ್ಟ್ ಮಾಡಿರೋ ನಿರ್ದೇಶಕ ಸಂತೋಷ್ ಅನಂದ್ ರಾಮ್ ಈ ಚಿತ್ರವನ್ನ ಡೈರೆಕ್ಟ್ ಮಾಡುತ್ತಿದ್ದಾರೆ. ಈ ಚಿತ್ರದ ಮೂಲಕ ಯುವರಾಜ್‌ ಕುಮಾರ್ ಕನ್ನಡ ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಾರೆ.

ಮೊದಲ ಚಿತ್ರಕ್ಕೆ ಭರ್ಜರಿ ತಯಾರಿ ಮಾಡಿಕೊಂಡಿರೋ ನಟ ಯುವರಾಜ್‌ ಕುಮಾರ್ ಅದ್ಭುತವಾಗಿಯೇ ಕಾಣಿಸಿಕೊಂಡಿದ್ದಾರೆ. ಪಕ್ಕಾ ಮಾಸ್ ಲುಕ್ ಅಲ್ಲಿಯೇ ಟೀಸರ್‌ ನಲ್ಲಿ ಎಂಟ್ರಿ ಕೊಡ್ತಾರೆ.

ಇಡೀ ಟೀಸರ್‌ನಲ್ಲಿ ಯುವರಾಜ್‌ ಕುಮಾರ್ ಎಲ್ಲೂ ಹೆಚ್ಚು ಡೈಲಾಗ್ ಹೊಡೆಯೋದಿಲ್ಲ. ಒಂದೇ ಒಂದು ಡೈಲಾಗ್ ಹೊಡೆದು ತಮ್ಮ ಪಾತ್ರದ ಖದರ್‌ನ್ನ ಇಲ್ಲಿ ತೋರಿಸುತ್ತಾರೆ.

ಚಿತ್ರಕ್ಕೆ ಯುವ ಅಂತ ಹೆಸರಿಟ್ಟು ವಿಶೇಷವಾಗಿಯೇ ಗಮನ ಸೆಳೆಯಲಾಗಿದೆ. ಪುನೀತ್ ರಾಜ್‌ಕುಮಾರ್ ಕೂಡ ಮೊದಲ ಚಿತ್ರಕ್ಕೆ ಅವರ ಅಪ್ಪು ಅನ್ನುವ ನಿಕ್‌ ನೇಮ್‌ನ ಹೆಸರನ್ನೆ ಟೈಟಲ್ ಆಗಿಸಿದ್ದರು.

ಯುವರಾಜ್‌ ಕುಮಾರ್ ಕೂಡ ತಮ್ಮ ಚಿಕ್ಕಪ್ಪನಂತೆ ತಮ್ಮ ಹೆಸರಿನ ಟೈಟಲ್ ಮೂಲಕವೇ ಕನ್ನಡ ನಾಡಿಗೆ ಕಾಲಿಡುತ್ತಿದ್ದಾರೆ. ಈ ಚಿತ್ರದ ಟೈಟಲ್ ಮತ್ತು ಟೀಸರ್ ಮಾತ್ರ ಈಗ ರಿಲೀಸ್ ಆಗಿದೆ. ಪುನೀತ್ ಜನ್ಮ ದಿನ ಮಾರ್ಚ್-17 ರಂದು ಮುಹೂರ್ತ ಕೂಡ ಆಗಲಿದೆ ಅನ್ನೋ ಸುದ್ದಿನೂ ಇದೆ.