Manikanth Kadri: ಮಣಿಕಾಂತ್ ಕದ್ರಿ ಸಂಗೀತ ಸವಾರಿಗೆ 20 ವರ್ಷ ಪೂರ್ಣ

ಕನ್ನಡ ಚಿತ್ರರಂಗದ ಖ್ಯಾತ ಸಂಗೀತ ನಿರ್ದೇಶಕ ಮಣಿಕಾಂತ್ ಕದ್ರಿ ಇಂಡಸ್ಟ್ರೀಯಲ್ಲಿ 20 ವರ್ಷ ಪೂರ್ಣ ಮಾಡಿದ್ದಾರೆ. ತಮ್ಮ ಈ ಎರಡು ದಶಕದ ಜರ್ನಿಯಲ್ಲಿ ಹಲವಾರು ಹಿಟ್ ಸಾಂಗ್ಸ್​ ಅನ್ನೂ ಮಣಿಕಾಂತ್ ಕದ್ರಿ ಕೊಟ್ಟಿದ್ದಾರೆ.

ಮಣಿಕಾಂತ್ ಕದ್ರಿ ಅವರ ಸಂಗೀತದಲ್ಲಿ ಸವಾರಿ ಚಿತ್ರದ ಅದ್ಭುತ ಹಾಡುಗಳೇ ಮೂಡಿ ಬಂದಿದ್ದವು. ಸವಾರಿ-2 ಚಿತ್ರಕ್ಕೂ ಮಣಿಕಾಂತ್ ಸಂಗೀತ ನಿರ್ದೇಶನ ಮಾಡಿದ್ದರು.

ಮದುವೆ ಮನೆ, ನಡುವೆ ಅಂತರವಿರಲಿ, ರನ್ ಆ್ಯಂಟಿನಿ ಚಿತ್ರಕ್ಕೂ ಮಣಿಕಾಂತ್ ಕದ್ರಿ ಸಂಗೀತ ಕೊಟ್ಟಿದ್ದರು. ಈ ಚಿತ್ರಗಳ ಹಾಡುಗಳು ಜನರ ಮೆಚ್ಚುಗೆ ಪಡೆದಿದ್ದವರು.

ಮಣಿಕಾಂತ್ ಕದ್ರಿ ಕನ್ನಡದ ಗಣೇಶ ಚಿತ್ರದ ಮೂಲಕ ಕನ್ನಡದಲ್ಲಿ ಸಂಗೀತ ನಿರ್ದೇಶನ ಮಾಡೋಕೆ ಆರಂಭಿಸಿದ್ದರು. ಅಲ್ಲಿಂದ 2022 ರವರೆಗೂ ಹಲವು ಹಿಟ್ ಹಾಡುಗಳನ್ನ ಕೊಟ್ಟಿದ್ದಾರೆ.

ಮಣಿಕಾಂತ್ ಕದ್ರಿ ಬರೋಬ್ಬರಿ 20 ವರ್ಷದಲ್ಲಿ 70ಕ್ಕೂ ಹೆಚ್ಚು ಚಿತ್ರಗಳಿಗೆ ಸಂಗೀತ ನಿರ್ದೇಶನದ ಮಾಡಿದ್ದಾರೆ.

ಕನ್ನಡದಲ್ಲಿ ಮಿಸ್ಟರ್ ಗರಗಸ, ಮಳೆಬಿಲ್ಲೆ, ಸ್ವಯಂವರ, ಮೂಕಹಕ್ಕಿ, ಜಾತ್ರೆ ಚಿತ್ರಗಳಿಗೂ ಮಣಿಕಾಂತ್ ಕದ್ರಿ ಸಂಗೀತ ಕೊಟ್ಟಿದ್ದಾರೆ. ಇದಲ್ಲದೇ 15 ಕ್ಕೂ ಹೆಚ್ಚು ತುಳು ಚಿತ್ರಗಳಿಗೂ ಮಣಿಕಾಂತ್ ಸಂಗೀತ ಮಾಡಿದ್ದಾರೆ. ಇಲ್ಲೂ ಹಲವು ಹಿಟ್ ಹಾಡುಗಳನ್ನೆ ಕೊಟ್ಟಿದ್ದಾರೆ.

ಡಾರ್ಲಿಂಗ್ ಕೃಷ್ಣ ಅಭಿನಯದ ಮಿಸ್ಟರ್ ಬ್ಯಾಚುಲರ್, ಬಿ.ಎಸ್.ಲಿಂಗದೇವರು ನಿರ್ದೇಶನದ ವಿರಾಟಪುರ ವೈರಾಗಿ, ರಾಜೇಂದ್ರ ಸಿಂಗ್ ಬಾಬು ನಿರ್ದೇಶನದ ಬಿರ್ದುದ ಕಂಬಳ, ಗುರುದೇಶಪಾಂಡೆ ನಿರ್ಮಾಣದ ಪೆಂಟಗಾನ್, ತೆಲುಗು ಮತ್ತು ಕನ್ನಡದಲ್ಲಿ ಬರ್ತಿರೋ ಲೈನ್ ಮ್ಯಾನ್ ಚಿತ್ರಗಳಿಗೂ ಮಣಿಕಾಂತ್ ಕದ್ರಿ ಸಂಗೀತ ಕೊಟ್ಟಿದ್ದಾರೆ. ಈ ಚಿತ್ರಗಳು ಈಗ ರಿಲೀಸ್​ ಆಗಬೇಕಿದೆ.

ಮಣಿಕಾಂತ್ ಕದ್ರಿ ತಮ್ಮ ತಂದೆ ಖ್ಯಾತ ಸ್ಯಾಕ್ಸೋಫೋನ್ ವಾದಕ ಕದ್ರಿ ಗೋಪಾಲನಾಥ್ ಹೆಸರಲ್ಲಿ ಟ್ರಸ್ಟ್ ಮಾಡಿದ್ದಾರೆ. ಈ ಮೂಲಕ ಹೊಸ ಪ್ರತಿಭೆಗಳಿಗೆ ಅವಕಾಶ ಮಾಡಿಕೊಡ್ತಿದ್ದಾರೆ.