Arjun Janya Movie: ರಾಜ್ ಬಿ ಶೆಟ್ಟಿ ಜೊತೆ ನಟಿಸಲು ನಾಯಕಿ ಫಿಕ್ಸ್​! ಹೆಸರು ಅನೌನ್ಸ್​ ಮಾಡಿದ್ರು ಅರ್ಜುನ್ ಜನ್ಯ

ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಮೊದಲ ಚಿತ್ರಕ್ಕೆ ನಾಯಕಿ ಹುಡುಕಾಟ ನಡೆದಿದೆ. ಮೂವರು ಸ್ಟಾರ್‌ಗಳನ್ನ ಒಂದೇ ಚಿತ್ರದಲ್ಲಿ ಅರ್ಜುನ್ ಜನ್ಯ ನಿರ್ದೇಶನ ಮಾಡುತ್ತಿದ್ದಾರೆ. ಮೂವರು ನಾಯಕಿಯರ ಹುಡುಕಾಟವೂ ಜೋರಾಗಿಯೇ ನಡೆಯುತ್ತಿದೆ.

ಅರ್ಜುನ್ ಜನ್ಯ ಅವರು 45 ಸಿನಿಮಾದ ಮೂವರು ನಾಯಕಿಯರಿಲ್ಲಿ ಒಬ್ಬ ನಾಯಕಿ ಈಗ ಸಿಕ್ಕಾಗಿದೆ. ನಾಯಕಿ ಯಾರು ಅನ್ನುವ ವಿಷಯ ಮೊನ್ನೆಯಿಂದಲೇ ಹರಿದಾಡುತ್ತಿದೆ. ಆದರೆ ಅರ್ಜುನ್ ಜನ್ಯ ಇದೀಗ ಅಧಿಕೃತ ಮಾಹಿತಿ ಕೊಟ್ಟಿದ್ದಾರೆ.

ಕನ್ನಡದ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಇದೇ ಮೊದಲು ನಿರ್ದೇಶನಕ್ಕೆ ಕೈ ಹಾಕಿದ್ದಾರೆ. ನಿರ್ದೇಶನದ ಜೊತೆಗೆ ಸಂಗೀತ ನಿರ್ದೇಶನ ಕೂಡ ಮಾಡುತ್ತಿದ್ದಾರೆ. ಇದಲ್ಲದೇ ನಾಯಕಿಯ ಹುಡುಕಾಟವನ್ನೂ ತಾವೇ ಮಾಡುತ್ತಿದ್ದಾರೆ.

ಅರ್ಜುನ್ ಜನ್ಯ ಅವರ ಮೊದಲ ಚಿತ್ರದಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯಿಸುತ್ತಿದ್ದಾರೆ. ಹ್ಯಾಟ್ರಿಕ್ ಹೀರೋ ಶಿವಣ್ಣ ಕೂಡ ಈ ಚಿತ್ರದ ಮತ್ತೊಂದು ಸೆಳೆತ ಆಗಿದ್ದಾರೆ. ಇವರ ಮಧ್ಯೆ ಇನ್ನೂ ಒಬ್ಬ ಹೀರೋ ಇದ್ದಾರೆ. ಅವರೇ ರಾಜ್ ಬಿ ಶೆಟ್ಟಿ ನೋಡಿ.

ಅರ್ಜುನ್ ಅವರ ಸಿನಿಮಾದ ನಾಯಕ ರಾಜ್ ಬಿ ಶೆಟ್ಟಿ ಜೊತೆಗೆ ನಟಿಸಲು ನಾಯಕಿಯ ಆಯ್ಕೆ ಆಗಿದೆ. ರಾಜ್ ಬಿ ಶೆಟ್ಟಿ ಪೇರ್ ಆಗಿ ಕಿರುತೆರೆಯ ನಟಿ ಕೌಸ್ತುಭ ಮಣಿ ಆಯ್ಕೆ ಆಗಿದ್ದಾರೆ. ಈ ವಿಷಯವನ್ನ ಸ್ವತಃ ಅರ್ಜುನ್ ಜನ್ಯ ರಿವೀಲ್ ಮಾಡಿದ್ದಾರೆ.

ಕೌಸ್ತುಭ ಮಣಿ ಕನ್ನಡದ ನನ್ನರಸಿ ರಾಧೆ ಸೀರಿಯಲ್ ಮೂಲಕ ಮನೆ ಮಾತಾಗಿದ್ದಾರೆ. ಈ ಸೀರಿಯಲ್ ಬಳಿಕ ತೆಲುಗು ಸೀರಿಯಲ್‌ಗಳಲ್ಲೂ ಕೌಸ್ತುಭ ಮಣಿ ಅಭಿನಯಿಸಿದ್ದಾರೆ.

ಕೌಸ್ತುಭ ಮಣಿ ಈಗಾಗಲೇ ದೊಡ್ಡ ಪರದೆಗೆ ಕಾಲಿಟ್ಟಿದ್ದಾರೆ. ರಾಮಾಚಾರಿ 2.0 ಚಿತ್ರದಲ್ಲೂ ಕೌಸ್ತುಭ ಮಣಿ ಅಭಿನಯಿಸಿ ಆಗಿದೆ. ಆದರೆ ಈಗ ಅರ್ಜುನ್ ಜನ್ಯ ಅವರ ಸಿನಿಮಾಕ್ಕೆ ಆಯ್ಕೆ ಆಗಿದ್ದಾರೆ.