Nagathihalli Chandrashekhar: ಶ್ರೀಲಂಕಾದಲ್ಲಿ ಅಮೆರಿಕಾ ಅಮೆರಿಕಾ ಸಿನಿಮಾ ಪ್ರದರ್ಶನ, ಇದು ನಾಗತಿಹಳ್ಳಿ ಮೇಷ್ಟ್ರ ಚಿತ್ರೋತ್ಸವ

ಕನ್ನಡದ ಹೆಸರಾಂತ ನಿರ್ದೇಶಕರು ಹಾಗೂ ಸಾಹಿತಿ ನಾಗತಿಹಳ್ಳಿ ಚಂದ್ರಶೇಖರ್ ಅವರ ಚಿತ್ರಗಳು ಶ್ರೀಲಂಕಾದಲ್ಲಿ ಪ್ರದರ್ಶನ ಆಗುತ್ತಿವೆ. ಇದೇ ಏಪ್ರಿಲ್-27 ರಿಂದ ಮೇ-03 ರವರೆಗೂ ಸಿನಿಮಾ ಪ್ರದರ್ಶನ ಪ್ಲಾನ್ ಮಾಡಲಾಗಿದೆ.

ನಾಗತಿಹಳ್ಳಿ ಮೇಷ್ಟ್ರು ನಿರ್ದೇಶನದ ಸಿನಿಮಾಗಳನ್ನ ಇಲ್ಲಿ ಪ್ರದರ್ಶನ ಮಾಡಲಾಗುತ್ತಿದೆ. ಹಾಗಾಗಿಯೇ ಇದನ್ನ ನಾಗತಿಹಳ್ಳಿ ಚಂದ್ರಶೇಖರ್ ಚಿತ್ರೋತ್ಸವ ಅಂತಲೂ ಬಣ್ಣಿಸಬಹುದಾಗಿದೆ. ಅಲ್ಲದೇ ಇಲ್ಲಿ ಚಲನಚಿತ್ರ ಕಾರ್ಯಾಗಾರ ಮತ್ತು ವಿದ್ಯಾರ್ಥಿಗಳೊಂದಿಗೆ ಸಂವಾದ ಕೂಡ ನಡೆಯಲಿದೆ.

ನಾಗತಿಹಳ್ಳಿ ಚಂದ್ರಶೇಖರ್ ಅವರ ಪ್ರಶಸ್ತಿ ಪುರಸ್ಕೃತ ಚಿತ್ರಗಳನ್ನ ಇಲ್ಲಿ ಪದರ್ಶನ ಮಾಡಲಾಗುತ್ತಿದೆ. ಆ ಸಾಲಿನ ಸಿನಿಮಾಗಳಲ್ಲಿ ಅಮೆರಿಕಾ ಅಮೆರಿಕಾ ಸಿನಿಮಾ ಕೂಡ ಇದೆ.

ನಾಗತಿಹಳ್ಳಿ ಮೇಷ್ಟ್ರು ನಿರ್ದೇಶನದ ಇಷ್ಟಕಾಮ್ಯ, ಕೋಟ್ರೇಶಿ ಕನಸು, ಮಾತಾಡ್ ಮಾತಾಡ್ ಮಲ್ಲಿಗೆ ಸಿನಿಮಾಗಳನ್ನ ಕೂಡ ಇಲ್ಲಿ ಪದರ್ಸನ ಮಾಡಲಾಗುತ್ತಿದೆ.

ಚಿತ್ರ ಪದರ್ಶನದ ಜೊತೆಗೆ ಮೇಷ್ಟ್ರು ಇಲ್ಲಿಯ ವಿದ್ಯಾರ್ಥಿಗಳಿಗೆ ಕಥೆ ನಿರೂಪಣೆ, ಚಿತ್ರಕಥೆ ರಚನೆ, ಛಾಯಾಗ್ರಹಣ ಮತ್ತು ಸಂಕಲನ ಕುರಿತು ಕೂಡ ಕಾರ್ಯಾಗಾರದಲ್ಲಿ ಹೇಳಿಕೊಡಲಿದ್ದಾರೆ.

ನಾಗತಿಹಳ್ಳಿ ಮೇಷ್ಟ್ರ ಈ ಒಂದು ಚಿತ್ರೋತ್ಸವದಲ್ಲಿ ನಟ ನಿರೂಪ್ ಭಂಡಾರಿ, ನಟಿ ಕಾವ್ಯ ಶೆಟ್ಟಿ, ಛಾಯಾಗ್ರಾಹಕ ಎಸ್.ಕೆ.ರಾವ್, ನಿರ್ಮಾಪಕ ವೈ.ಎನ್‌. ಶಂಕರೇಗೌಡ ಕೂಡ ಭಾಗಿ ಆಗಲಿದ್ದಾರೆ.

ನಾಗತಿಹಳ್ಳಿ ಮೇಷ್ಟ್ರ ಸಿನಿಮಾಗಳು ಎಲ್ಲರೂ ಇಷ್ಟಪಡೋ ರೀತಿಯಲ್ಲಿಯೇ ಇರುತ್ತವೆ. ಅಂತಹ ಸಿನಿಮಾಗಳ ಬಗ್ಗೆ ಚಿತ್ರೋತ್ಸವದ ಮೂಲಕ ಶ್ರೀಲಂಕಾ ವಿದ್ಯಾರ್ಥಿಗಳು ತಿಳಿದುಕೊಳ್ಳಲಿದ್ದಾರೆ. ಈ ಒಂದು ಚಲನಚಿತ್ರೋತ್ಸವಕ್ಕೆ ಶ್ರೀಲಂಕಾ ಫಿಲ್ಮ್ ಕಾರ್ಪೋರೇಶನ್, ಇಲ್ಲಿಯ ಪ್ರವಾಸೋದ್ಯಮ ಇಲಾಖೆ, ಶ್ರೀಲಂಕಾದ ಭಾರತೀಯ ರಾಯಭಾರಿ ಕಛೇರಿ ಹಾಗೂ ಏಷ್ಯನ್ ಮೀಡಿಯಂ ಕಲ್ಚರಲ್ ಅಸೋಸಿಯೇಷನ್ ಸಾಥ್ ಕೊಟ್ಟಿದೆ.