Bholaa Cinema: ರವಿ ಬಸ್ರೂರು ಸಂಗೀತ ಕೇಳಿ ಬಾಲಿವುಡ್ ನಟ ಥ್ರಿಲ್

ಬಾಲಿವುಡ್‌ನಲ್ಲಿ ಕನ್ನಡದ ಪ್ರತಿಭಾವಂತ ಟೆಕ್ನಿಷಿಯನ್‌ಗಳಿಗೆ ಬೆಲೆ ಇದೆ. ದಕ್ಷಿಣದ ಪ್ರತಿಭಾವಂತರಿಗೆ ಇಲ್ಲಿ ಅವಕಾಶಗಳು ಜಾಸ್ತಿ ಆಗಿವೆ. ಕೆಜಿಎಫ್‌ ಚಿತ್ರ ಆದ್ಮೇಲೆ ಕನ್ನಡದ ಮಂದಿಗೂ ಇಲ್ಲಿ ಅತಿ ಹೆಚ್ಚು ಚಾನ್ಸ್ ಸಿಕ್ಕಿವೆ. ಆ್ಯಕ್ಷನ್ ವಿಷಯದಲ್ಲಿ ರವಿ ವರ್ಮ ಶಾರುಖ್ ಜೊತೆಗೂ ಸಿನಿಮಾ ಮಾಡಿದ್ದಾರೆ. ಈಗ ಸಂಗೀತದ ವಿಷಯದಲ್ಲಿ ರವಿ ಬಸ್ರೂರು ಅವರಿಗೆ ಇಲ್ಲಿ ಬೇಡಿಕೆ ಹೆಚ್ಚಿದೆ.

ಸಲ್ಮಾನ್ ಖಾನ್ ಸಿನಿಮಾಗೂ ರವಿ ಬಸ್ರೂರು ಸಂಗೀತ ಮಾಡಿದ್ದಾರೆ. ಆ ಚಿತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ಹೊರ ಬೀಳೋ ಮೊದಲೇ ಮತ್ತೊಂದು ಬಾಲಿವುಡ್‌ ಪ್ರಾಜೆಕ್ಟ್‌ನ ಟ್ರೈಲರ್ ರಿಲೀಸ್ ಆಗಿದೆ. ಆ ಚಿತ್ರವನ್ನ ನಟ-ನಿರ್ದೇಶಕ ಅಜಯ್ ದೇವಗನ್ ಮಾಡಿದ್ದಾರೆ.

ಬಾಲಿವುಡ್‌ನ ಭೋಲಾ ಚಿತ್ರಕ್ಕೆ ಕೆಜಿಎಫ್‌ ಚಿತ್ರ ಖ್ಯಾತಿಯ ರವಿ ಬಸ್ರೂರು ಸಂಗೀತ ಮಾಡಿದ್ದಾರೆ. ಇವರ ಸಂಗೀತದಲ್ಲಿ ಭೋಲಾ ಇನ್ನಷ್ಟು ಮತ್ತಷ್ಟು ಅನ್ನುವ ಹಾಗೆ ಹೊಸ ರೂಪವನ್ನೆ ಪಡೆದಿದೆ. ಚಿತ್ರದ ಟ್ರೈಲರ್ ನೋಡಿದ್ರೇನೆ ನಿಮಗೆ ಇದರ ಪರಿಚಯ ಖಂಡಿತಾ ಆಗುತ್ತದೆ ನೋಡಿ.

ಬಾಲಿವುಡ್ ಭೋಲಾ ಸಿನಿಮಾಕ್ಕೆ ರವಿ ಬಸ್ರೂರು ಸಂಗೀತ ವಿಶೇಷವಾಗಿಯೇ ಇದೆ. ಅಜಯ್ ದೇವಗನ್ ಈ ಚಿತ್ರದಲ್ಲಿ ವಿಶೇಷ ಆ್ಯಕ್ಷನ್ ಪ್ಲಾನ್ ಮಾಡಿದ್ದಾರೆ. ಇದಕ್ಕೆ ಬೇಕಾಗೋ ಸಂಗೀತವೂ ಸ್ಪೆಷಲ್ ಆಗಿರುತ್ತದೆ. ಆ ಹಿನ್ನೆಲೆಯಲ್ಲಿ ರವಿ ಬಸ್ರೂರು ಅತ್ಯುತ್ತಮ ಸಂಗೀತವನ್ನ ಇಲ್ಲಿ ಕೊಟ್ಟಿದ್ದಾರೆ.

ಹೆಬ್ಬುಲಿ ಬೆಡಗಿ ಅಮಲಾ ಪೌಲ್ ಈ ಚಿತ್ರದಲ್ಲಿ ಅಜಯ್ ದೇವಗನ್ ಪತ್ನಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ನಟಿ ಟಬು ಪೊಲೀಸ್ ಆಫೀಸರ್ ಆಗಿ ಕಂಗೊಳಿಸಿದ್ದಾರೆ. ಅಜಯ್ ದೇವಗನ್ ಮತ್ತು ಟಬು ಅವರ ದೃಶ್ಯಗಳು ಈ ಚಿತ್ರದಲ್ಲಿ ಜಾಸ್ತಿ ಇವೆ ಅಂತಲೂ ಹೇಳಬಹುದು.

ಅಜಯ್ ದೇವಗನ್ ಅಭಿನಯದ ಈ ಚಿತ್ರದಲ್ಲಿ ಏನೋ ಹೊಸ ವಿಷಯ ಇದ್ದಂತೆ ಕಾಣುತ್ತಿದೆ. ಚಿತ್ರದ ಟ್ರೈಲರ್ ಆ ವಿಷಯವನ್ನ ಈಗ ರಿವೀಲ್ ಮಾಡಿದೆ. ಭರ್ಜರಿ ಆ್ಯಕ್ಷನ್‌ಗಳ ಭರವಸೆಯನ್ನ ಕೂಡ ಕೊಟ್ಟಿದೆ.

ಭೋಲಾ ಸಿನಿಮಾ ತಮಿಳಿನ ಕೈತಿ ಸಿನಿಮಾವನ್ನ ಆಧರಿಸಿದೆ. ಲೋಕೇಶ್ ಕನಕರಾಜನ್ ನಿರ್ದೇಶನದ ಈ ಚಿತ್ರ 2019ರಲ್ಲಿ ಕಾರ್ತಿ ಅಭಿನಯಿಸಿದ್ದರು. ಚಿತ್ರ ಸೂಪರ್ ಹಿಟ್ ಆಗಿ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿತ್ತು. ಅದೇ ಕಥೆಯನ್ನ ಅಜಯ್ ದೇವಗನ್ ಬಾಲಿವುಡ್‌ನಲ್ಲಿ ಭೋಲಾ ಹೆಸರಿನಲ್ಲಿ ಸಿನಿಮಾ ಮಾಡಿದ್ದಾರೆ.

ಬಾಲಿವುಡ್‌ನ ಭೋಲಾ ಸಿನಿಮಾ ರಿಲೀಸ್ ಡೇಟ್ ಕೂಡ ಫಿಕ್ಸ್ ಆಗಿದೆ. ಇದೇ ಮಾರ್ಚ್‌-30 ರಂದು ಭೋಲಾ ರಿಲೀಸ್ ಆಗುತ್ತಿದೆ. ಭಾರೀ ನಿರೀಕ್ಷೆಯೊಂದಿಗೆ ಬರ್ತಿರೋ ಈ ಚಿತ್ರದಲ್ಲಿ ಸಂಜಯ್ ಮಿಶ್ರಾ ಅಭಿನಯಿಸಿದ್ದಾರೆ.