Sati Sulochana: ಕನ್ನಡ ಚಿತ್ರರಂಗಕ್ಕೆ ಮಾರ್ಚ್​ 3 ಸ್ಪೆಷಲ್! ಮೊದಲ ಟಾಕಿ ಸಿನಿಮಾ ಕುರಿತ ಇಂಟ್ರೆಸ್ಟಿಂಗ್ ಫ್ಯಾಕ್ಸ್ಟ್

ಕನ್ನಡ ಚಿತ್ರರಂಗಕ್ಕೆ ಮಾರ್ಚ್-3 ತುಂಬಾ ವಿಶೇಷ ದಿನ ಆಗಿದೆ. 1934 ಮಾರ್ಚ್​ವರೆಗೂ ಬಂದ ಚಿತ್ರಗಳು ಮೂಕ ಆಗಿದ್ದವು. ಆದರೆ ಮಾರ್ಚ್-3 ರಲ್ಲಿ ಬಂದ ಸತಿ ಸುಲೋಚನ ಸಿನಿಮಾ ಹೊಸ ಅಲೆ ಎಬ್ಬಿಸಿತ್ತು.

ಸತಿ ಸುಲೋಚನ ಸಿನಿಮಾ ಕನ್ನಡದ ಮೊಟ್ಟ ಮೊದಲ ಟಾಕಿ ಸಿನಿಮಾ ಆಗಿದ್ದು ಇದಾದ್ಮೇಲೆ ಚಿತ್ರದಲ್ಲಿ ಡೈಲಾಗ್​ಗಳ ಎರಾ ಶುರು ಆಯಿತು. ಹಾಗೇ ಕನ್ನಡದ ಸತಿ ಸುಲೋಚನ ಸಿನಿಮಾ ಹತ್ತು ಹಲವು ವಿಶೇಷತೆಗಳನ್ನೂ ಹೊಂದಿದೆ.

ಸತಿ ಸುಲೋಚನ ಚಿತ್ರದಲ್ಲಿ ಒಟ್ಟು 18 ಹಾಡುಗಳು ಇದ್ದವು. ಇಷ್ಟೊಂದು ಹಾಡುಗಳ ಈ ಚಿತ್ರ ಸತಿ ಸುಲೋಚನಾಳ ಕಥೆಯನ್ನ ಹೇಳಿತ್ತು. ರಾವಣ ಮತ್ತು ರಾಮನ ಯುದ್ಧದಲ್ಲಿ ಇಂದ್ರಜಿತು ಸತ್ತು ಹೋಗ್ತಾನೆ. ಆಗ ಸತಿ ಸುಲೋಚನ ವಿಧವೆ ಆಗುತ್ತಾಳೆ. ಇದರಿಂದ ಸುಲೋಚನಾ ಸತಿ ಆಗುತ್ತಾಳೆ.

ಸತಿ ಸುಲೋಚನಾ ಸಿನಿಮಾದಲ್ಲಿ ಇನ್ನೂ ಒಂದು ವಿಶೇಷ ಇದೆ. ಈ ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಅಂತಹ ಚಿತ್ರೀಕರಣದ ಸಾಧನಗಳೇನೂ ಇರಲಿಲ್ಲ. ಎಲ್ಲವನ್ನೂ ಸೆಟ್ ಹುಡುಗರೇ ಮಾಡುವಂತ ಪರಿಸ್ಥಿತಿ ಇತ್ತು.

ಕೊಲ್ಹಾಪುರದ ಛತ್ರಪತಿ ಸ್ಟುಡಿಯೋದಲ್ಲಿ ಸತಿ ಸುಲೋಚನ ಚಿತ್ರವನ್ನ ಚಿತ್ರೀಕರಣ ಮಾಡಲಾಗಿತ್ತು. 1933 ಡಿಸೆಂಬರ್ ತಿಂಗಳಲ್ಲಿ ಚಿತ್ರದ ಪ್ರೋಡಕ್ಷನ್ ಕೆಲಸ ಶುರು ಆಗಿತ್ತು. ಎರಡು ತಿಂಗಳಲ್ಲಿ ಈ ಎಲ್ಲ ಕೆಲಸ ಕೂಡ ಪೂರ್ಣ ಆಗಿತ್ತು.

ವೈ. ವಿ. ರಾವ್ ನಿರ್ದೇಶನದ ಈ ಚಿತ್ರದಲ್ಲಿ ಸೃಜನ್ ಲೋಕೇಶ್ ತಾತ ಸುಬ್ಬಯ್ಯ ನಾಯ್ಡು ನಾಯಕರಾಗಿ ಅಭಿನಯಿಸಿದ್ದರು. ತ್ರಿಪುರಾಂಬ ಈ ಚಿತ್ರದಲ್ಲಿ ಸುಲೋಚನ ಪಾತ್ರವನ್ನ ನಿರ್ವಹಿಸಿದ್ದರು.

ಸತಿ ಸುಲೋಚನ ಚಿತ್ರಕ್ಕೆ ಆರ್.ನಾಗೇಂದ್ರ ರಾವ್ ಸಂಗೀತ ನಿರ್ದೇಶನ ಮಾಡಿದ್ದರು. 173 ನಿಮಿಷದ ಈ ಚಿತ್ರಕ್ಕೆ ಪ್ರಭಾತ್ ಸ್ಟುಡಿಯೋ ಬ್ಯಾನರ್ ಅಡಿಯಲ್ಲಿಯೇ ರಿಲೀಸ್ ಆಗಿತ್ತು.

ಕನ್ನಡ ಚಿತ್ರರಂಗದ ಹೆಮ್ಮೆಯ ಸತಿ ಸುಲೋಚನ ಸಿನಿಮಾವನ್ನ ಎಲ್ಲರೂ ಬಹುವಾಗಿಯೇ ಮೆಚ್ಚಿಕೊಳ್ತಾರೆ. ನಟ ಸೃಜನ್ ಲೋಕೇಶ್ ತಮ್ಮ ತಾತನ ಸಿನಿಮಾ ಇದು ಅಂತಲೂ ಹೇಳಿಕೊಳ್ತಾರೆ.