Kannada Films: ರಾಜಕೀಯವನ್ನು ಅದ್ಭತವಾಗಿ ತೆರೆಮೇಲೆ ತೋರಿಸಿದ ಕನ್ನಡ ಸಿನಿಮಾಗಳಿವು

ಸ್ಯಾಂಡಲ್‍ವುಡ್ ನಟ ಕಿಚ್ಚ ಸುದೀಪ್ ಅವರು ಅಭಿನಯಿಸಿದ 'ಕಿಚ್ಚ' ಸಿನಿಮಾ ರಾಜಕೀಯ ಪ್ರೇರಣೆಯಿಂದ ತಯಾರಾದ ಸಿನಿಮಾ. ರಾಜ್ಯದಲ್ಲಿ ನಿರುದ್ಯೋಗ ಸಮಸ್ಯೆ ಹೇಗೆ ಹೆಚ್ಚಾಗುತ್ತಿದೆ. ಇದಕ್ಕೆ ರಾಜಕೀಯ ಹೇಗೆ ಕಾರಣ ಎಂದು ಚಿತ್ರದಲ್ಲಿ ತೋರಿಸಲಾಗಿದೆ.

ರೆಬೆಲ್ ಸ್ಟಾರ್ ಅಂಬರೀಶ್ ಅಭಿನಯದ ಚದುರಂಗ ಚಿತ್ರ ಆಗ ಎಲ್ಲರೂ ಮೆಚ್ಚಿದ ಸಿನಿಮಾ. ಈ ಚಿತ್ರದಲ್ಲಿ ಭ್ರಷ್ಟ ರಾಜಕಾರಣಿಗಳ ವಿರುದ್ಧ ನಾಯಕ ಹೇಗೆ ಸಿಡಿದು ಎದ್ದು ನಿಲ್ತಾನೆ ಅನ್ನುವುದೇ ಕಥೆ.

ರಾಜಕೀಯ ಸಿನಿಮಾ ಸಹ ರಾಜಕಾರಣಿಗಳ ಪ್ರೇರಣೆಯಿಂದ ಆದ ಸಿನಿಮಾ. ವಕೀಲನನ್ನು ಕೊಲೆ ಮಾಡುವ ರಾಜಕಾರಣಿಗಳ ಕಥೆಯೇ ಸಿನಿಮಾದ ಬಂಡವಾಳ. ಈ ಸಿನಿಮಾ ಸಹ ಜನರಿಗೆ ಇಷ್ಟ ಆಗಿತ್ತು.

ಮಾಲಾಶ್ರೀ ಅಭಿನಯದ ಎಲೆಕ್ಷನ್ ಸಿನಿಮಾ ಸಹ ಜನರಿಗೆ ಇಷ್ಟ ಆಗಿತ್ತು. ರಾಜಕೀಯ ನಾಯಕರು ಹೇಗೆ ಜನರಿಗೆ ವಂಚಿಸುತ್ತಾರೆ ಎಂಬುದನ್ನು ತೋರಿಸಲಾಗಿತ್ತು. ಈ ಸಿನಿಮಾವನ್ನು ಓಂ ಪ್ರಕಾಶ್ ರಾವ್ ನಿರ್ದೇಶನ ಮಾಡಿದ್ದಾರೆ. ರಾಮು ಅವರು ನಿರ್ಮಾಣ ಮಾಡಿದ್ದರು.

ಇತ್ತಿಚೇಗೆ ಬಂದ ಹಂಬಲ್ ಪಾಲಿಟಿಷಿಯನ್ ನೊಗರಾಜ್ ಸಿನಿಮಾ ಸಹ ರಾಜಕಾರಣವನ್ನು ವ್ಯಂಗ್ಯವಾಗಿ, ತಮಾಷೆಯಾಗಿ ತೋರಿಸುವ ಸಿನಿಮಾ ಆಗಿದೆ. ಈ ಸಿನಿಮಾದಲ್ಲಿ ರೆಸಾರ್ಟ್ ರಾಜಕಾರಣ, ಭ್ರಷ್ಟಾಚಾರದ ಬಗ್ಗೆ ತೋರಿಸಲಾಗಿದೆ.

'ಗೋಲಿಬಾರ್' ಸಿನಿಮಾ ತುಂಬಾ ಹಿಟ್ ಆದ ಚಿತ್ರ. ನಿಷ್ಠಾವಂತ ಅಧಿಕಾರಿಯನ್ನು ರಾಜಕಾರಣಿ ಕಡೆಯವರು ಕೊಂದು ಬಿಡುತ್ತಾರೆ. ಆ ಸತ್ಯವನ್ನು ಹೇಳಲಾಗದೇ ಮಗಳೇ ಒದ್ದಾಡುವ ಕಥೆ. ಈ ಸಿನಿಮಾದಲ್ಲಿ ದೇವರಾಜ್, ಅರುಂಧತಿ ನಾಗ್ ಅಭಿನಯಿಸಿದ್ದಾರೆ.

1992 ರಲ್ಲಿ ರಿಲೀಸ್ ಆದ ಕೆ ಎಸ್ ಎಲ್ ಸ್ವಾಮಿ ನಿರ್ದೇಶನದ ಹರಕೆಯ ಕುರಿ ಸಹ ರಾಜಕೀತ ಪ್ರೇರೇಪಿತವಾದ ಚಿತ್ರ. ಈ ಸಿನಿಮಾದಲ್ಲಿ ಡಾ.ವಿಷ್ಣುವರ್ಧನ್, ಪ್ರಕಾಶ್ ರೈ, ಗೀತಾ ಅಭಿನಯಿಸಿದ್ದಾರೆ.

ಮತದಾನ ಚಿತ್ರವೂ ರಾಜಕೀಯ ಪ್ರೇರಿಪಿತ ಚಿತ್ರವಾಗಿದೆ. ಈ ಸಿನಿಮಾದಲ್ಲಿ ಅನಂತ್ ನಾಗ್, ತಾರಾ, ಅವಿನಾಶ್, ಸುಂದರ್ ರಾಜ್, ಮುಖ್ಯಮಂತ್ರಿ ಚಂದ್ರು, ಪ್ರಕಾಶ್ ಬೆಳವಾಡಿ, ಸುಧಾ ಬೆಳವಾಡಿ ಮುಂತಾದವರು ಅಭಿನಯಿಸಿದ್ದಾರೆ. ಸಾಮಾನ್ಯ ಜನರ ಕುಟುಂಬದ ಮೇಲೆ ರಾಜಕಾರಣಿಗಳು ಹೇಗೆ ಪ್ರಭಾವ ಬೀರುತ್ತೆ ಎನ್ನುವುದೇ ಕಥಾ ಹಂದರ.