Sadhu Kokila: ಟ್ರೋಲಿಗರ ಉಪಟಳದಿಂದ ಪೊಲೀಸ್​​ ಠಾಣೆ ಮೆಟ್ಟಿಲೇರಿದ ಸಾಧು ಕೋಕಿಲ!

ಸಾಮಾಜಿಕ ಜಾಲತಾಣವನ್ನು ತೆರೆದರೆ ಸಾಕು ಹತ್ತಾರು ಟ್ರೋಲ್ ಪೇಜ್​ಗಳು ಕಣ್ಣೆದುರಿಗೆ ಕಾಣಿಸಿಕೊಳ್ಳುತ್ತವೆ. ಯಾವುದೇ ವಿಚಾರ ಆಗಿರಲಿ ಅದನ್ನು ಟ್ರೋಲ್ ಮಾಡದೆ ಬಿಡುವುದಿಲ್ಲ.

ಸಿನಿ ತಾರೆಯರ ಫೋಟೋವನ್ನು ಬಳಸಿಕೊಂಡು ಅಥವಾ ಖ್ಯಾತ ಸೆಲೆಬ್ರಿಟಿಗಳ ಫೋಟೋಗಳನ್ನು ಬಳಸಿಕೊಂಡು ಟ್ರೋಲ್ ಮಾಡುತ್ತಾರೆ

ಸಾಲದಕ್ಕೆ ಸಿನಿಮಾಗಳ ಪಂಚ್ ಡೈಲಾಗ್ ಅಥವಾ ವಿಡಿಯೋಗಳನ್ನು ಜೋಡಿಸಿಕೊಂಡು ಟ್ರೋಲ್ ಮಾಡುತ್ತಿರುತ್ತಾರೆ. ಹೆಚ್ಚಾಗಿ ಕಾಮಿಡಿ ನಟರನ್ನು ಬಳಸಿಕೊಂಡು ಟ್ರೋಲ್ ಮಾಡುತ್ತಿರುತ್ತಾರೆ.

ಇದೀಗ ಇದೇ ವಿಚಾರಕ್ಕೆ ಕನ್ನಡದ ಖ್ಯಾತ ಕಾಮಿಡಿ ನಟರೊಬ್ಬರು ಸಿಟ್ಟಾಗಿದ್ದಾರೆ. ತಮ್ಮ ಫೋಟೋ ಬಳಸಿ ಟ್ರೋಲಿಗರು ಟ್ರೋಲ್ ಮಾಡುತ್ತಿದ್ದಾರೆ ಎಂದು ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದದ್ದಾರೆ.

ಹೌದು, ಹೆಸರಾಂತ ಹಾಸ್ಯನಟ ಸಾಧು ಕೋಕಿಲ ಟ್ರೋಲ್ ಪೇಜ್​ಗಳ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ. ತಮ್ಮ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ದುರ್ಬಳಕೆ ಮಾಡುತ್ತಿದ್ದಾರೆ ಎಂದು ದೂರಿದ್ದಾರೆ.

ಕೆಲವು ಟ್ರೋಲ್ ಪೇಜ್​ಗಳು ಕೋಕಿಲ ಅವರ ಫೋಟೋ ಬಳಸಿಕೊಂಡು ಪೋಸ್ಟರ್ ರಚಿಸಿ ದುರ್ಬಳಕೆ ಮಾಡುತ್ತಿದ್ದಾರೆ. ಅನಾವಶ್ಯಕ ವಿಚಾರಗಳಿಗೆ ಫೋಟೋ ಬಳಸಿಕೊಂಡು ವೈರಲ್ ಮಾಡುತ್ತಿದ್ದಾರೆ.

ಈ ಟ್ರೋಲಿಗರಿಂದ ನನ್ನ ಗೌರವಕ್ಕೆ ಧಕ್ಕೆ ಉಂಟಾಗಿದೆ. ತಪ್ಪಿತಸ್ಥರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಸಾಧು ಕೋಕಿಲ ದೂರು ನೀಡಿದ್ದಾರೆ. ಇದರ ಅನ್ವಯ ಪೊಲೀಸರು ತನಿಖೆ ಪ್ರಾರಂಭಿಸಿದ್ದಾರೆ.

ಕೋಕಿಲ ಹಾಸ್ಯನಟ ಮಾತ್ರವಲ್ಲದೆ, ಸಂಗೀತ ನಿರ್ದೆಶಕರು ಹೌದು. ಹಲವಾರು ಚಿತ್ರಗಳಿಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಅಷ್ಟು ಮಾತ್ರವಲ್ಲಿದೆ ಹಾಡಿದ್ದಾರೆ ಕೂಡ.

ಸಾಧು ಕೋಕಿಲ