Kannada Bigg Boss 8: ಕೊರೋನಾ ವಾರಿಯರ್ಸ್​ ಆಗಿ ಸೇವೆ ಮಾಡುತ್ತೇವೆ ಎಂದ ಬಿಗ್​ ಬಾಸ್ 8ರ​ ಸ್ಪರ್ಧಿಗಳು..!

ಬಿಗ್ ಬಾಸ್​ ಸೀಸನ್ 8 ಕಳೆದ ಭಾನುವಾರವೇ ಮುಕ್ತಾಯಗೊಂಡಿದ್ದು, ಅದರ ಕೊನೆಯ ಸಂಚಿಕೆ ಇಂದು ರಾತ್ರಿ ಪ್ರಸಾರಗಗೊಳ್ಳಲಿದೆ.

ನಿನ್ನೆ ರಾತ್ರಿ ಸಹ ಕೊನೆಯ ಸಂಚಿಕೆಯ ಮೊದಲ ಭಾಗ ಪ್ರಸಾರವಾಗಿದ್ದು, ಅದರಲ್ಲಿ ಸ್ಪರ್ಧಿಗಳು ವಿಷಯ ತಿಳಿದು ಕಣ್ಣೀರಿಟ್ಟಿದ್ದಾರೆ.

ನಂತರ ಹೊರಗಿನ ಜಗತ್ತಿನ ಪರಿಸ್ಥಿತಿಯ ಬಗ್ಗೆ ತಿಳಿದುಕೊಂಡ ಸ್ಪರ್ಧಿಗಳು ಇಷ್ಟು ದಿನಗಳು ಸುರಕ್ಷಿತವಾಗಿ ತಮ್ಮನ್ನು ನೋಡಿಕೊಂಡ ಬಿಗ್ ಬಾಸ್​ ತಂಡಕ್ಕೆ ಧನ್ವವಾದ ತಿಳಿಸಿದ್ದಾರೆ ಸ್ಪರ್ಧಿಗಳು.

ಅಲ್ಲದೆ ಬಿಗ್ ಬಾಸ್​ ಮನೆಯಿಂದ ಹೊರ ಹೋದ ನಂತರ ಕೊರೋನಾ ವಾರಿಯರ್ಸ್​ ಆಗಿ ತಮ್ಮ ಕೈಲಾದ ಸಹಾಯ ಮಾಡುವುದಾಗಿ ಸ್ಪರ್ಧಿಗಳು ಕ್ಯಾಮೆರಾ ಮುಂದೆ ಹೇಳಿದ್ದಾರೆ.

ಇಷ್ಟು ದಿನ ಒಟ್ಟಿಗೆ ಒಂದೇ ಸೂರಿನಿ ಇದ್ದ ಸ್ಪರ್ಧಿಗಳು ಕಣ್ಣೀರಿಡುತ್ತಾ ಸಹ ಸ್ಪರ್ಧಿಗಳಿಗೆ ತಮ್ಮಿಷ್ಟ ವಸ್ತುಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ಬಿಗ್ ಬಾಸ್​ ಮನೆಯಿಂದ ಹೊರ ಹೋದ ನಂತರವೂ ಎಲ್ಲರೂ ಒಮ್ಮೆ ಸಿಗೋಣ ಎಂದೆಲ್ಲ ಒದ್ದೆ ಕಣ್ಣುಗಳಿಂದಲೇ ಮಾತನಾಡಿಕೊಂಡಿದ್ದಾರೆ.

ಇಷ್ಟವಿಲ್ಲದಿದ್ದರೂ ಭಾರದ ಮನಸ್ಸಿನಿಂದ ಸದ್ಯ ಇರುವ ಪರಿಸ್ಥಿತಿಯಿಂದಾಗಿ ಸ್ಪರ್ಧಿಗಳು ಬಿಗ್ ಬಾಸ್​ ಮನೆಯಿಂದ ಹೊರ ನಡೆದಿದ್ದಾರೆ.