Bheema Film: ದುನಿಯಾ ವಿಜಯ್ ಚಿತ್ರಕ್ಕೆ ಇವ್ರೇ ಹೀರೋಯಿನ್

ದುನಿಯಾ ವಿಜಯ್ ನಟಿಸಿ ನಿರ್ದೇಶಿಸಿದ ಭೀಮ ಚಿತ್ರದ ನಾಯಕಿ ಯಾರು ಅನ್ನೋ ಕುತೂಹಲ ಇತ್ತು. ಪ್ರೇಮಿಗಳ ದಿನದಂದು ಈ ಒಂದು ವಿಷಯ ಈಗ ರಿವೀಲ್ ಆಗಿದೆ.

ರಂಗಭೂಮಿ ಕಲಾವಿದೆ ಬೆಂಗಳೂರಿನ ಅಶ್ವಿನಿ, ಭೀಮ ಚಿತ್ರದ ನಾಯಕಿ ಆಗಿ ಆಯ್ಕೆ ಆಗಿದ್ದಾರೆ.

ನವ ನಟಿ ಅಶ್ವಿನಿ ಈ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಡ್ತಾಯಿದ್ದು, ರಂಗಭೂಮಿಯ ಆ ಅನುಭವದೊಂದಿಗೆ ಭೀಮ ಚಿತ್ರಕ್ಕೆ ಆಯ್ಕೆ ಆಗಿದ್ದಾರೆ.

ರಂಗಭೂಮಿ ಕಲಾವಿದೆ ಅನ್ನುವ ಕಾರಣಕ್ಕೆ ನಟ-ನಿರ್ದೇಶಕ ದುನಿಯಾ ವಿಜಯ್ ತಮ್ಮ ಈ ಚಿತ್ರಕ್ಕೆ ಅಶ್ವಿನಿ ಅವರನ್ನ ಆಯ್ಕೆ ಮಾಡಿದ್ದಾರೆ.

ಕನ್ನಡದ ಹೆಸರಾಂತ ಕಲಾವಿದರು ನಾಟಕ ಮಾಡಿರೋ ತತ್ಕಾಲ್ ನಾಟಕ ತಂಡದಲ್ಲಿ ಅಶ್ವಿನಿ ಹೆಚ್ಚು ಕಡಿಮೆ ಮೂರು ವರ್ಷ ನಾಟಕಗಳನ್ನ ಮಾಡಿದ್ದಾರೆ.

ಭೀಮ ಚಿತ್ರದಲ್ಲಿ ಅದ್ಭುತ ಪಾತ್ರವನ್ನ ನಾಯಕಿ ನಟಿ ಅಶ್ವಿನಿ ಮಾಡಿದ್ದಾರೆ. ಪ್ರೇಮಿಗಳ ದಿನ ಚಿತ್ರದ ಅಶ್ವಿನಿ ಪಾತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದೆ.

ಭೀಮ ಸಿನಿಮಾದಲ್ಲಿ ಸಾಕಷ್ಟು ಪಾತ್ರಗಳಿವೆ. ಆದರೆ ಇಲ್ಲಿವರೆಗೂ ನಾಯಕಿ ಯಾರು ಅನ್ನುವ ಕುತೂಹಲ ಇತ್ತು. ಅದನ್ನ ಪ್ರೇಮಿಗಳ ದಿನವೇ ನಟ-ನಿರ್ದೇಶಕ ದುನಿಯಾ ವಿಜಯ್ ರಿವೀಲ್ ಮಾಡಿದ್ದಾರೆ.