Bad Manners Movie: ಯುಗಾದಿಗೆ ಸೂಪರ್ ಸಾಂಗ್ ಕೊಡ್ತಾರೆ ಅಭಿಷೇಕ್ ಅಂಬರೀಷ್! ಬ್ಯಾಡ್‌ ಮ್ಯಾನರ್ಸ್ ಕಲರ್​ಫುಲ್ ಅಪ್ಡೇಟ್

ಸ್ಯಾಂಡಲ್‌ವುಡ್‌ನ ಜೂನಿಯರ್ ರೆಬಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ಅಭಿನಯದ ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಹೊಸ ಸುದ್ದಿ ಹೊರ ಬಿದ್ದಿದೆ. ಆ ಸುದ್ದಿ ಕಲರ್ ಫುಲ್ ಆಗಿಯೇ ಇದೆ. ಅದರ ಸುತ್ತ ಒಂದಷ್ಟು ಮಾಹಿತಿ ಇಲ್ಲಿದೆ.

ಬ್ಯಾಡ್‌ ಮ್ಯಾನರ್ಸ್ ಸಿನಿಮಾ ಪೊಲೀಸ್ ಆಫೀಸರ್ ಕಥೆ ಹೊಂದಿದೆ. ರಗಢ್ ಪೊಲೀಸ್ ಆಫೀಸರ್‌ ಆಗಿ ಜೂನಿಯರ್ ರೆಬಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ಅಭಿನಯಿಸಿದ್ದಾರೆ. ಮಾಸ್ತಿ ಬರೆದ ಖಡಕ್ ಡೈಲಾಗ್ ಅನ್ನ ಕೂಡ ಅಭಿಷೇಕ ಅದ್ಭುತವಾಗಿಯೇ ಇಲ್ಲಿ ಹೇಳಿದ್ದಾರೆ.

ಜೂನಿಯರ್ ರೆಬಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ಅಭಿನಯದ ಬ್ಯಾಡ್‌ ಮ್ಯಾನರ್ಸ್ ಸಿನಿಮಾ ವಿಶೇಷವಾಗಿಯೇ ಇದೆ. ಅಭಿಷೇಕ್ ಚಿತ್ರ ಜೀವನದ ಎರಡನೇ ಸಿನಿಮಾ ಇದಾಗಿದ್ದು, ಅಷ್ಟೇ ಕುತೂಹಲ ಮೂಡಿಸಿದೆ.

ಅಮರ್ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಅಭಿಷೇಕ್, ದುನಿಯಾ ಸೂರಿ ಅವರ ನಿರ್ದೇಶನದಲ್ಲಿಯೇ ಈ ಬ್ಯಾಡ್‌ ಮ್ಯಾನರ್ಸ್ ಚಿತ್ರವನ್ನ ಮಾಡಿದ್ದಾರೆ. ಸಿನಿಮಾದ ಚಿತ್ರೀಕರಣ ಈಗಾಗಲೇ ಪೂರ್ಣಗೊಂಡಿದೆ. ಇದರ ಬೆನ್ನಲ್ಲಿಯೇ ಈಗ ಹೊಸ ಸುದ್ದಿ ಹೊರ ಬಿದ್ದಿದೆ.

ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಒಂದು ವಿಶೇಷ ಹಾಡಿನ ಮಾಹಿತಿ ಈಗ ರಿವೀಲ್ ಆಗಿದೆ. ಕಲರ್ ಫುಲ್ ಹಾಡು ಇದ್ದಾಗಿದ್ದು, ಅಭಿಷೇಕ್ ಈ ಒಂದು ಹಾಡಲ್ಲಿ ಸಖತ್ ಆಗಿಯೇ ಕಾಣಿಸುತ್ತಿದ್ದಾರೆ.

ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಈ ಹಾಡಿನಲ್ಲಿ ಅಭಿಷೇಕ್ ಅಂಬರೀಶ್ ಪಾತ್ರದ ಮ್ಯಾನರಿಸಂ ಕೂಡ ವ್ಯಕ್ತವಾಗಿದೆ. ವಿಶೇಷ ಕಲರ್‌ಫುಲ್ ಕಾಸ್ಟೂಮ್ ಮೂಲಕವೂ ಅಭಿಷೇಕ್ ಅಂಬರೀಶ್ ಕಂಗೊಳಿಸುತ್ತಿದ್ದಾರೆ.

ಬ್ಯಾಡ್‌ ಮ್ಯಾನರ್ಸ್‌ ನ ಒಂದು ರೆಟ್ರೋ ಶೈಲಿಯ ಹಾಡಿಗೆ ವಿಭಿನ್ನ ಸ್ಪರ್ಶ ಕೂಡ ಇದೆ. ಈ ಹಾಡಿನ ಒಂದಷ್ಟು ವಿಶೇಷ ಫೋಟೋಗಳು ಈಗ ರಿಲೀಸ್ ಆಗಿವೆ.

ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಈ ಒಂದು ಹಾಡಿನ ರಿಲೀಸ್ ಪ್ಲಾನ್ ಕೂಡ ಆಗಿದೆ. ಇದೇ ಮಾರ್ಚ್‌-22 ಯುಗಾದಿ ಹಬ್ಬಕ್ಕೆ ಈ ಗೀತೆಯನ್ನ ರಿಲೀಸ್ ಮಾಡಲಾಗುತ್ತಿದೆ. ಇನ್ನುಳಿದಂತೆ ಚಿತ್ರದ ರಿಲೀಸ್ ಡೇಟ್ ಇನ್ನಷ್ಟೆ ಅನೌನ್ಸ್ ಆಗಬೇಕಿದೆ.