Bad Manners Movie Updates: ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಬಿಗ್ ಅನೌನ್ಸ್‌ಮೆಂಟ್; ಏನದು?

ಬ್ಯಾಡ್‌ ಮ್ಯಾನರ್ಸ್ ಸಿನಿಮಾದ ಸುದ್ದಿ ದಿನೇ ದಿನೇ ಜೋರಾಗುತ್ತಿದೆ. ಚಿತ್ರೀಕರಣ ಮುಗಿಯೋದೇ ತಡ, ಚಿತ್ರದ ಒಂದೊಂದೇ ವಿಶೇಷ ಸುದ್ದಿ ಹೊರಗೆ ಬೀಳ್ತಾಯಿದೆ. ಡೈರೆಕ್ಟರ್ ದುನಿಯಾ ಸೂರಿ ಚಿತ್ರದ ಕೆಲಸ ಮುಗಿಸಿ ಈಗ ಪ್ರಚಾರದ ಕೆಲಸದಲ್ಲಿ ಬ್ಯುಸಿ ಆಗುತ್ತಿದ್ದಾರೆ.

ಬ್ಯಾಡ್ ಮ್ಯಾನರ್ಸ್ ಮೂಲಕ ಅಭಿಷೇಕ್ ಅಂಬರೀಶ್ ಹೊಸ ಖದರ್ ನಲ್ಲಿಯೇ ಬರ್ತಿದ್ದಾರೆ. ಅಮರ್ ಚಿತ್ರದಲ್ಲಿ ಅಮರ್ ಪ್ರೇಮ ಕಥೆ ಹೇಳಿದ್ದ ಅಭಿಷೇಕ್ ಅಂಬರೀಶ್, ಬ್ಯಾಡ್‌ ಮ್ಯಾನರ್ಸ್ ಚಿತ್ರದಲ್ಲಿ ರಫ್ ಪೊಲೀಸ್ ಆಫೀಸರ್ ಆಗಿ ಕಂಗೊಳಿಸುತ್ತಿದ್ದಾರೆ.

ದುನಿಯಾ ಸೂರಿ ಅವರ ಕಲ್ಪನೆಯಲ್ಲಿ ಮೂಡಿ ಬರುವ ಸಿನಿಮಾಗಳಲ್ಲಿ ಏನೋ ಒಂದು ವಿಶೇಷ ಇದ್ದೇ ಇರುತ್ತದೆ. ಪೊಲೀಸ್ ಕೇಸ್‌ಗಳನ್ನ ಆಧರಿಸಿ ಮಾಡಿರೋ ಸಿನಿಮಾಗಳು ಹೆಚ್ಚು ಕ್ಲಿಕ್ ಆಗಿವೆ. ಅದೇ ರೀತಿ ಕೆಂಡಸಂಪಿಗೆ ಸಿನಿಮಾ ತುಂಬಾ ವಿಶೇಷವಾಗಿಯೇ ಇತ್ತು.

ಬ್ಯಾಡ್‌ಮ್ಯಾನರ್ಸ್ ಚಿತ್ರದಲ್ಲಿ ಸೂರಿ ಮತ್ತೊಂದು ಹೊಸ ಕಥೆ ತಂದಿದ್ದಾರೆ. ಈ ಕಥೆಯಲ್ಲಿ ಬ್ಯಾಡ್‌ಮ್ಯಾನರ್ಸ್ ನಿಜಕ್ಕೂ ಯಾರಿಗೆ ಇರುತ್ತದೆ ಅನ್ನೊದೇ ಕುತೂಹಲದ ವಿಷಯ ಆಗಿದೆ. ಆದರೆ ಸಿನಿಮಾ ತಂಡ ಈ ಬಗ್ಗೆ ಎಲ್ಲೂ ಹೆಚ್ಚಿಗೆ ಹೇಳಿಕೊಂಡಿಲ್ಲ.

ಇದೀಗ ಸಿನಿಮಾ ತಂಡ ಮಾರ್ಚ್‌-15 ರಿಂದ ಬ್ಯಾಡ್‌ಮ್ಯಾನರ್ಸ್ ಹಬ್ಬ ಶುರು ಅಂತಲೇ ಹೇಳಿಕೊಂಡಿದೆ. ಈಗಾಗಲೇ ಸಿನಿಮಾದ ಒಂದು ವಿಶೇಷ ಹಾಡಿನ ಫೋಟೋಗಳು ರಿವೀಲ್ ಆಗಿವೆ. ಆ ಪೋಟೋದ ಹಾಡಿನ ವಿಡಿಯೋ ಇಲ್ಲವೇ ಲಿರಿಕಲ್ ವಿಡಿಯೋ ಬಿಡೋ ಮೂಲಕ ಬ್ಯಾಡ್‌ಮ್ಯಾನರ್ಸ್ ಪ್ರಚಾರ ಶುರು ಆದ್ರೂ ಆಗಬಹುದು.

ಬ್ಯಾಡ್‌ಮ್ಯಾನ್ಸ್ ತಂಡ ಮಾರ್ಚ್‌-15 ರಿಂದ ಒಂದು ಬಿಗ್ ಅನೌನ್ಸ್‌ಮೆಂಟ್ ಕೂಡ ಮಾಡುತ್ತಿದೆ. ಅದೇನೂ ಅನ್ನೋದು ಮಾರ್ಚ್‌-15 ರಂದೇ ತಿಳಿಯುತ್ತದೆ. ಆದರೆ ಒಂದು ಅಂದಾಜಿನ ಪ್ರಕಾರ ಚಿತ್ರದ ರಿಲೀಸ್ ಡೇಟ್ ಅನೌನ್ಸ್ ಆಗಬೇಕಿದೆ. ಅದನ್ನೇ ರಿವೀಲ್ ಮಾಡ್ತಾರಾ ಅನ್ನುವ ಕುತೂಹಲ ಕೂಡ ಈಗ ಮನೆ ಮಾಡಿದೆ.

ಬ್ಯಾಡ್‌ ಮ್ಯಾನರ್ಸ್ ಚಿತ್ರದ ಹಿಂದೆ ದೊಡ್ಡ ಟೀಮ್ ಇದೆ. ಡೈಲಾಗ್‌ ವಿಚಾರದಲ್ಲಿ ಒಳ್ಳೆ ಹೆಸರು ಮಾಡಿರೋ ಮಾಸ್ತಿ ಈ ಚಿತ್ರಕ್ಕೆ ಡೈಲಾಗ್ ಬರೆದುಕೊಟ್ಟಿದ್ದಾರೆ. ಆಮೀರ್ ಮತ್ತು ಸುರೇಂದ್ರನಾಥ್ ಅವರ ಕಥೆ ಮತ್ತು ಚಿತ್ರಕಥೆ ಚಿತ್ರಕ್ಕಿದೆ.

ಬ್ಯಾಡ್ ಮ್ಯಾನರ್ಸ್ ಚಿತ್ರಕ್ಕೆ ಚರಣ್ ರಾಜ್ ಸಂಗೀತ ಮಾಡಿದ್ದಾರೆ. ಇಲ್ಲೂ ನಾವು ಇವರ ಹೊಸ ರೀತಿಯ ಸಂಗೀತವನ್ನು ಕೇಳಬಹುದು ಅನಿಸುತ್ತಿದೆ. ಒಟ್ಟಾರೆ, ಬ್ಯಾಡ್‌ ಮ್ಯಾನರ್ಸ್ ಸಿನಿಮಾ ಬಿಗ್ ಅನೌನ್ಸ್‌ಮೆಂಟ್‌ ಮೂಲಕ ದೊಡ್ಡ ಹಬ್ಬ ಶುರು ಮಾಡೋ ಹಾಗೆ ಕಾಣುತ್ತಿದೆ.