Agnisakshi Serial: ಹಿಂದಿಗೆ ರಿಮೇಕ್ ಆಗಿದೆ ಕನ್ನಡದ ಅಗ್ನಿಸಾಕ್ಷಿ ಧಾರಾವಾಹಿ!

ಹಿಂದಿ ಸೀರಿಯಲ್ ಗಳು, ಹಿಂದಿ ರಿಯಾಲಿಟಿ ಶೋಗಳು ಕನ್ನಡಕ್ಕೆ ರಿಮೇಕ್ ಆಗೋದನ್ನು ನೋಡಿದ್ವಿ. ಈಗ ಕನ್ನಡ ಜನಪ್ರಿಯ ಧಾರಾವಾಹಿ ಹಿಂದಿಗೆ ರಿಮೇಕ್ ಆಗಿದೆ.

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗ್ತಿದ್ದ ಅಗ್ನಿಸಾಕ್ಷಿ ಧಾರಾವಾಹಿ ಎಷ್ಟು ಹಿಟ್ ಆಗಿತ್ತು ಎಂದು ಎಲ್ಲರಿಗೂ ಗೊತ್ತೇ ಇದೆ. ಆ ಧಾರಾವಾಹಿಯನ್ನು ಮಿಸ್ ಮಾಡಿಕೊಂಡವರೇ ಇಲ್ಲ. ಈಗ ಆ ಧಾರಾವಾಹಿ ಹಿಂದಿಗೆ ರಿಮೇಕ್ ಆಗಿದೆ.

7 ವರ್ಷಗಳ ಕಾಲ ಕಿರುತೆರೆಯಲ್ಲಿ ತನ್ನದೇ ಹವಾ ಸೃಷ್ಟಿಸಿದ್ದ ಧಾರಾವಾಹಿ ಅಂದ್ರೆ ಅಗ್ನಿಸಾಕ್ಷಿ. ಪ್ರತಿ ದಿನ ರಾತ್ರಿ 8 ಗಂಟೆಗೆ ಮನೆ ಮಂದಿಯೆಲ್ಲಾ ಮಿಸ್ ಮಾಡ್ದೇ ನೋಡ್ತಾ ಇದ್ರು.

ನಟಿ ವೈಷ್ಣವಿ ಗೌಡ ಅವರಿಗೆ ಒಂದು ದೊಡ್ಡ ಬ್ರೇಕ್ ಕೊಟ್ಟಿದ್ದ ಸೀರಿಯಲ್. ಈ ಧಾರಾವಾಹಿ ಮೂಲಕ ಅವರು ಹೆಸರು ವಾಸಿಯಾಗಿದ್ದರು. ಸಿದ್ಧಾರ್ಥ್ -ಸನ್ನಿಧಿ ಜೋಡಿ ಸೂಪರ್ ಹಿಟ್ ಆಗಿತ್ತು.

ಈಗ ಕನ್ನಡದ ಅಗ್ನಿಸಾಕ್ಷಿ ಧಾರಾವಾಹಿ ಹಿಂದಿಯಲ್ಲಿ ರಿಮೇಕ್ ಆಗಿದೆ. ಹಿಂದಿ ಅಂಗಳದಲ್ಲಿ ಕನ್ನಡದ ಕಂಪು ಹರಡಲಿದೆ. ಹಿಂದಿಯಲ್ಲಿ ಹೊಸ ಪ್ರತಿಭೆ ಜೀವಿಕಾ ರಾಣೆ ಸನ್ನಿಧಿ ಪಾತ್ರ ಮಾಡುತ್ತಿದ್ದಾರೆ. ಸಿದ್ಧಾರ್ಥ್ ಪಾತ್ರವನ್ನು ಸಾತ್ವಿಕ್ ಭೋಸಲೆ ಮಾಡುತ್ತಿದ್ದಾರೆ.

ಹಿಂದಿಗೆ ತಕ್ಕಂತೆ ಪಾತ್ರಗಳನ್ನು ರೆಡಿ ಮಾಡಿದ್ದಾರೆ. ಕಲರ್ಸ್ ನಲ್ಲಿ ಕನ್ನಡದ ಅಗ್ನಿಸಾಕ್ಷಿ ಲವ್ ಕಹಾನಿ ಪ್ರಸಾರವಾಗಲಿದೆ. ಅಲ್ಲಿಯೂ ಈ ಧಾರಾವಾಹಿ ಮೆಚ್ಚುಗೆ ಗಳಿಸುತ್ತಿದೆ.

ಅಗ್ನಿಸಾಕ್ಷಿ ಏಕ್ ಸಮ್ಜೋತಾ ಎಂಬ ಟೈಟಲ್‍ನೊಂದಿಗೆ ಕಥೆ ಶುರುವಾಗಿದೆ. ಅದರಲ್ಲೂ ಇಬ್ಬರ ಮದುವೆ ಆಗಿದ್ದು, ನಟ ಮದುವೆ ಆದ ತಕ್ಷಣ ಡಿವೋರ್ಸ್ ಕೇಳಲು ಮುಂದಾಗಿದ್ದಾನೆ.

ಮೊದಲು ಬೇರೆ ಭಾಷೆಗಳ ಸೀರಿಯಲ್ ಗಳು ನಮ್ಮಲ್ಲಿ ಬರುತ್ತಿದ್ದವು. ಈಗ ನಮ್ಮ ಹೆಮ್ಮೆ ಕನ್ನಡ ಎಲ್ಲೆಲ್ಲೂ ತನ್ನ ಕಂಪು ಹರಡುತ್ತಿದೆ.