Shanaya Katwe: ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕನ್ನಡದ ನಟಿ ಶನಾಯಾ ಕಾಟ್ವೆ ಬಂಧನ..!

ಒಂದು ಗಂಟೆಯ ಕಥೆ ಸಿನಿಮಾದ ನಟಿ ಶನಾಯಾ ಕಾಟ್ವೆ ಅವರನ್ನು ಅವರ ಸಹೋದರನ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿಸಲಾಗಿದೆ.

ಹುಬ್ಬಳ್ಳಿ ಮೂಲದ ನಟಿ ಶನಾಯಾ ಕನ್ನಡದ ಒಂದು ಗಂಟೆಯ ಕಥೆ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

ರಾಕೇಶ್​ ಕಾಟ್ವೆ ನಟಿ ಶನಾಯಾ ಕಾಟ್ವೆ ಅವರ ಸಹೋದರ. ಈಗ ಸಹೋದರನ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿಯ ಬಂಧನವಾಗಿದೆ.

ರಾಕೇಶ್​ ಕಾಟ್ವೆ ಅವರ ಕೊಲೆಯಾಗಿದ್ದು, ದೇಹದಿಂದ ರುಂಡವನ್ನು ಬೇರ್ಪಡಿಸಿದ್ದು, ಅರ್ಧ ಸುಟ್ಟ ಸ್ಥಿತಿಯಲ್ಲಿ ಮೃತ ದೇಹ ಪತ್ತೆಯಾಗಿತ್ತು.

ಈ ಕೊಲೆ ಪ್ರಕರಣದ ತನಿಖೆ ಮಾಡುತ್ತಾ ಆರೋಪಿಗಳ ಬೆನ್ನು ಹತ್ತಿದ್ದ ಪೊಲೀಸರು ಈಗ ರಾಕೇಶ್​ ಕಾಟ್ವೆ ಅವರ ಸಹೋದರಿ ಶನಾಯಾ ಕಾಟ್ವೆ, ಅವರ ಪ್ರಿಯಕರ ಸೇರಿದಂತೆ ಐದು ಮಂದಿಯನ್ನು ಬಂಧಿಸಿದ್ದಾರೆ.

32 ವರ್ಷದ ರಾಕೇಶ್​ ಅವರ ರುಂಡ ದೇವರಗುಡಿಹಾಳ್ ಅರಣ್ಯದಲ್ಲಿ ಸಿಕ್ಕಿದ್ದು, ಉಳಿದ ಭಾಗಗಳು ಗದಗದ ರಸ್ತೆಯ ಹಲವು ಕಡೆ ಸಿಕ್ಕಿವೆಯಂತೆ.

ಇನ್ನು ಶನಾಯಾ ಜೊತೆಗೆ ಪ್ರಿಯಕರ ನಿಯಾಜ್​ ಅಹಮದ್ ಕಟಿಗಾರ್ (21)​, ತೌಸಿಫ್​ ಚೆನ್ನಾಪುರ್ (21)​, ಅಪ್ತಾಫ್​ ಮುಲ್ಲ (24 ಹಾಗೂ, ಅಮಾನ್​ ಗಿರ್ಣಿವಾಲೆ (19)​​ ಅವರನ್ನು ಬಂಧಿಸಿಲಾಗಿದೆ.

ಶನಾಯಾ ಕಾಟ್ವೆ ಹಾಗೂ ನಿಯಾಜ್​ ಪ್ರೀತಿಸುತ್ತಿದ್ದರು. ಅವರ ಪ್ರೀತಿಗೆ ರಾಕೇಶ್ ಕಾಟ್ವೆ ವಿರೋಧ ವ್ಯಕ್ತಪಡಿಸಿದ್ದರಂತೆ.

ಇದೇ ಕಾರಣದಿಂದಾಗಿ ಶನಾಯಾ ಪ್ರಿಯಕರ ನಿಯಾಜ್​ ರಾಕೇಶ್​ ಕೊಲೆ ಮಾಡಲು ಸಂಚು ರೂಪಿಸಿದ್ದ ಎಂದು ಹೇಳಲಾಗುತ್ತಿದೆ. (ಸಂಗ್ರಹ ಚಿತ್ರ)

ಕನ್ನಡದ ಒಂದು ಗಂಟೆಯ ಕಥೆ ಸಿನಿಮಾದ ಪ್ರಚಾರದ ವೇಳೆ ತೆಗೆದ ಚಿತ್ರ ಇದಾಗಿದೆ.