Sangeetha Sringeri: ಚಾರ್ಲಿ ಬೆಡಗಿಯ ಬರ್ತ್​ಡೇ ಹೀಗಿತ್ತು ನೋಡಿ

ಚಾರ್ಲಿ ಬೆಡಗಿ ಸಂಗೀತಾ ಶೃಂಗೇರಿ ಜನ್ಮ ದಿನದ ಸಂಭ್ರಮದಲ್ಲಿದ್ದಾರೆ. ಚಾರ್ಲಿ ಮೂಲಕ ಎಲ್ಲರ ಹೃದಯ ಗೆದ್ದ ಸಂಗೀತಾ ಶೃಂಗೇರಿ ಹ್ಯಾಪಿ ಬರ್ತ್‌ ಡೇ ಟು ಮಿ ಅಂತಲೇ ಹೇಳಿಕೊಂಡಿದ್ದಾರೆ.

ಸಂಗೀತಾ ಶೃಂಗೇರಿ ಸೀರಿಯಲ್ ಮೂಲಕವೇ ಹೆಚ್ಚು ಗಮನ ಸೆಳೆದಿದ್ದಾರೆ. ಹರ ಹರ ಮಹಾದೇವ ಸೀರಿಯಲ್‌ನಲ್ಲಿ ಸತಿ-ಪಾರ್ವತಿ ಪಾತ್ರದಲ್ಲಿ ಅಭಿನಯಿಸಿ ಎಲ್ಲರ ಮನಸ್ಸನ್ನ ಕದ್ದಿದ್ದರು.

ಸಂಗೀತಾ ಶೃಂಗೇರಿ ತಮ್ಮ ಚಿತ್ರ ಜೀವನದಲ್ಲಿ ಅತಿ ಹೆಚ್ಚು ಗಮನ ಸೆಳೆದ ಸಿನಿಮಾ ಯಾವುದು? ಇದಕ್ಕೆ ಉತ್ತರ ರೂಪದಲ್ಲಿ ಸೀಗೋದು ಸದ್ಯ ಒಂದೇ ಸಿನಿಮಾ ಆಗಿದೆ. ಅದುವೇ ಟ್ರಿಪಲ್ 7 ಚಾರ್ಲಿ ಅಂತ ಹೇಳಬಹುದು.

ಚಾರ್ಲಿ ಸಿನಿಮಾಕ್ಕೆ ಸಂಗೀತಾ ಶೃಂಗೇರಿ ಆಯ್ಕೆ ಆಗಿರೋದೇ ತುಂಬಾ ವಿಶೇಷವಾಗಿದೆ. ಫೇಸ್ ಬುಕ್ ಮೂಲಕ ಆಡಿಷನ್‌ಗೆ ಆಯ್ಕೆ ಆದ ಸಂಗೀತಾ ಶೃಂಗೇರಿ 2,700 ಜನರ ಮಧ್ಯೆ ಚಾರ್ಲಿ ಚಿತ್ರಕ್ಕೆ ಆಯ್ಕೆ ಆಗಿದ್ದರು.

ಚಾರ್ಲಿ ಚಿತ್ರದ ನಿರ್ದೇಶಕ ಕಿರಣ್‌ರಾಜ್ ತಮ್ಮ ಚಿತ್ರಕ್ಕೆ ಸಂಗೀತಾ ಶೃಂಗೇರಿ ಆಯ್ಕೆ ಮಾಡಿದ್ದರು. ಹೀಗೆ ಚಾರ್ಲಿ ಮೂಲಕ ಎಲ್ಲರ ಮನದಲ್ಲಿ ಜಾಗ ಮಾಡಿಕೊಂಡ ಸಂಗೀತಾ ಶೃಂಗೇರಿ ಈಗಲೂ ಈ ಚಿತ್ರದ ಮೂಲಕವೇ ಗುರುತಿಸಲ್ಪಡ್ತಾರೆ.

ಡಾರ್ಲಿಂಗ್ ಕೃಷ್ಣ ಮತ್ತು ಪುನೀತ್ ರಾಜ್‌ಕುಮಾರ್ ಅಭಿನಯದ ಲಕ್ಕಿಮ್ಯಾನ್ ಚಿತ್ರದಲ್ಲೂ ಸಂಗೀತ ಶೃಂಗೇರಿ ಅಭಿನಯಸಿದ್ದಾರೆ. ಇಲ್ಲೂ ಸಂಗೀತಾ ತಮ್ಮದೇ ಛಾಪು ಮೂಡಿಸಿದ್ದಾರೆ.

ಸಂಗೀತಾ ಶೃಂಗೇರಿ ಒಟ್ಟು ಇಲ್ಲಿವರೆಗೂ ಏಳು ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಅದರಲ್ಲಿ ಚಾರ್ಲಿ, ಲಕ್ಕಿ ಮ್ಯಾನ್, ಮಾರಿಗೋಲ್ಡ್‌ ಸಿನಿಮಾದಲ್ಲಿ ನಟಿಸಿದ್ದಾರೆ.

ಸಂಗೀತಾ ಶೃಂಗೇರಿ ಅಭಿನಯದ ಮೊದಲ ಸಿನಿಮಾ ಚಾರ್ಲಿನೇ ಅಲ್ಲ. ಅದಕ್ಕೂ ಮೊದಲು A+ ಅನ್ನುವ ಚಿತ್ರದಲ್ಲಿ ಅಭಿನಯಿಸಿದ್ದರು. ಈ ಮೂಲಕವೇ ಸಂಗೀತಾ ಪುಟ್ಟ ಪರದೆಯಿಂದ ಬೆಳ್ಳಿ ತೆರೆಗೆ ಬಂದರು. ಆದರೆ ಚಾರ್ಲಿ ಈ ಬೆಡಗಿಯ ಖ್ಯಾತಿಯನ್ನ ಹೆಚ್ಚಿಸಿದೆ ಅಂತ ಹೇಳಬಹದು.