Samyuktha Hegde: ಕಿರಿಕ್ ಹುಡುಗಿಯ ಕ್ರೀಮ್ ಸಿನಿಮಾ ಕಂಪ್ಲೀಟ್!

ಕಿರಿಕ್ ಪಾರ್ಟಿ ಚಿತ್ರ ಖ್ಯಾತಿಯ ನಟಿ ಸಂಯುಕ್ತಾ ಹೆಗಡೆ ಅಭಿನಯದ ಕ್ರೀಮ್ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಚಿತ್ರ ತಂಡವೂ ಆ ಖುಷಿಯನ್ನ ಈಗ ಸೆಲೆಬ್ರೇಟ್ ಮಾಡಿದೆ.

ಇದೇ ಕ್ರೀಮ್ ಚಿತ್ರದ ಚಿತ್ರೀಕರಣದ ವೇಳೆ ನಟಿ ಸಂಯುಕ್ತಾ ಹೆಗಡೆ ಪೆಟ್ಟು ಮಾಡಿಕೊಂಡಿದ್ದರು.

ಕ್ರೀಮ್ ಚಿತ್ರದ ಶೂಟಿಂಗ್ ವೇಳೆ ಪೆಟ್ಟು ಮಾಡಿಕೊಂಡಿದ್ದ ನಟಿ ಸಂಯುಕ್ತಾ ಹೆಗಡೆ ಸ್ವಲ್ಪ ದಿನ ವಿಶ್ರಾಂತಿ ಪಡೆದು ಮತ್ತೆ ಶೂಟಿಂಗ್​ನಲ್ಲೂ ಪಾಲ್ಗೊಂಡಿದ್ದರು.

ಸಂಯುಕ್ತಾ ಹೆಗಡೆ ಅಭಿನಯದ ಕ್ರೀಮ್ ಸಿನಿಮಾ ಬೆಂಗಳೂರಿನಲ್ಲಿ ನಡೆದ ನೈಜ ಘಟನೆಯನ್ನು ಆಧರಿಸಿದೆ. ಚಿತ್ರದ ನಿರ್ದೇಶಕ ಅಭಿಷೇಕ್ ಬಸಂತ್ ಇಲ್ಲಿವರೆಗೂ ಈ ಸಿನಿಮಾ ಬಗ್ಗೆ ಏನೂ ಬಿಟ್ಟುಕೊಟ್ಟಿರಲಿಲ್ಲ. ಆದರೆ ಈಗ ಸಿನಿಮಾ ತಂಡ ಶೂಟಿಂಗ್ ಕಂಪ್ಲೀಟ್ ಆದ ವಿಷಯ ತಿಳಿಸಿದೆ.

ಕ್ರೀಮ್ ಚಿತ್ರದಲ್ಲಿ ಸಂಯುಕ್ತಾ ಹೆಗಡೆ ಪಾತ್ರ ಹೇಗಿದೆ ಅನ್ನೋ ಕುತೂಹಲ ಇನ್ನು ಹಾಗೆ ಇದೆ. ಚಿತ್ರದಲ್ಲಿ ಅರುಣ್ ಸಾಗರ್, ಅಚ್ಯುತ್ ಕುಮಾರ್ ಅಭಿನಯಿಸಿದ್ದಾರೆ.

ಕ್ರೀಮ್ ಚಿತ್ರಕ್ಕೆ ಅಗ್ನಿ ಶ್ರೀಧರ್ ಕಥೆ ಬರೆದಿದ್ದಾರೆ. ಸಂಭಾಷಣೆ ಕೂಡ ಇವರೇ ಬರೆದುಕೊಟ್ಟಿದ್ದಾರೆ.

ಕ್ರೀಮ್ ಚಿತ್ರ ತಂಡ ಈಗ ಚಿತ್ರೀಕರಣದ ಎಲ್ಲ ಕೆಲಸ ಪೂರ್ಣಗೊಳಿಸಿದ್ದು, ಸದ್ಯದಲ್ಲಿ ಪೋಸ್ಟ್ ಪ್ರೋಡಕ್ಷನ್ ಕೆಲಸ ಶುರು ಆಗಲಿದೆ.