Reba Monica John ಮದುವೆ ಆಯ್ತು, ‘ರತ್ನನ್ ಪ್ರಪಂಚ’ ಚೆಲುವೆ ಕೈಹಿಡಿದ ವರ ಯಾರು ಗೊತ್ತಾ?

ರತ್ನನ್ ಪ್ರಪಂಚ (Ratnan Prapancha) ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ (Sandalwood) ಪಾದಾರ್ಪಣೆ ಮಾಡಿದ ನಟಿ ರೆಬಾ ಮೋನಿಕಾ ಜಾನ್ (Reba Monica John) ಇದೀಗ ಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಸಿನಿಮಾ ಆಫರ್‌ಗಳನ್ನು ಒಪ್ಪಿಕೊಳ್ಳುತ್ತಿರುವ ಈ ಸುಂದರಿ ಇದೀಗ ಮದುವೆ ಮಾಡಿಕೊಂಡಿದ್ದಾರೆ.

ತಮ್ಮ ದೀರ್ಘಕಾಲದ ಬಾಯ್‌ಫ್ರೆಂಡ್ ಜೋಮನ್ ಜೋಸೆಫ್ ಜೊತೆಗೆ ರೆಬಾ ಮೋನಿಕಾ ಜಾನ್ ಅವರ ಮದುವೆ ನೆರವೇರಿದೆ. ಜನವರಿ 9, 2022 ರಂದು ಬೆಂಗಳೂರಿನ ಬ್ರಿಗೇಡ್ ರಸ್ತೆಯಲ್ಲಿರುವ ಸೇಂಟ್ ಪ್ಯಾಟ್ರಿಕ್ಸ್ ಚರ್ಚ್‌ನಲ್ಲಿ ರೆಬಾ ಮೋನಿಕಾ ಜಾನ್ ಹಾಗೂ ಜೋಮನ್ ಜೋಸೆಫ್ ಕ್ರಿಶ್ಚಿಯನ್ ಸಂಪ್ರದಾಯದಂತೆ ಹೊಸ ಬದುಕಿಗೆ ಕಾಲಿಟ್ಟಿದ್ದಾರೆ.

‘’ಇಂದಿನಿಂದ ಒಳ್ಳೆಯದಾಗಲಿ, ಕೆಟ್ಟದಾಗಲಿ.. ಶ್ರೀಮಂತಿಕೆಯಲ್ಲಿ, ಬಡತನದಲ್ಲಿ.. ಆರೋಗ್ಯ ಮತ್ತು ಅನಾರೋಗ್ಯದಲ್ಲಿ.. ಯಾವಾಗಲೂ ಜೊತೆಗಿರಲು, ಪ್ರೀತಿಸಲು ವಾಗ್ದಾನ ಮಾಡಿದ್ದೇವೆ’’ ಎಂದು ತಮ್ಮ ಮದುವೆಯ ಫೋಟೋಗಳನ್ನು ಹಂಚಿಕೊಂಡು ನಟಿ ರೆಬಾ ಮೋನಿಕಾ ಜಾನ್ ಇನ್ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

‘’ಸಾಯುವವರೆಗೆ ನಿನ್ನನ್ನು ಸಂತೋಷವಾಗಿರಿಸಲು ನನ್ನ ಶಕ್ತಿ ಮೀರಿ ಎಲ್ಲವನ್ನೂ ಮಾಡುತ್ತೇನೆ ಎಂದು ನಾನು ಭರವಸೆ ನೀಡುತ್ತಿದ್ದೇನೆ. ಐ ಲವ್ ಯೂ’’ ಎಂದು ಪತ್ನಿ ರೆಬಾ ಮೋನಿಕಾ ಜಾನ್‌ರನ್ನು ಉಲ್ಲೇಖಿಸಿ ಜೋಮನ್ ಜೋಸೆಫ್ ಇನ್ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ.

ರೆಬಾ ಮೋನಿಕಾ ಜಾನ್ ಹುಟ್ಟಿ ಬೆಳೆದಿದ್ದೆಲ್ಲಾ ಬೆಂಗಳೂರಿನಲ್ಲೇ. ಕ್ರೈಸ್ಟ್ ಯೂನಿವರ್ಸಿಟಿಯಲ್ಲಿ ಪದವಿ ಪಡೆದಿರುವ ರೆಬಾ ಮೋನಿಕಾ ಜಾನ್ ಬಣ್ಣದ ಲೋಕಕ್ಕೆ ಕಾಲಿಟ್ಟಿದ್ದು ಮಲಯಾಳಂನ ‘ಜೇಕಬ್ ಇನ್ಟೇ ಸ್ವರ್ಗರಾಜ್ಯಂ’ ಸಿನಿಮಾದ ಮೂಲಕ.

ತಮಿಳಿನ ‘ಬಿಗಿಲ್’, ಮಲಯಾಳಂನ ‘ಫೋರೆನ್ಸಿಕ್’, ಕನ್ನಡದ ‘ರತ್ನನ್ ಪ್ರಪಂಚ’ ಮುಂತಾದ ಚಿತ್ರಗಳಲ್ಲಿ ರೆಬಾ ಮೋನಿಕಾ ಜಾನ್ ಮಿಂಚಿದ್ದಾರೆ. ಸದ್ಯ ರೆಬಾ ಮೋನಿಕಾ ಜಾನ್ ಅವರ ಕೈಯಲ್ಲಿ ‘ಅಕ್ಟೋಬರ್ 31st ಲೇಡೀಸ್ ನೈಟ್’, ‘ರಜನಿ’ ಸೇರಿದಂತೆ ಮೂರ್ನಾಲ್ಕು ಚಿತ್ರಗಳಿವೆ.

ಇನ್ನೂ ಇವರ ಮದುವೆ ತಮಿಳು ಚಿತ್ರರಂಗದ ಸ್ಟಾರ್ ನಟ ವಿಜಯ್​ ಕೂಡ ಆಗಮಿಸಿದ್ದರು. ಇನ್ನೂ ಅನೇಕ ಚಿತ್ರರಂಗದ ಗಣ್ಯರು ಆಗಮಿಸಿದ ವಿಶ್​ ಮಾಡಿದ್ದಾರಂತೆ

ತಮಿಳಿನಲ್ಲಿ ಎಫ್‌ಐಆರ್‌ (FIR) ಮತ್ತು ಅಕ್ಟೋವರ್ ಲೇಡಿಸ್‌ ನೈಟ್‌ (October 31st Ladies Night) ಸಿನಿಮಾ, ಕನ್ನಡದಲ್ಲಿ ಸಕಲಕಲಾ ವಲ್ಲಭ (Sakalakala Vallabha) ಸಿನಿಮಾ ಮಲಯಾಳಂನಲ್ಲಿ ರಜ್ನಿ (Rajni) ಮತ್ತು ಹೆಸರು ರಿವೀಲ್ ಆಗದ ಸಿನಿಮಾವೊಂದಕ್ಕೆ ಸಹಿ ಮಾಡಿದ್ದಾರೆ ರೆಬಾ