Rashmika Mandanna: ಮತ್ತೆ ಒಂದಾದ ರಶ್ಮಿಕಾ -ನಿತಿನ್​; ಸಿನಿಮಾದ ಮುಹೂರ್ತದಲ್ಲಿ ಮೆಗಾ ಸ್ಟಾರ್ ಹೇಳಿದ್ದೇನು?

ಕಿರಿಕ್ ಪಾರ್ಟಿ ರಶ್ಮಿಕಾ ಮಂದಣ್ಣ ಟಾಲಿವುಡ್‌ನಲ್ಲಿ ಮತ್ತೊಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ. ರಶ್ಮಿಕಾ ಮತ್ತು ನಿತಿನ್ ಅಭಿನಯದ ಈ ಚಿತ್ರಕ್ಕೆ ಮೆಗಾ ಸ್ಟಾರ್ ಚಿರಂಜೀವಿ ಬಂದು ಶುಭ ಹಾರೈಸಿದ್ದಾರೆ.

ನ್ಯಾಷನಲ್ ಕ್ರಶ್ ಅಂತ ಕರೆಸಿಕೊಳ್ಳುವ ಕೊಡಗಿನ ಕುವರಿ ರಶ್ಮಿಕಾ ಮಂದಣ್ಣ, ಈ ಮೂಲಕ ಟಾಲಿವುಡ್ ನಟ ನಿತಿನ್ ಜೊತೆಗೆ ಎರಡನೇ ಬಾರಿಗೆ ಕೆಲಸ ಮಾಡುತ್ತಿದ್ದಾರೆ. ಇವರ ಈ ಚಿತ್ರಕ್ಕೆ ಮೆಗಾ ಸ್ಟಾರ್ ಚಿರಂಜೀವಿ ಕ್ಲಾಪ್ ಮಾಡಿದ್ದಾರೆ. ಗುಡ್ ಲಕ್ ಟು ಯು ಅಂತಲೂ ಮನದುಂಬಿ ಹಾರೈಸಿದ್ದಾರೆ.

ರಶ್ಮಿಕಾ ಮಂದಣ್ಣ ಮತ್ತು ನಿತಿನ್ ಈ ಹಿಂದೆ ಭೀಷ್ಮ ಅನ್ನುವ ಸಿನಿಮಾ ಮಾಡಿದ್ದರು. ಈ ಚಿತ್ರ ಬಂದು ಮೂರು ವರ್ಷ ಆಗಿದೆ. 2020, ಫೆಬ್ರವರಿ-21ರಂದು ತೆರೆಗೆ ಬಂದಿದ್ದ ಈ ಚಿತ್ರ ರೋಮ್ಯಾಮಟಿಕ್ ಕಾಮಿಡಿ ಕಂಟೆಂಟ್ ಹೊಂದಿತ್ತು. ಚಿತ್ರಕ್ಕೆ ಒಳ್ಳೆ ರಿವ್ಯೂ ಕೂಡ ಬಂದಿತ್ತು. ಕಮರ್ಷಿಯಲಿ ಇದು ಸಕ್ಸಸ್ ಕೂಡ ಆಯಿತು.

ರಶ್ಮಿಕಾ ಮಂದಣ್ಣ ಮತ್ತು ನಿತಿನ್ ಮೂರು ವರ್ಷದ ಬಳಿಕ ಮತ್ತೊಮ್ಮೆ ಒಟ್ಟಿಗೆ ಸ್ಕ್ರೀನ್ ಹಂಚಿಕೊಳ್ಳುತ್ತಿದ್ದಾರೆ. ಇವರನ್ನ ಮತ್ತೊಮ್ಮೆ ಅದೇ ಭೀಷ್ಮ ಚಿತ್ರದ ಡೈರೆಕ್ಟರ್ ವೆಂಕಿ ಕುದುಮುಲ ಡೈರೆಕ್ಟ್ ಮಾಡುತ್ತಿದ್ದಾರೆ.

ಭೀಷ್ಮ ಡೈರೆಕ್ಟರ್ ವೆಂಕಿ ಕುದುಮುಲ ಈ ಸಲ ಬೇರೆ ಕಥೆಯನ್ನೆ ಮಾಡಿಕೊಂಡಿದ್ದಾರೆ. ಈ ಹಿಂದಿನ ಭೀಷ್ಮ ಸಿನಿಮಾದ ಕಂಟೆಂಟ್‌ಗಿಂತಲೂ ವಿಭಿನ್ನವಾದ ವಿಷಯವನ್ನ ಇಟ್ಟುಕೊಂಡೇ ಈಗ ಸಿನಿಮಾ ಮಾಡುತ್ತಿದ್ದಾರೆ. ಇನ್ನು ಹೆಸರಿಡದ ಈ ಚಿತ್ರಕ್ಕೆ ಸದ್ಯ ಮುಹೂರ್ತ ಆಗಿದೆ.

ನಿತಿನ್ ಮತ್ತು ರಶ್ಮಿಕಾ ಮಂದಣ್ಣ ಅವರ ಈ ಚಿತ್ರವೂ ಬಿಗ್ ಬಜೆಟ್‌ನ ಸಿನಿಮಾನೇ ಆಗಿದೆ. ಕಿರೀಟಿ ರಾಜೇಂದ್ರ ಪ್ರಸಾದ್, ವೆನ್ನೆಲ್ಲಾ ಕಿಶೋರ್ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.

ಚಿತ್ರಕ್ಕೆ ಜಿ.ವಿ.ಪ್ರಕಾಶ್ ಕುಮಾರ್ ಸಂಗೀತ ನಿರ್ದೇಶನ ಮಾಡುತ್ತಿದ್ದಾರೆ. ಸಾಯಿ ಶ್ರೀರಾಮ್ ಕ್ಯಾಮೆರಾವರ್ಕ್ ಮಾಡುತ್ತಿದ್ದಾರೆ. ರಾಮ್ ಕುಮಾರ್ ಕಲಾ ನಿರ್ದೇಶನ ಮಾಡುತ್ತಿದ್ದಾರೆ. ಶೀಘ್ರದಲ್ಲಿಯೇ ಚಿತ್ರದ ಟೈಟಲ್ ಕೂಡ ಅನೌನ್ಸ್ ಆಗಲಿದೆ.