Paavana Gowda: ಬೊಂಬೆಗಳ ಲವ್ ಚಿತ್ರ ಖ್ಯಾತಿಯ ಪಾವನಾ ಹೊಸ ಅವತಾರ್! ಗೌಳಿ ಚಿತ್ರದಲ್ಲಿ ಇವರ ಪಾತ್ರವೇನು?

ಕನ್ನಡದ ನಾಯಕಿ ನಟಿ ಪಾವನಾ ಗೌಡ ಅಭಿನಯದ ಗೌಳಿ ಸಿನಿಮಾದ ಟ್ರೈಲರ್ ಭಾರೀ ಭರವಸೆ ಮೂಡಿಸಿದೆ.

ಗೌಳಿ ಚಿತ್ರದಲ್ಲಿ ಪಾವನಾ ಗೌಡ ಸೇರಿದಂತೆ ಬಣ್ಣ ಹಚ್ಚದೇನೆ ಎಲ್ಲ ಕಲಾವಿದರು ಅಭಿನಯಿಸಿದ್ದಾರೆ. ನೈಜ ಘಟನೆಗಳ ಈ ಚಿತ್ರ ಈ ಕಾರಣಕ್ಕೇನೆ ಮತ್ತಷ್ಟು ನೈಜತೆ ಹೊಂದಿದೆ.

ಗೌಳಿ ಚಿತ್ರಕ್ಕೂ ಮೊದಲು ನಟಿ ಪಾವನಾ ರುದ್ರಿ ಅನ್ನುವ ಸಿನಿಮಾ ಮಾಡಿದ್ದರು. ಈ ಚಿತ್ರವೂ ಉತ್ತರ ಕರ್ನಾಟಕದ ವಿಶೇಷ ಕಥೆಯನ್ನ ಹೊಂದಿತ್ತು. ಈ ಮೂಲಕ ಪಾವನಾ ಜನರ ಹೃದಯ ಗೆದ್ದರು.

ಬೊಂಬೆಗಳ ಲವ್ ಚಿತ್ರದ ಮೂಲಕ 2013 ರಲ್ಲಿ ಪಾವನಾ ಇಂಡಸ್ಟ್ರಿಗೆ ಕಾಲಿಟ್ಟಿದ್ದರು. ಅಲ್ಲಿಂದ ಇಲ್ಲಿವರೆಗೂ ಪಾವನಾ ಅಭಿನಯಸಿದ ಚಿತ್ರಗಳೆಲ್ಲ ವಿಶೇಷವಾಗಿಯೇ ಇವೆ.

ಪಾವನಾ ಗೌಡ ಈ ಹಿಂದೆ ತೂತು ಮಡಿಕೆ ಚಿತ್ರದಲ್ಲೂ ನಟಿಸಿದ್ದಾರೆ. ಈ ಚಿತ್ರದಲ್ಲೂ ಪಾವನಾ ವಿಶೇಷವಾಗಿಯೇ ಕಾಣಿಸಿಕೊಂಡಿದ್ದಾರೆ.

ಪಾವನಾ ಗೌಡ ಇತ್ತೀಚಿಗೆ ಬಂದ ಸದ್ದು ವಿಚಾರಣೆ ನಡೆಯುತ್ತಿದೆ ಅನ್ನುವ ಚಿತ್ರದಲ್ಲೂ ಅಭಿನಯಿಸಿದ್ದಾರೆ.

ಪಾವನಾ ಗೌಡ ವಿಶೇಷ ಕಥೆಯುಳ್ಳ ಚಿತ್ರದಲ್ಲಿಯೇ ಅಭಿನಯಿಸಿದ್ದಾರೆ. ಚಮಕ್, ಆಟಗಾರ ಆ ಸಾಲಿನ ಸಿನಿಮಾಗಳಾಗಿವೆ. ಗೌಳಿ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಜೋಡಿಯಾಗಿಯೇ ಈಗ ಕಾಣಿಸಿಕೊಳ್ಳುತ್ತಿದ್ದಾರೆ. ಫೆಬ್ರವರಿ-24 ರಂದು ಚಿತ್ರ ರಿಲೀಸ್ ಆಗುತ್ತಿದೆ.