Meghana Raj Movie: ಮೇಘನಾ ರಾಜ್ ಅಭಿನಯದ ತತ್ಸಮ ತದ್ಭವ ಶೂಟಿಂಗ್ ಕಂಪ್ಲೀಟ್, ಸಿನಿಮಾ ರಿಲೀಸ್ ಯಾವಾಗ?

ಕನ್ನಡದ ನಾಯಕಿ ನಟಿ ಮೇಘನಾ ರಾಜ್ ಕಮ್‌ ಬ್ಯಾಕ್ ಮಾಡಿದ್ದಾರೆ. ಕಮ್‌ ಬ್ಯಾಕ್ ಮಾಡಿರೋ ಚಿತ್ರದ ಹೆಸರು ತತ್ಸಮ-ತದ್ಭವ ಆಗಿದೆ. ವಿಶೇಷ ಹೆಸರಿನ ಈ ಚಿತ್ರದಲ್ಲಿ ವಿಶೇಷವಾದ ಕಥೇನೆ ಇದೆ.

ತತ್ಸಮ ತದ್ಭವ ಚಿತ್ರದ ಮೂಲಕ ಮೇಘನಾ ವಿಶೇಷ ಪಾತ್ರ ಮಾಡಿದ್ದಾರೆ. ತಮ್ಮ ಚಿತ್ರ ಜೀವನದಲ್ಲಿ ಇಲ್ಲಿವರೆಗೂ ಮಾಡದೇ ಇರೋ ಪಾತ್ರವನ್ನ ಇಲ್ಲಿ ನಿರ್ವಹಿಸಿದ್ದಾರೆ. ಈ ಒಂದು ಮಾತನ್ನ ಸ್ವತಃ ಮೇಘನಾ ರಾಜ್ ಮಾಧ್ಯಮದ ಮುಂದೇನೂ ಹೇಳಿಕೊಂಡಿದ್ದಾರೆ.

ಮೇಘನಾ ರಾಜ್ ಕಮ್‌ ಬ್ಯಾಕ್ ಮಾಡಿರೋ ಈ ಚಿತ್ರದ ಹಿಂದೆ ಚಿರು ಸ್ನೇಹಿತರೇ ಇದ್ದಾರೆ. ಪನ್ನಗಾ ಭರಣ, ಪ್ರಜ್ವಲ್ ದೇವರಾಜ್, ಹೀಗೆ ಇನ್ನೂ ಹಲವು ಸ್ನೇಹಿತರು ಈ ಚಿತ್ರಕ್ಕೆ ಕೆಲಸ ಮಾಡಿದ್ದಾರೆ.

ಪನ್ನಗ ಭರಣ ಈಗೊಂದು ಪ್ರೋಡಕ್ಷನ್ ಹೌಸ್ ಆರಂಭಿಸಿದ್ದಾರೆ. ಈ ಮೂಲಕ ಮೇಘನಾ ರಾಜ್ ನಟನೆಯ ತತ್ಸಮ ತದ್ಭವ ಸಿನಿಮಾ ಮಾಡಿದ್ದಾರೆ.

ತತ್ಸಮ ತದ್ಭವ ಚಿತ್ರವನ್ನ ವಿಶಾಲ್ ಆತ್ರೇಯ ನಿರ್ದೇಶನ ಮಾಡಿದ್ದಾರೆ. ಕನ್ನಡದಲ್ಲಿ ಇಲ್ಲಿವರೆಗೂ ಬರದೇ ಇರೋ ಕಥೆಯನ್ನೆ ಚಿತ್ರ ಮಾಡಿದ್ದೇನೆ ಎಂದು ವಿಶಾಲ್ ಹೇಳಿಕೊಂಡಿದ್ದಾರೆ.

ವಿಶಾಲ್ ಆತ್ರೇಯ ನಿರ್ದೇಶನದ ಈ ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ಕೂಡ ಇದ್ದಾರೆ. ಗೆಳೆಯರ ಈ ಚಿತ್ರದಲ್ಲಿ ಅಭಿನಯಿಸಿರೋ ಖುಷಿಯನ್ನ ಪ್ರಜ್ವಲ್ ಕೂಡ ಹಂಚಿಕೊಂಡಿದ್ದಾರೆ.

ತತ್ಸಮ ತದ್ಭವ ಸಿನಿಮಾದಲ್ಲಿ ನಟಿ ಶೃತಿ ಅವರು ಸೈಕಾಲಜಿಸ್ಟ್ ರೋಲ್ ಮಾಡಿದ್ದಾರೆ. ಈ ಮೂಲಕ ಹೊಸ ರೀತಿಯ ಪಾತ್ರವನ್ನ ನಿರ್ವಹಿಸಿದ್ದಾರೆ. ಸದ್ಯಕ್ಕೆ ಸಿನಿಮಾದ ಶೂಟಿಂಗ್ ಪೂರ್ಣ ಆಗಿದೆ. ಚಿತ್ರಕ್ಕೆ ವಾಸುಕಿ ವೈಭವ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಒಂದು ಹಾಡಿದ್ದು, ಇದೀಗ ರೀರೆಕಾರ್ಡಿಂಗ್ ಕೆಲಸ ಕೂಡ ನಡೆಯುತ್ತಿದೆ.

ತತ್ಸಮ ತದ್ಭವ ಸಿನಿಮಾ ರಿಲೀಸ್ ಪ್ಲಾನ್ ಕೂಡ ಆಗಿದೆ. ಆದರೆ ಅದಕ್ಕೆ ಎಲೆಕ್ಷನ್ ಮುಗಿಯಬೇಕು ಅಂತ ಸಿನಿಮಾ ನಿರ್ಮಾಪಕ ಪನ್ನಗ ಭರಣ ಈಗ ಹೇಳಿಕೊಂಡಿದ್ದಾರೆ.