Cannes Film Festival: ಕಾನ್​ ಫಿಲ್ಮ್ ಫೆಸ್ಟಿವಲ್‌ ರೆಡ್ ಕಾರ್ಪೆಟ್‌ ಮೇಲೆ ಕನ್ನಡತಿ, ಯಾರು ಈ ನಟಿ?

ಕಾನ್ಸ್‌ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಸದ್ಯ ಸಿನಿಮಾಗಳ ಹಬ್ಬ ನಡೆಯುತ್ತಿದೆ. ಫ್ರಾನ್ಸ್ ನಲ್ಲಿ 10 ದಿನಗಳ ಕಾಲ ನಡೆಯೊ ಈ ಫಿಲ್ಮ್‌ ಉತ್ಸವದಲ್ಲಿ ಎಲ್ಲ ತಾರೆಯರು ಚಿತ್ರ ವಿಚಿತ್ರ, ಭಿನ್ನ ವಿಭಿನ್ನ ಉಡುಗೆ ತೊಟ್ಟು ಇಡೀ ಸಿನಿಮಾ ಹಬ್ಬವನ್ನ ರಂಗೇರಿಸಿದ್ದಾರೆ.

ಕಾನ್ಸ್‌ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಬಾಲಿವುಡ್‌ ನಟಿಯರಂತೂ ಹಬ್ಬ ಮಾಡುತ್ತಿದ್ದಾರೆ. ಹಾಲಿವುಡ್‌ ನಟಿಯರ ಹಾಗೆ ಇಡೀ ರೆಡ್‌ ಕಾರ್ಪೆಟ್‌ನಲ್ಲಿ ವಾಕ್ ಮಾಡಿ ದಿಲ್ ಖುಷ್ ಆಗುತ್ತಿದ್ದಾರೆ.

ಇದರ ಮಧ್ಯೆ ಕನ್ನಡತಿ ಇತಿ ಆಚಾರ್ಯ ಕೂಡ ಕಾನ್ಸ್‌ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಭಾಗಿ ಆಗಿದ್ದಾರೆ. ರೆಡ್ ಕಾರ್ಪೆಟ್ ಮೇಲೆ ವಾಕ್ ಮಾಡಿ ಖುಷಿಪಟ್ಟಿದ್ದಾರೆ.

ಕಾನ್ಸ್‌ ಫಿಲ್ಮಂ ಫೆಸ್ಟಿವಲ್‌ನಲ್ಲಿ ಮೊದಲ ಸಲ ಭಾಗಿ ಆಗಿರೋ ಇತಿ ಆಚಾರ್ಯ, ಕಪ್ಪು ಬಣ್ಣದ ಗೌನ್ ತೊಟ್ಟು ಇಡೀ ರೆಡ್‌ ಕಾರ್ಪೆಟ್‌ನಲ್ಲಿ ಹೊಸ ರಂಗನ್ನೆ ಚೆಲ್ಲಿದ್ದಾರೆ.

ಕಾನ್ಸ್‌ ಸಿನಿಮಾ ಹಬ್ಬದಲ್ಲಿ ಅನ್ಸೆಲ್ಮ್ ಸಿನಿಮಾ ಕೂಡ ಇದೆ. ಈ ಚಿತ್ರಕ್ಕಾಗಿಯೇ ಕನ್ನಡತಿ ಇತಿ ಆಚಾರ್ಯ ಇಲ್ಲಿಗೆ ಆಮಿಸಿದ್ದಾರೆ. ವಿಮ್ ವೆಂಡರ್ಸ್ ಈ ಚಿತ್ರವನ್ನ ಡೈರೆಕ್ಟ್ ಮಾಡಿದ್ದಾರೆ.

ಇತಿ ಆಚಾರ್ಯ 2016 ರ ಮಿಸ್ ಸೌಥ್ ಇಂಡಿಯಾ ವಿನ್ನರ್ ಆಗಿದ್ದಾರೆ. ಮೂಲತ ಮಾಡೆಲ್ ಆಗಿರೋ ಇತಿ ಆಚಾರ್ಯ ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ. ಕನ್ನಡ, ತಮಿಳು, ಹಿಂದಿ, ಮಲೆಯಾಳಂ ಭಾಷೆಯ ಸಿನಿಮಾಗಳಲ್ಲೂ ಇತಿ ಆಚಾರ್ಯ ನಟಿಸಿದ್ದಾರೆ.

ಇತಿ ಆಚಾರ್ಯ ಅಂತಾರಾಷ್ಟ್ರೀಯ ಮಟ್ಟದಲ್ಲೂ ಮಿಂಚಿದ್ದಾರೆ. ಅಮೆರಿಕದ ಗಾಯಕ ಮತ್ತು ಸಂಗೀತ ನಿರ್ದೇಶಕ ಮೆರ್ಲಿನ್ ಬಾಬಾಜಿ ಸಂಗೀತದ ಹಾಡಿನಲ್ಲೂ ಕಾಣಿಸಿಕೊಂಡಿದ್ದಾರೆ.