Dhanya Ramkumar: ಕ್ರೇಜಿ ಸ್ಟಾರ್ ಸಿನಿಮಾದಲ್ಲಿ ಧನ್ಯಾ ರಾಮ್​ಕುಮಾರ್, ಹೊಸ ಚಿತ್ರದಲ್ಲಿ ಪಾತ್ರ ಹೇಗಿದೆ?

ಡಾಕ್ಟರ್ ರಾಜಕುಮಾರ್ ಅವರ ಮೊಮ್ಮಗಳು ಧನ್ಯಾ ರಾಮಕುಮಾರ್ ಹೊಸ ಚಿತ್ರವೊಂದನ್ನ ಒಪ್ಪಿದ್ದಾರೆ. ಈ ಚಿತ್ರದಲ್ಲಿ ಕ್ರೇಜಿ ಸ್ಟಾರ್ ರವಿಚಂದ್ರನ್ ಮೇನ್ ಲೀಡ್‌ನಲ್ಲಿರೋದು ವಿಶೇಷ ಅಂತ ಹೇಳಬಹುದು. ಈ ಸಿನಿಮಾದ ಒಂದಷ್ಟು ಮಾಹಿತಿ ಇಲ್ಲಿದೆ.

ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಭಿನಯದ ಈ ಚಿತ್ರಕ್ಕೆ ಗುರುರಾಜ್ ಕುಲಕರ್ಣಿ ನಿರ್ದೇಶನ ಮಾಡುತ್ತಿದ್ದಾರೆ. ಲೀಗಲ್ ಥ್ರಿಲ್ಲರ್ ವಿಷಯದ ಈ ಚಿತ್ರದಲ್ಲಿ ರವಿಚಂದ್ರನ್ ಅವರು ಸ್ಪೆಷಲ್ ಆಗಿಯೂ ಕಾಣಿಸುತ್ತಿದ್ದಾರೆ.

ಕ್ರೇಜಿ ಸ್ಟಾರ್ ರವಿಚಂದ್ರನ್ ಮತ್ತು ಧನ್ಯಾ ರಾಮಕುಮಾರ್ ಈ ಸಿನಿಮಾದಲ್ಲಿ ಪೇರ್ ಅಲ್ವೇ ಅಲ್ಲ. ಇಬ್ಬರ ಕ್ಯಾರೆಕ್ಟರ್ ಬೇರೆ ಬೇರೆನೆ ಇದೆ. ಆದರೆ ಇವರ ಮುಖಾ-ಮುಖಿಯ ದೃಶ್ಯಗಳು ಅದ್ಭುತವಾಗಿಯೇ ಈ ಚಿತ್ರಕ್ಕೆ ಪ್ಲಾನ್ ಮಾಡಲಾಗಿದೆ.

ಇನ್ನೂ ಹೆಸರಿಡದ ಈ ಚಿತ್ರದಲ್ಲಿ ರವಿಚಂದ್ರನ್ ಲೀಗಲ್ ಸಿಸ್ಟಮ್‌ ಅನ್ನ ನಂಬುತ್ತಾರೆ. ಅದೇ ಸತ್ಯ ಅಂತಲೇ ವಾದಿಸುತ್ತಾರೆ. ಆದರೆ ಧನ್ಯಾ ರಾಮಕುಮಾರ್ ಅದನ್ನ ನಂಬೋದೇ ಇಲ್ಲ. ಬದಲಾಗಿ ಲೀಗಲ್ ಸಿಸ್ಟಮ್ ವಿರುದ್ಧ ಹೋರಾಟಕ್ಕೆ ಹೊರಡ್ತಾರೆ ಅನ್ನೋದೇ ಒಟ್ಟು ಸದ್ಯದ ಮಾಹಿತಿ.

ಕನಸುಗಾರ ರವಿಚಂದ್ರನ್ ಮತ್ತು ಧನ್ಯಾ ರಾಮಕುಮಾರ್ ಸಿನಿಮಾ, ರಾಜ್‌ಕುಮಾರ್ ಅವರ ಜನ್ಮ ದಿನ ಏಪ್ರಿಲ್-24 ರಂದು ಚಿತ್ರೀಕರಣ ಆರಂಭಿಸುತ್ತಿದೆ. ನಿರ್ದೇಶಕ ಗುರುರಾಜ್ ಕುಲಕರ್ಣಿ ಅವರು ಶೂಟಿಂಗ್ ಸ್ಪಾಟ್ ಅಲ್ಲಿ ಚಿಕ್ಕದೊಂದು ಪೂಜೆಯನ್ನ ಕೂಡ ಪ್ಲಾನ್ ಮಾಡಿದ್ದಾರೆ.

ರಾಜ್‌ಕುಮಾರ್ ಅವರ ಅಪ್ಪಟ್ಟ ಅಭಿಮಾನಿಯಾಗಿರೋ ಗುರುರಾಜ್ ಕುಲಕರ್ಣಿ, ತುಂಬಾ ಖುಷಿಯಲ್ಲಿಯೇ ಇದ್ದಾರೆ. ರಾಜ್‌ ಮೊಮ್ಮಗಳು ತಮ್ಮ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಅನ್ನೋದು ಇವರ ಖುಷಿಗೆ ಕಾರಣವೂ ಆಗಿದೆ.

ಕ್ರೇಜ್ ಸ್ಟಾರ್ ರವಿಚಂದ್ರನ್ ಅವರ ಜೊತೆಗೆ ಧನ್ಯಾ ರಾಮಕುಮಾರ್ ಮೊಟ್ಟ ಮೊದಲ ಬಾರಿಗೆ ಅಭಿನಯಿಸುತ್ತಿದ್ದು, ಈ ಮೂಲಕ ವಿಶೇಷವಾದ ಪಾತ್ರದಲ್ಲೂ ಧನ್ಯಾ ರಾಮ್‌ಕುಮಾರ್ ಅಭಿನಯಿಸುತ್ತಿದ್ದಾರೆ ಅಂತಲೇ ಹೇಳಬಹುದು.