Vijay Raghavendra: ಚಿನ್ನಾರಿ ಮುತ್ತನ ಕಥೆಗೆ ಈಗ 30 ವರ್ಷ; ಇದು ರಾಘು ಸಿನಿ ಜರ್ನಿಯ ಸ್ಪೆಷಲ್ ಸಿನಿಮಾ

ಕನ್ನಡದ ನಾಯಕ ನಟ ವಿಜಯ್ ರಾಘವೇಂದ್ರ ಅಭಿನಯದ ಚಿನ್ನಾರಿ ಮುತ್ತ ಚಿತ್ರ ಬಂದು ಇದೀಗ 30 ವರ್ಷಗಳು ಆಗಿದೆ. ಟಿ.ಎಸ್. ನಾರಾಗಾಭರಣ ಅವರ ನಿರ್ದೇಶನದ ಈ ಚಿತ್ರದ ಮೂಲಕ ಬಾಲ ನಟರಾಗಿ ವಿಜಯ್ ರಾಘವೇಂದ್ರ ಎಲ್ಲ ಮಕ್ಕಳ ಫೇವರಿಟ್ ನಟ ಆಗಿದ್ದರು.

ಚಿನ್ನಾರಿ ಮುತ್ತ ಚಿತ್ರ ಮಕ್ಕಳ ಚಿತ್ರ ಆಗಿತ್ತು. ಈ ಚಿತ್ರದಲ್ಲಿ ಸ್ಪೂರ್ತಿದಾಯಕ ಕಥೆ ಕೂಡ ಇತ್ತು. ಮಕ್ಕಳು ಇಷ್ಟಪಡೋ ಕಥೆ ಇದಾಗಿದ್ದರಿಂದಲೇ ಹತ್ತು ಹಲವು ಪ್ರಶಸ್ತಿಗಳು ಚಿನ್ನಾರಿ ಮುತ್ತ ಚಿತ್ರಕ್ಕೆ ಬಂದವು.

ಚಿನ್ನಾರಿ ಮುತ್ತ ಚಿತ್ರಕ್ಕೆ ರಾಷ್ಟ್ರೀಯ ಪ್ರಶಸ್ತಿ ಕೂಡ ಬಂದಿದೆ. ಅತ್ಯುತ್ತಮ ಫೀಚರ್ ಫಿಲ್ಮಂ ಕ್ಯಾಟಗರಿಯಲ್ಲಿ ಪ್ರಶಸ್ತಿ ಕೂಡ ಬಂದಿದೆ.

ಚಿನ್ನಾರಿ ಮುತ್ತ ಸಿನಿಮಾಕ್ಕೆ ನಾಲ್ಕು ರಾಜ್ಯ ಪ್ರಶಸ್ತಿಗಳು ಬಂದಿವೆ. ಅತ್ಯುತ್ತಮ ಮಕ್ಕಳ ಸಿನಿಮಾ, ಅತ್ಯುತ್ತಮ ಬಾಲ ನಟ, ಅತ್ಯುತ್ತಮ ಸಂಗೀತ ಮತ್ತು ಅತ್ಯುತ್ತಮ ಗಾಯನ ಕ್ಯಾಟೆಗರಿಯಲ್ಲಿ ಈ ಚಿತ್ರಕ್ಕೆ ಪ್ರಶಸ್ತಿ ಬಂದಿವೆ.

ಚಿನ್ನಾರಿ ಮುತ್ತ ಸಿನಿಮಾ ಬಂದು ಇದೀಗ 30 ವರ್ಷಗಳು ಕಳೆದಿವೆ.1993 ರಲ್ಲಿ ಚಿನ್ನಾರಿ ಮುತ್ತ ರಿಲೀಸ್ ಆಗಿತ್ತು. ಆ ಲೆಕ್ಕದಲ್ಲಿ ಈಗ ಈ ಸಿನಿಮಾ 30 ವರ್ಷ ಪೂರ್ಣಗೊಳಿಸಿದೆ.

ಚಿನ್ನಾರಿ ಮುತ್ತ 30 ವರ್ಷ ಪೂರ್ಣಗೊಳಿಸಿರೋ ಹಿನ್ನೆಲೆಯಲ್ಲಿ ಗಿಚ್ಚಿ ಗಿಲಿಗಿಲಿ-2 ಸೆಟ್‌ನಲ್ಲಿ ಈ ಚಿತ್ರದ ಸೆಲೆಬ್ರೇಷನ್ ಮಾಡಲಾಗಿದೆ.

ಗಿಚ್ಚಿ ಗಿಲಿಗಿಲಿ-2 ಕಾರ್ಯಕ್ರಮಕ್ಕೆ ವಿಜಯ್ ರಾಘವೇಂದ್ರ ಆಗಮಿಸಿದ್ದರು. ಈ ವೇಳೆನೆ ಚಿನ್ನಾರಿ ಮುತ್ತ ಸಿನಿಮಾದ 30 ವರ್ಷ ಸೆಲೆಬ್ರೇಷನ್ ಕೇಕ್ ಕಟ್ ಮಾಡೋ ಮೂಲಕ ನಟಿ ಶೃತಿ, ನಟ ಸಾಧು ಕೋಕಿಲ ಹಾಗೂ ವಿಜಯ್ ರಾಘವೇಂದ್ರ ಸೆಲೆಬ್ರೇಟ್ ಮಾಡಿದರು.