Kannada Actor Sunil Rao: ವೀರ ಸಾವರ್ಕರ್ ಜೀವನ ಚರಿತ್ರೆ ಮೇಲೆ ಕನ್ನಡ ಸಿನಿಮಾ; ಸುನಿಲ್ ರಾವ್ ಸಾವರ್ಕರ್ ಲುಕ್ ಔಟ್

ಕನ್ನಡ ಚಿತ್ರರಂಗದಲ್ಲಿ ವೀರ ಸಾವರ್ಕರ್ ಜೀವನ ಚರಿತ್ರೆ ಮೇಲೆ ಸಿನಿಮಾ ಆಗುತ್ತಿದೆ. ಪಲ್ಲಕ್ಕಿ ರಾಧಾಕೃಷ್ಣ ನಿರ್ದೇಶನದ ಈ ಚಿತ್ರದಲ್ಲಿ ವೀರ ಸಾವರ್ಕರ್ ಪಾತ್ರವನ್ನ ಕನ್ನಡದ ಯುವ ನಟ ಸುನಿಲ್ ರಾವ್ ನಿರ್ವಹಿಸುತ್ತಿದ್ದಾರೆ. ಆ ರೋಲ್‌ನ ಒಂದಷ್ಟು ಫೋಟೋಗಳು ಈಗ ರಿವೀಲ್ ಆಗಿವೆ.

ವೀರ ಸಾವರ್ಕರ್‌ ಜೀವನ ಚರಿತ್ರೆ ಮೇಲೆ ಬಾಲಿವುಡ್‌ನಲ್ಲಿ ಈಗಾಗಲೇ ಸಿನಿಮಾ ತಯಾರಾಗುತ್ತಿದೆ. ಆದರೆ ಆ ಚಿತ್ರಕ್ಕೂ ಈ ಚಿತ್ರಕ್ಕೂ ಏನೂ ಸಂಬಂಧವಿಲ್ಲ ಬಿಡಿ. ಕನ್ನಡದ ಟೀಮ್ ಈ ಒಂದು ಸಿನಿಮಾ ಮಾಡೋಕೆ ಮುಂದಾಗಿದೆ.

ವೀರ ಸಾವರ್ಕರ್ ಜೀವನದಲ್ಲಿ ಆದ ಪ್ರತಿಯೊಂದು ವಿಷಯವನ್ನ ಡೈರೆಕ್ಟರ್ ರಾಧಾಕೃಷ್ಣ ಪಲ್ಲಕ್ಕಿ ಈ ಚಿತ್ರದಲ್ಲಿ ತರುವ ಪ್ಲಾನ್ ಮಾಡಿದ್ದಾರೆ. ಚಿತ್ರಕ್ಕೆ ವೀರ ಸಾವರ್ಕರ್ ಅಂತ ಹೆಸರನ್ನ ಇಟ್ಟಿದ್ದಾರೆ. ಈ ಮೂಲಕ ಕನ್ನಡದ ಬೆಳ್ಳಿ ತೆರೆ ಮೇಲೆ ವೀರ ಸಾವರ್ಕರ್ ಕಥೆ ಬರಲಿದೆ.

ವೀರ ಸಾವರ್ಕರ್ ಬಗ್ಗೆ ಅಧ್ಯಯನ ಮಾಡಿರೋ ಡೈರೆಕ್ಟರ್ ರಾಧಾಕೃಷ್ಣ ಪಲ್ಲಕ್ಕಿ ಚಿತ್ರವನ್ನ ಕಥೆ-ಚಿತ್ರಕಥೆ ಜೊತೆಗೆ ನಿರ್ದೇಶನವನ್ನ ಮಾಡುತ್ತಿದ್ದಾರೆ. ಈ ಮೂಲಕ ಕನ್ನಡದ ನಟ ಎಕ್ಸ್‌ಕ್ಯೂಸ್‌ ಮಿ ಸುನಿಲ್ ರಾವ್ ಹೊಸ ರೀತಿಯ ಸಿನಿ ಜರ್ನಿ ಆರಂಭಿಸಿದ್ದಾರೆ.

ಸುನಿಲ್ ರಾವ್ ಕಮರ್ಷಿಯಲ್ ಸಿನಿಮಾಗಳ ಮೂಲಕ ಕನ್ನಡಿಗರಿಗೆ ಪರಿಚಯ ಆಗಿದ್ದಾರೆ. ಜೋಗಿ ಪ್ರೇಮ್ ನಿರ್ದೇಶನದ ಎಕ್ಸ್‌ಕ್ಯೂಸ್‌ ಮಿ ಚಿತ್ರದಲ್ಲಿ ಸುನಿಲ್ ರಾವ್ ಅತ್ಯದ್ಭುತ ರೋಲ್‌ನ್ನ ನಿರ್ವಹಿಸಿದ್ದರು. ಆ ಒಂದು ಪಾತ್ರದಿಂದಲೇ ಈಗಲೂ ಕನ್ನಡಿಗರ ಮನದಲ್ಲಿ ಉಳಿದಿದ್ದಾರೆ.

ವೀರ ಸಾವರ್ಕರ್ ಸಿನಿಮಾಕ್ಕಾಗಿಯೇ ಸುನಿಲ್ ರಾವ್ ಸಾಕಷ್ಟು ತಯಾರಿ ಮಾಡಿಕೊಂಡಿದ್ದಾರೆ. ತಮ್ಮ ಲುಕ್‌ನ್ನ ಕೂಡ ಬದಲಿಸಿಕೊಂಡಿದ್ದಾರೆ. ಆ ಒಂದು ವಿಶೇಷ ತಯಾರಿಯೊಂದಿಗೆ ವೀರ ಸಾವರ್ಕರ್ ಪಾತ್ರಕ್ಕೆ ಜೀವ ತುಂಬಲು ಸಜ್ಜಾಗಿದ್ದಾರೆ.

ವೀರ ಸಾವರ್ಕರ್ ರೀತಿನೇ ಕನ್ನಡಕ, ಧೋತಿ, ಕೋಟ್, ಟೋಪಿ ಧರಿಸಿಕೊಂಡು ಥೇಟ್ ಸಾವರ್ಕರ್ ರೀತಿನೇ ಕಾಣಿಸುತ್ತಿದ್ದಾರೆ. ಇವರ ಈ ಪೋಟೋಗಳು ಈಗ ಸೋಷಿಯಲ್ ಮೀಡಿಯಾದಲ್ಲೂ ವೈರಲ್ ಆಗುತ್ತಿವೆ.