ಹಿರಿಯ ನಟ ಶಿವರಾಮ್​ಗೆ ಸಾವಿನ ಮುನ್ಸೂಚನೆ ಶಬರಿಮಲೆಯಲ್ಲೇ ಸಿಕ್ಕಿತ್ತಾ? ಅರ್ಧಕ್ಕೆ ಯಾತ್ರೆ ಕೈಬಿಟ್ಟು ಬಂದಿದ್ದೇ ತಪ್ಪಾಯ್ತಾ?

ಚಿತ್ರರಂಗದಲ್ಲಿ ಯಾವುದೇ ಆಧ್ಯಾತ್ಮಿಕ ಕಾರ್ಯಕ್ರಮವಿರಲಿ ಅಲ್ಲಿ ನಟ ಶಿವರಾಮ್​ ಅವರು ಹಾಜರಾಗುತ್ತಿದ್ದರು. ಶಿವರಾಮ್​ (Kannada veteran Actro Shivarm) ಅವರ ಹೆಚ್ಚು ದೈವ ಭಕ್ತರಾಗಿದ್ದರು. ಅದರಲ್ಲೂ ಅಯ್ಯಪ್ಪನ ದರ್ಶನಕ್ಕಾಗಿ ಪ್ರತಿಬಾರಿ ಅವರು ಶಬರಿ ಮಲೆ (Sabrimala) ಯಾತ್ರೆ ನಡೆಸುತ್ತಿದ್ದರು.

ಅಯ್ಯಪ್ಪನ ದರ್ಶನ ಮಾಡುವುದು, ಗುರು ಸ್ವಾಮಿಗಳಾಗುವುದು ಎಂದರೆ ಸಣ್ಣ ಮಾತಲ್ಲ. ಇದಕ್ಕೆ ಕಠಿಣ ತಪಸ್ಸು ಅಗತ್ಯ. ದೈಹಿಕ ಮತ್ತು ಮಾನಸಿಕವಾಗಿ ಅವರು ಪರಿಶುದ್ಧರಾಗಿರಬೇಕಾಗುತ್ತಾದೆ. ಕಠಿಣ ವ್ರತ ಪಾಲನೆ ಮಾಡಬೇಕು. ಈ ರೀತಿ 18 ಬಾರಿ ಶಬರಿ ಮಾಲೆಯ ಕಠಿಣ ವ್ರತ ಕೈಗೊಂಡು ದರ್ಶನ ಮಾಡಿ ಬಂದವರು ಮಾತ್ರ ಈ ಗುರು ಸ್ವಾಮಿ ಆಗಲು ಸಾಧ್ಯ.

48 ಬಾರಿ ಅವರು ಮಾಲೆ ಧರಿಸಿ ಅಯ್ಯಪ್ಪನ ದರ್ಶನ ಮಾಡಿದ್ದಾರೆ. ವಿಶೇಷ ಎಂದರೆ ರಾಜ್​ ಕುಮಾರ್ ಕುಟುಂಬದ ಗುರುಸ್ವಾಮಿಗಳಾಗಿದ್ದರು ನಟ ಶಿವರಾಮ್​. ಶಿವರಾಂ ಅವರ ಮಾರ್ಗದರ್ಶನದಲ್ಲಿ ನಟ ಶಿವರಾಜ್​​ ಕುಮಾರ್​, ರಾಘವೇಂದ್ರ ರಾಜ್​​ ಕುಮಾರ್, ಪುನೀತ್​ ರಾಜ್​ ಕುಮಾರ್​​ ಸೇರಿದಂತೆ ಅನೇಕ ನಟರು ಶಬರಿ ಮಾಲೆ ಯಾತ್ರೆಯನ್ನು ಮಾಡಿದ್ದಾರೆ.

ಈ ಬಾರಿಯೂ ಮಾಲೆ ತೊಟ್ಟು ಅಯ್ಯಪ್ಪನ ದರ್ಶನಕ್ಕೆ ಹಿರಿಯ ನಟ ಶಿವರಾಂ ತೆರಳಿದ್ದರು. ಆದರೆ ಯಾತ್ರೆಯನ್ನು ಅರ್ಧಕ್ಕೆ ಕೈ ಬಿಟ್ಟು ಬರುವಂತಾಗಿತ್ತು. ಇದೀಗ ಹಿರಿಯ ನಟ ಶಿವಾರಮ್​ಗೆ ಸಾವಿನ ಮುನ್ಸೂಚನೆ ಶಬರಿಮಲೆಯಲ್ಲೇ ಸಿಕ್ಕಿತ್ತಾ? ಎಂಬ ಪ್ರಶ್ನೆ ಮೂಡಿದೆ.

ಇದೇ ವರ್ಷ ಅಕ್ಟೋಬರ್​ 16ರಂದು ಶಿವರಾಮ್​ ಅವರು ಶಬರಿಮಲೆ ಯಾತ್ರೆ ಕೈಗೊಂಡಿದ್ದರು. ಆದರೆ ಕೇರಳದಲ್ಲಿ ಆ ಸಮಯದಲ್ಲಿ ರಣ ಮಳೆ ಅಬ್ಬರ ಜೋರಾಗಿತ್ತು. ಬೆಟ್ಟಗಳೆಲ್ಲ ಕುಸಿದಿತ್ತು. ಹೀಗಾಗಿ ಶಿವರಾಂ ಅವರಿಗೆ ಈ ಬಾರಿ ಅಯ್ಯಪ್ಪನ ದರ್ಶನ ಮಾಡಲು ಸಾಧ್ಯವಾಗಿರಲಿಲ್ಲ.

ಅಯ್ಯಪ್ಪನ ದರ್ಶಮ ಮಾಡದೇ ವಾಪಸ್​ ಮನೆಗೆ ಬರಲು ಶಿವರಾಂ ಅವರ ಮನಸ್ಸು ಒಪ್ಪಲಿಲ್ವಂತೆ. ಹೀಗಾಗಿ ಕೇರಳದ ವೆಂಡಿಪೆರಿಯಾರ್ ಸ್ಥಳಕ್ಕೆ ತೆರಳಿ ಪೂಜೆ ಸಲ್ಲಿಸಿ ವಾಪಸ್ ಆಗಿದ್ರು.

ಇದಾದ ಒಂದು ತಿಂಗಳ ಅಂತರದಲ್ಲಿ ಶಿವರಾಮ್​ ಅವರು ಇಹಲೋಕ ತ್ಯಜಿಸಿದ್ದಾರೆ. ಅಂದು ಅವರಿಗೆ ಆ ಅಯ್ಯಪ್ಪ ಸ್ವಾಮಿಯೇ ಮುನ್ಸೂಚನೆ ಕೊಟ್ಟಿದ್ರಾ ಎಂಬ ಪ್ರಶ್ನೆಗಳು ಸದ್ಯ ಮೂಡ್ತಿದೆ.