Shiva Rajkumar Daughter: ಚಿತ್ರ ನಿರ್ಮಾಣಕ್ಕಿಳಿದ ಶಿವಣ್ಣನ ಮಗಳು ನಿವೇದಿತಾ, ಯಾವ ಸಿನಿಮಾ?

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಎರಡನೇ ಪುತ್ರಿ ನಿವೇದಿತಾ ಶಿವರಾಜ್ ಕುಮಾರ್ ಹೊಸ ಹೆಜ್ಜೆವೊಂದನ್ನ ಇಟ್ಟಿದ್ದಾರೆ. ಇಲ್ಲಿವರೆಗೂ ಕೇವಲ ಪುಟ್ಟ ಚಿತ್ರಗಳನ್ನ ವೆಬ್ ಸಿರೀಸ್‌ಗಳನ್ನ ನಿರ್ಮಿಸುತ್ತಿದ್ದ ನಿವೇದಿತಾ ಮತ್ತೊಂದು ಹೆಜ್ಜೆ ಮುಂದಿಟ್ಟಿದ್ದಾರೆ.

ಶ್ರೀಮುತ್ತು ಸಿನಿ ಸರ್ವಿಸ್ ಮೂಲಕ ಈಗಾಗಲೇ ನಿವೇದಿತಾ ವೆಬ್ ಸಿರೀಸ್ ನಿರ್ಮಿಸಿದ್ದಾರೆ. ಆದರೆ ಇಲ್ಲಿವರೆಗೂ ಯಾವುದೇ ಬಿಗ್ ಸಿನಿಮಾ ನಿರ್ಮಾಣಕ್ಕೆ ಮುಂದಾಗಿರಲಿಲ್ಲ. ಇದೀಗ ಆ ಒಂದು ಸಾಹಸಕ್ಕೂ ನಿವೇದಿತಾ ಕೈ ಹಾಕಿದ್ದಾರೆ.

ಶ್ರೀಮುತ್ತು ಸಿನಿ ಸರ್ವಿಸ್ ಮೂಲಕ ಹೊಸದೊಂದು ಕಥೆಗೆ ಚಿತ್ರ ರೂಪ ಕೊಡಲು ನಿವೇದಿತಾ ಅವರಿಗೆ ಒಳ್ಳೆ ಟೀಮ್ ಸಾಥ್ ಕೊಟ್ಟಿದೆ. ಹಾಗಾಗಿಯೇ ನಿವೇದಿತಾ ಈ ಒಂದು ಸಾಹಸಕ್ಕೆ ಇದೀಗ ಕೈಹಾಕಿದ್ದಾರೆ.

ನಿವೇದಿತಾ ಶಿವರಾಜ್ ಕುಮಾರ್ ಅವರ ಈ ಚಿತ್ರದಲ್ಲಿ ನವ ನಟ-ನಿರ್ದೇಶಕ ವಂಶಿ ಕೆಲಸ ಮಾಡುತ್ತಿದ್ದಾರೆ. ಈ ಹಿಂದೆ ಪಿ.ಆರ್.ಕೆ. ಸಂಸ್ಥೆಯ ಮಾಯಾಬಜಾರ್ ಸಿನಿಮಾದಲ್ಲಿ ವಂಶಿ ಅಸಿಸ್ಟಂಟ್ ಡೈರೆಕ್ಟರ್ ಆಗಿ ಕೆಲಸ ಮಾಡಿದ್ದಾರೆ.

ನಿವೇದಿತಾ ನಿರ್ಮಾಣದ ಈ ಸಂಸ್ಥೆ ಮೂಲಕವೇ ವಂಶಿ ಡೈರೆಕ್ಟರ್ ಆಗಿಯೇ ಬಡ್ತಿ ಪಡೆದಿದ್ದಾರೆ. ಇದರ ಜೊತೆಗೆ ಚಿತ್ರದ ನಾಯಕ ಕೂಡ ಆಗುತ್ತಿದ್ದಾರೆ. ಎರಡು ಕೆಲಸವನ್ನ ಒಟ್ಟಿಗೆ ಮಾಡ್ತಿರೋ ಈ ಚಿತ್ರದ ಹಿಂದೆ ಅದ್ಭುತ ಟೀಮ್ ವರ್ಕ್ ಮಾಡಲು ಸಜ್ಜಾಗಿದೆ.

ಶ್ರೀಮುತ್ತು ಸಿನಿ ಸರ್ವಿಸ್ ಮೂಲಕ ಬರ್ತಿರೋ ಈ ಚಿತ್ರದಲ್ಲಿ ಒಳ್ಳೆ ಕಥೆ ಇದೆ. ಜೀವನದ ಕಥೆಯನ್ನೆ ಹೊಂದಿರೋ ಈ ಚಿತ್ರಕ್ಕೆ ಬಾನದಾರಿಯಲ್ಲಿ ಕ್ಯಾಮೆರಾಮನ್ ಅಭಿಲಾಷ್‌ ಕಲ್ಲಟ್ಟಿ ಕ್ಯಾಮೆರಾವರ್ಕ್ ಮಾಡುತ್ತಿದ್ದಾರೆ.

ಚರಣ್ ರಾಜ್ ಈ ಚಿತ್ರಕ್ಕೆ ಸಂಗೀತ ಮಾಡುತ್ತಿದ್ದಾರೆ. ರಘೂ ನಿಡುವಳ್ಳಿ ಸಂಭಾಷಣೆ ಬರೆದಿದ್ದಾರೆ. ಜಯ್ ರಾಮ್ ಕೋ ಡೈರೆಕ್ಟರ್ ಆಗಿಯೇ ಕೆಲಸ ಮಾಡುತ್ತಿದ್ದಾರೆ. ಶಿವರಾಜ್ ಕುಮಾರ್ ಹಾಗೂ ಗೀತಾ ಶಿವರಾಜ್‌ ಕುಮಾರ್ ಈ ಚಿತ್ರವನ್ನ ಪ್ರೆಸೆಂಟ್ ಮಾಡುತ್ತಿದ್ದಾರೆ. ಸದ್ಯಕ್ಕೆ ಇಷ್ಟೇನೆ, ಇನ್ನುಳಿದ ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ.