Sharan Birthday: ಹಾಸ್ಯ ನಾಯಕ ನಟ ಶರಣ್ ಅವರ ಏಜ್ ಎಷ್ಟು? ಬರ್ತ್​ ಡೇ ಸಂಭ್ರಮದಲ್ಲಿ ಪಿಟಿ ಮಾಸ್ಟರ್!

ಕನ್ನಡದ ಹಾಸ್ಯ ನಾಯಕ ನಟ ಶರಣ್ ಇಂದು ಜನ್ಮ ದಿನದ ಸಂಭ್ರಮದಲ್ಲಿದ್ದಾರೆ. ಇವರ ಹುಟ್ಟುಹಬ್ಬಕ್ಕೆ ಫ್ಯಾನ್ಸ್ ಮನಸಾರೆ ಶುಭ ಹಾರೈಸಿದ್ದಾರೆ.

ಗುರು ಶಿಷ್ಯರು ಚಿತ್ರದ ಪಿಟಿ ಮಾಸ್ಟರ್ ಮನೋಹರ್ ಚಿತ್ರ ನಿರ್ಮಾಣಕ್ಕೂ ಕೈಹಾಕಿ ಗೆದ್ದಿದ್ದಾರೆ. ಇದೇ ಚಿತ್ರದ ಮೂಲಕ ಮಗ ಹೃದಯನನ್ನು ಇಂಡಸ್ಟ್ರೀಗೂ ಪರಿಚಯಿಸಿದ್ದಾರೆ.

ಹಾಸ್ಯ ನಾಯಕ ನಟ ಶರಣ್ ತಮ್ಮ ಚಿತ್ರ ಜೀವನದಲ್ಲಿ 100ನೇ ಚಿತ್ರಕ್ಕೆ ನಾಯಕರಾಗಿ ಮಿಂಚಿದ್ದಾರೆ. ಕನ್ನಡದ ಮಟ್ಟಿಗೆ ಇದು ಅತಿ ದೊಡ್ಡ ವಿಶೇಷ ಆಗಿದೆ.

ನಾಯಕ ನಟ ಶರಣ್ ಚಿತ್ರ ಜೀವನದಲ್ಲಿ Rambo, ಅಧ್ಯಕ್ಷ, ವಿಕ್ಟರಿ ಸಿನಿಮಾಗಳು ಪ್ರಮುಖವಾಗಿವೆ. ಈ ಚಿತ್ರದ ಬಳಿಕ ಶರಣ್ ಹೊಸ ಹೊಸ ರೀತಿಯ ಚಿತ್ರಗಳನ್ನ ಒಪ್ಪಿಕೊಳ್ಳುತ್ತಲೇ ಬಂದಿದ್ದಾರೆ.

ಗುರು-ಶಿಷ್ಯರು ಚಿತ್ರದ ಮೂಲಕ ಪಿಟಿ ಮಾಸ್ಟರ್ ಆಗಿ ಶರಣ್ ಎಲ್ಲರ ಹೃದಯ ಕದ್ದು ಹಾಸ್ಯದ ಕಚಗುಳಿ ಇಟ್ಟು ಗೆದ್ದೇ ಬಿಟ್ಟರು ನೋಡಿ.

ಶರಣ್ ಚಿತ್ರ ಜೀವನದಲ್ಲಿ ಸಣ್ಣ-ಪುಟ್ಟ ಹಾಸ್ಯ ಪಾತ್ರದ ಮೂಲಕ ಇಂಡಸ್ಟ್ರೀಗೆ ಕಾಲಿಟ್ಟರು. ಹಾಗೆ ಮೊದಲು ಅಭಿನಯಿಸಿದ್ದ ಚಿತ್ರ, ಕರ್ಪೂರದ ಗೊಂಬೆ ಚಿತ್ರ ಆಗಿದೆ.

ರಮೇಶ್ ಅರವಿಂದ್ ಮತ್ತು ಶೃತಿ ಅಭಿನಯದ ಕರ್ಪೂರದ ಗೊಂಬೆ 1996 ರಲ್ಲಿ ರಿಲೀಸ್ ಆಗಿತ್ತು. ಅಲ್ಲಿಂದ ಇಲ್ಲಿವರೆಗೂ ಶರಣ್ ಸಿನಿಮಾರಂಗದಲ್ಲಿ ಆ್ಯಕ್ಟೀವ್ ಆಗಿ ಇದ್ದಾರೆ.

ಹಾಸ್ಯ ನಾಯಕ ನಟ ಶರಣ್ ಯಶಸ್ವಿಯಾಗಿ ಮುನ್ನುಗುತ್ತಿದ್ದಾರೆ. ಹಾರರ್ ಮತ್ತು ಹಾಸ್ಯ ಎರಡೂ ಇರೋ ಛೂ ಮಂತರ್​ದಂತಹ ಚಿತ್ರದಲ್ಲಿ ಅಭಿನಯಿಸಿ ತಮ್ಮ ಅಭಿಮಾನಿಗಳಿಗೆ ಹೊಸ ರೀತಿಯ ಅನುಭವ ಕೊಡಲು ಬರ್ತಿದ್ದಾರೆ.