Actor Sharan New Movie: ಹಾಸ್ಯ ನಾಯಕ ನಟ ಶರಣ್ ಫಸ್ಟ್ ಹಾರರ್ ಸಿನಿಮಾ

ಕನ್ನಡ ಹಾಸ್ಯ ನಾಯಕ ನಟ ಶರಣ್ ಮೊಟ್ಟ ಮೊದಲ ಬಾರಿಗೆ ಹಾರರ್ ಕಾಮಿಡಿ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಛೂ ಮಂತರ್ ಶೀರ್ಷಿಕೆಯ ಈ ಚಿತ್ರದ ಪ್ರಚಾರ ಕಾರ್ಯ ಈಗ ಶುರು ಆಗಿದೆ.

ಛೂ ಮಂತರ್ ಸಿನಿಮಾದಲ್ಲಿ ಅಧ್ಯಕ್ಷ ಶರಣ್ ಜೊತೆಗೆ ಉಪಾಧ್ಯಕ್ಷ ಚಿಕ್ಕಣ್ಣ ಇರೋದು ತುಂಬಾ ವಿಶೇಷವೇ ಆಗಿದೆ. ಹಾರರ್ ಕಂಟೆಂಟ್ ಜೊತೆಗೆ ಹಾಸ್ಯದ ಡಬಲ್ ಡೋಜ್ ಕೂಡ ಸಿಗುತ್ತದೆ.

ಛೂ ಮಂತರ್ ಚಿತ್ರದಲ್ಲಿ ಇಬ್ಬರು ಹೀರೋಯಿನ್​ಗಳಿರೋದು ಚಿತ್ರದ ಮತ್ತೊಂದು ವಿಶೇಷ. ಈ ಎರಡು ಪಾತ್ರಗಳಲ್ಲಿ ಅದಿತಿ ಪ್ರಭುದೇವ ಮತ್ತು ಮೇಘನಾ ಗಾಂವ್ಕರ್ ಅಭಿನಯಿಸಿದ್ದಾರೆ.

ಕನ್ನಡದ ಕರ್ವ ಸಿನಿಮಾ ನಿರ್ದೇಶಕ ನವನೀತ್ ಈ ಚಿತ್ರಕ್ಕೆ ಕಥೆ ಬರೆದಿದ್ದಾರೆ. ಚಿತ್ರಕಥೆಯನ್ನೂ ಬರೆದು ಸಿನಿಮಾವನ್ನ ಡೈರೆಕ್ಷನ್ ಕೂಡ ಮಾಡಿದ್ದಾರೆ.

ಛೂ ಮಂತರ್ ಸಿನಿಮಾವನ್ನ ತರುಣ್ ಶಿವಪ್ಪ ನಿರ್ಮಾಣ ಮಾಡುತ್ತಿದ್ದಾರೆ. ತರುಣ್ ಸುಧೀರ್ ಸ್ಟುಡಿಯೋಸ್ ಮೂಲಕ ಈ ಸಿನಿಮಾವನ್ನ ನಿರ್ಮಾಣ ಮಾಡಿದ್ದಾರೆ.

ಅನೂಪ್ ಕಟ್ಟೂಕರನ್ ಚಿತ್ರಕ್ಕೆ ಕ್ಯಾಮರಾವರ್ಕ್ ಮಾಡಿದ್ದಾರೆ. ರವಿ ವರ್ಮ ಸಾಹಸ ಚಿತ್ರಕ್ಕಿದೆ. ಮೋಹನ್ ಬಿ.ಕೆರೆ ಕಲಾ ನಿರ್ದೇಶನದ ಈ ಚಿತ್ರ ರಿಲೀಸ್​ಗೂ ರೆಡಿ ಆಗುತ್ತಿದೆ.