Rocking Star Yash: KGF-3 ಚಿತ್ರಕ್ಕೆ ಪ್ರಕಾಶ್ ರೈ ಅಲ್ವಾ? ಕಿಚ್ಚ ಸುದೀಪ್ ನಿರೂಪಣೆ ಮಾಡ್ತಾರಾ?

ಕನ್ನಡದ ಹೆಮ್ಮೆಯ ಚಿತ್ರ ಕೆಜಿಎಫ್-3 ಚಿತ್ರದ ಬಗ್ಗೆ ಚರ್ಚೆ ಇದ್ದೇ ಇದೆ. ಈ ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಸದ್ಯಕ್ಕೆ ಎರಡು ವರ್ಷ ಫ್ರೀ ಇಲ್ವೇ ಇಲ್ಲ. ಆದರೂ ಕೆಜಿಎಫ್-3 ಚಿತ್ರದ ಸುತ್ತ ದಿನವೂ ಒಂದಿಲ್ಲ ಒಂದು ಸುದ್ದಿ ಹರಿದಾಡುತ್ತವೆ.

ಕೆಜಿಎಫ್-3 ಚಿತ್ರದ ಸದ್ಯ ವೈರಲ್ ನ್ಯೂಸ್ ತುಂಬಾ ಇಂಟ್ರಸ್ಟಿಂಗ್ ಆಗಿದೆ. ಕೆಜಿಎಫ್‌-1 ಚಿತ್ರಕ್ಕೆ ಅನಂತ್‌ ನಾಗ್‌ ಕಂಠಸಿರಿಯ ವೈಭವ ಇತ್ತು. ಅವರೇ ರಾಕಿ ಭಾಯ್ ಕಥೆ ಹೇಳಿದ್ದರು. ಕೆಜಿಎಫ್-2 ಸಿನಿಮಾದಲ್ಲಿ ಪ್ರಕಾಶ್ ರೈ ಕಂಠ ಜೀವ ಪಡೆಯಿತು. ಪ್ರಕಾಶ್ ರೈ ಇಲ್ಲಿ ರಾಕಿ ಕಥೆ ಹೇಳಿದ್ದರು.

ಕಬ್ಜ ಚಿತ್ರದ ಟ್ರೈಲರ್‌ ರಿಲೀಸ್ ಆಗಿದ್ದು, ಜನರ ಗಮನ ಸೆಳೆಯುತ್ತಿದೆ. ಇದರ ಬೆನ್ನಲ್ಲಿಯೇ ಈ ಟ್ರೈಲರ್‌ನಲ್ಲಿ ಸುದೀಪ್ ನಿರೂಪಣೆ ಕೇಳಿದ ಅನೇಕರು ವ್ಹಾವ್ ಅಂತಲೂ ಹೇಳಿಕೊಂಡಿದ್ದಾರೆ. ಇದರ ಜೊತೆಗೆ ಸುದೀಪ್ ನಿರೂಪಣೆ ಇಡೀ ಟ್ರೈಲರ್‌ ಗತ್ತನ್ನ ಬದಲಿಸಿದೆ.

ಕಬ್ಜ ಚಿತ್ರದಲ್ಲಿ ಕಿಚ್ಚ ಸುದೀಪ್ ನಿರೂಪಣೆ ಇದೆ ಅನ್ನುವ ಕಲ್ಪನೆ ಕೂಡ ಯಾರಿಗೂ ಇರಲಿಲ್ಲ. ಈ ಕುರಿತು ಎಲ್ಲೂ ಸುದ್ದಿ ಕೂಡ ಆಗರಲಿಲ್ಲ. ಆದರೆ ಕಬ್ಜ ಕನ್ನಡ ಟ್ರೈಲರ್‌ನಲ್ಲಿ ಕಿಚ್ಚನ ಧ್ವನಿ ಕೇಳಿದ ಮಂದಿ ಥ್ರಿಲ್ ಕೂಡ ಆಗಿದ್ದಾರೆ.

ಕಿಚ್ಚ ಸುದೀಪ್ ವಾಯ್ಸ್ ಕೇಳಿದ ಅನೇಕರು ಈಗೊಂದು ಸಲಹೆ ಕೊಡುತ್ತಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಇದುವೇ ಈಗ ಹೆಚ್ಚು ಗಮನ ಸೆಳೆಯುತ್ತಿದೆ. ಇದನ್ನ ಕೇಳಿದ್ರೆ ಹೌದಲ್ವಾ? ಅಂತಲೇ ಅನಿಸುತ್ತಿದೆ.

ಕೆಜಿಎಫ್-3 ಚಿತ್ರಕ್ಕೆ ಪ್ರಕಾಶ್ ರೈ ಬದಲು ಕಿಚ್ಚ ಸುದೀಪ್ ಅವರ ಬರಲಿ ಅಂತಲೇ ಹೇಳ್ತಿದ್ದಾರೆ. ಅವರ ಧ್ವನಿಯಲ್ಲಿಯೇ ರಾಕಿ ಭಾಯ್ ಕಥೆ ಮುಂದುವರೆಯಲಿ ಎಂದು ಸಲಹೆಯನ್ನ ಕಿಚ್ಚನ ಅನೇಕ ಅಭಿಮಾನಗಳು ಕೊಡುತ್ತಿದ್ದಾರೆ.

ಕೆಜಿಎಫ್‌-3 ಸಿನಿಮಾದಲ್ಲಿ ಪ್ರಕಾಶ್ ರೈ ಜಾಗಕ್ಕೆ ಕಿಚ್ಚ ಸುದೀಪ್ ಅವರನ್ನ ಆಯ್ಕೆ ಮಾಡಿಕೊಂಡು ಬಿಡಿ. ಅವರ ಧ್ವನಿಯಲ್ಲಿಯೇ ಇಡೀ ಕೆಜಿಎಫ್‌-3 ಸಿನಿಮಾದ ಕಥೆ ಸಾಗಲಿ ಎಂದು ಡೈರೆಕ್ಟರ್ ಪ್ರಶಾಂತ್ ನೀಲ್ ಅವರಿಗೆ ಸಲಹೆ ಕೂಡ ಕೊಡಲಾಗಿದೆ. ಕಿಚ್ಚನ ಅಭಿಮಾನಿಗಳೂ ಈ ಒಂದು ಸಲಹೆ ಕೊಡೋ ಮೂಲಕ ತಮ್ಮ ಅಭಿಮಾನವನ್ನೂ ಈ ರೀತಿ ಹೇಳಿಕೊಂಡಿದ್ದಾರೆ.