Actor Rishi: ರಾಮನವಮಿ ದಿನ ರಾಮನಾದ ಕವಲುದಾರಿ ಹೀರೋ ರಿಷಿ-ಇದು ರೀಲಾ? ರಿಯಲ್ಲಾ?

ಕವಲುದಾರಿ ಮತ್ತು ಅಲಮೇಲಮ್ಮ ಸಿನಿಮಾ ಮೂಲಕ ಜನರ ಹೃದಯ ಗೆದ್ದ ನಟ ರಿಷಿ ಈಗೊಂದು ಸಿನಿಮಾ ಮಾಡಿದ್ದಾರೆ. ಈ ಚಿತ್ರದಲ್ಲಿ ರಾಮನ ರೂಪದಲ್ಲಿ ರಿಷಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದ ಫಸ್ಟ್ ಲುಕ್‌ ಸ್ಪೆಷಲ್ ದಿನವೇ ರಿಲೀಸ್ ಆಗಿದೆ.

ಶ್ರೀ ರಾಮನವಮಿ ದಿನವೇ ರಿಷಿ ಅಭಿನಯದ ರಾಮನ ಅವತಾರ ಸಿನಿಮಾದ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಥೇಟ್ ರಾಮನ ರೀತಿಯಲ್ಲಿಯೇ ರಿಷಿ ಇಲ್ಲಿ ಕಾಣಿಸುತ್ತಿದ್ದು, ಸಿನಿ ಪ್ರೇಕ್ಷಕರಿಗೆ ಫಸ್ಟ್ ಲುಕ್ ಮೂಲಕ ಹೊಸದೊಂದು ಅನುಭವ ಕೊಟ್ಟಿದ್ದಾರೆ.

ರಾಮನ ಅವತಾರ ಸಿನಿಮಾದ ಹಿಂದೆ ಒಳ್ಳೆ ಟೀಮ್ ಇದೆ. ಸಿಂಪಲ್ ಸುನಿ ಜೊತೆಗೆ ಕೆಲಸ ಮಾಡಿದ್ದ ಯುವ ನಿರ್ದೇಶಕ ವಿಕಾಸ್ ಪಂಪಾಪತಿ ಈ ಚಿತ್ರವನ್ನ ಡೈರೆಕ್ಟರ್ ಮಾಡಿದ್ದಾರೆ. ಈ ಮೂಲಕ ಡೈರೆಕ್ಟರ್ ಕೂಡ ಆಗಿದ್ದಾರೆ.

ರಾಮನ ಅವತಾರ ಸಿನಿಮಾದಲ್ಲಿ ರೋಮ್ಯಾನ್ಸ್ ಇದೆ. ಕಾಮಿಡಿನೂ ಇದೆ. ಹೀಗಾಗಿಯೇ ರಾಮನ ಅವತಾರ ಸಿನಿಮಾವನ್ನ ಸಿನಿಮಾ ಟೀಮ್, ರೋಮ್ಯಾಂಟಿಕ್ ಕಾಮಿಡಿ ಜಾನರ್ ಸಿನಿಮಾ ಎಂದು ಹೇಳಿಕೊಂಡಿದೆ.

ರಿಷಿ ಅಭಿನಯದ ರಾಮನ ಅವತಾರ ಚಿತ್ರಕ್ಕೆ ಒಬ್ಬರಲ್ಲ ಇಬ್ಬರು ಕ್ಯಾಮೆರಾ ವರ್ಕ್ ಮಾಡಿದ್ದಾರೆ. ವಿಷ್ಣು ಪ್ರಸಾದ್ ಮತ್ತು ಸಮೀರ್ ದೇಶಪಾಂಡೆ ಈ ಚಿತ್ರಕ್ಕೆ ಕ್ಯಾಮೆರಾ ವರ್ಕ್ ಮಾಡಿದ್ದಾರೆ.

ರಾಮನ ಅವತಾರ ಚಿತ್ರದ ಚಿತ್ರೀಕರಣ ಉಡುಪಿ ಮತ್ತು ಬೆಂಗಳೂರು ಸುತ್ತ-ಮುತ್ತ ಶೂಟಿಂಗ್ ಮಾಡಲಾಗಿದೆ. ಈಗಾಗಲೇ ಸಿನಿಮಾದ ಶೂಟಿಂಗ್ ಪೂರ್ಣಗೊಂಡಿದೆ. ಚಿತ್ರದ ಗ್ರಾಫಿಕ್ಸ್ ಹಾಗೂ ಸಂಗೀತದ ಕೆಲಸ ಭರದಿಂದಲೇ ಸಾಗಿದೆ.

ರಾಮನ ಅವತಾರ ಸಿನಿಮಾದ ಬಹುತೇಕ ಕೆಲಸ ಪೂರ್ಣಗೊಂಡಿದೆ. ಇದೇ ವರ್ಷ ಜೂನ್ ತಿಂಗಳಲ್ಲಿ ಚಿತ್ರವನ್ನ ರಿಲೀಸ್ ಮಾಡೋ ಪ್ಲಾನ್‌ನ್ನ ಸಿನಿಮಾ ಟೀಮ್ ಹಾಕಿಕೊಂಡಿದೆ.