Diganth New Movie: ಕಾಂತಾರ ರಿಷಬ್ ಶೆಟ್ಟಿ ಸಿನಿಮಾದಲ್ಲಿ ದೂದ್ ಪೇಡ ದಿಗಂತ್, ಯಾವ ಸಿನಿಮಾ?

ದೂದ್ ಪೇಡ ದಿಗಂತ್ ಹೊಸ ಸಿನಿಮಾ ಒಪ್ಪಿದ್ದಾರೆ. ಈ ಚಿತ್ರದ ಮೂಲಕ ದಿಗಂತ್ ಕಾಂತಾರ ರಿಷಬ್ ಶೆಟ್ರ ಟೀಮ್ ಸೇರಿದ್ದಾರೆ ದೂದ್ ಪೇಡ ದಿಗಂತ್. ಈ ಚಿತ್ರದಲ್ಲಿ ಸ್ಪೆಷಲ್ ರೋಲ್ ಅನ್ನೇ ದಿಗಂತ್ ನಿರ್ವಹಿಸುತ್ತಿದ್ದಾರೆ.

ದಿಗಂತ್ ಅಭಿನಯದ ಈ ಚಿತ್ರಕ್ಕೆ ಲಾಫಿಂಗ್ ಬುದ್ಧ ಅನ್ನುವ ಶೀರ್ಷಿಕೆ ಇಡಲಾಗಿದೆ. ಚಿತ್ರೀಕರಣದ ಕೊನೆ ಹಂತದಲ್ಲಿರೋ ಈ ಚಿತ್ರದಲ್ಲಿ ಪ್ರಮೋದ್ ಶೆಟ್ಟಿ ಮತ್ತು ತೇಜು ಬೆಳವಾಡಿ ಅಭಿನಯಿಸಿದ್ದಾರೆ. ಈ ಚಿತ್ರದಲ್ಲಿ ಪ್ರಮೋದ್ ಶೆಟ್ಟಿ, ಪೊಲೀಸ್ ಕಾನ್ಸ್ಟೇಬಲ್ ಪಾತ್ರದಲ್ಲಿ ನಟಿಸಿದ್ದಾರೆ.

ಲಾಫಿಂಗ್ ಬುದ್ಧ ಚಿತ್ರದ ಡೈರೆಕ್ಟರ್ ಭರತ್ ರಾಜ್ ತಮ್ಮ ಈ ಚಿತ್ರದ ಚಿತ್ರೀಕರಣದ ಕೊನೆ ಹಂತಕ್ಕೆ ಬಂದಿದ್ದಾರೆ. ಈ ವೇಳೆ ದಿಗಂತ್ ಚಿತ್ರ ತಂಡವನ್ನ ಜಾಯಿನ್ ಆಗಿರೋ ಮಾಹಿತಿ ಹೊರ ಬಂದಿದೆ. ಚಿತ್ರದಲ್ಲಿ ದಿಗಂತ್ ಸ್ಪೆಷಲ್ ಆಗಿಯೇ ಬರ್ತಿದ್ದಾರೆ.

ಲಾಫಿಂಗ್ ಬುದ್ಧ ಸಿನಿಮಾದಲ್ಲಿ ನಿರೂರು ಅನ್ನುವ ಕಾಲ್ಪನಿಕ ಊರು ಕೂಡ ಇದೆ. ಇದೇ ಊರಲ್ಲಿಯೇ ಚಿತ್ರದ ಚಿತ್ರೀಕರಣ ಮಾಡಲಾಗಿದೆ. ಇನ್ನೂ ಕಾಂತಾರ ರಿಷಬ್ ಶೆಟ್ರು ಈ ಚಿತ್ರಕ್ಕೆ ಸಪೋರ್ಟ್ ಮಾಡ್ತಿದ್ದಾರೆ.

ಲಾಫಿಂಗ್ ಬುದ್ಧ ಸ್ಪೆಷಲ್ ಸಿನಿಮಾ ಅನಿಸುತ್ತಿದೆ. ಈ ಚಿತ್ರದಲ್ಲಿ ಪೊಲೀಸ್ ಕಾನ್ಸ್ಟೇಬಲ್ ರಜೆ ಕೇಳ್ತಾನೆ. ಸಿಗದೇ ಇದ್ದಾಗ ಏನೆಲ್ಲ ಆಗುತ್ತದೆ ಅನ್ನುವುದೇ ಕಥೆ ಆಗಿದೆ. ಆದರೆ ಇಲ್ಲಿ ದಿಗಂತ್ ಪಾತ್ರ ಹೇಗಿರುತ್ತದೆ ಅನ್ನುವ ಕುತೂಹಲ ಈಗಲೇ ಮೂಡಿದೆ.

ಲಾಫಿಂಗ್ ಬುದ್ಧ ಸಿನಿಮಾದಲ್ಲಿ ಮಲೆಯಾಳಂ ನಟ ವಿಷ್ಣು ವಿಜಯ್ ಅಭಿನಯಿಸಿದ್ದಾರೆ. ಈ ಮೂಲಕ ಕನ್ನಡಕ್ಕೆ ವಿಷ್ಣು ವಿಜಯ್ ಬರ್ತಿದ್ದಾರೆ.

ಕನ್ನಡದ ಲಾಫಿಂಗ್ ಬುದ್ಧ ಚಿತ್ರದಲ್ಲಿ ಕನ್ನಡದ ಹಿರಿಯ ನಟ ಸುಂದರಾಜ್ ಕೂಡ ಅಭಿನಯಿಸಿದ್ದಾರೆ. ಇನ್ನುಳಿದಂತೆ ನಟ ದಿಗಂತ್ ಈ ಚಿತ್ರವಲ್ಲದೇ ಜಡ್ಜಮೆಂಟ್ ಸಿನಿಮಾ ಕೂಡ ಒಪ್ಪಿಕೊಂಡಿದ್ದಾರೆ. ಆ ಚಿತ್ರದ ಶೂಟಿಂಗ್ ಈಗಾಗಲೇ ಶುರು ಆಗಿದೆ.