Dia Hero Dheekshith: ದಿಯಾ ಚಿತ್ರದ ದೀಕ್ಷಿತ್ ದಸರಾ ದರ್ಬಾರ್, ಹೇಗಿದೆ ನೋಡಿ

ದಿಯಾ ಚಿತ್ರದ ನಟ ದೀಕ್ಷಿತ್ ಶೆಟ್ಟಿ ಹೊಸ ಲುಕ್ ಸಖತ್ ಆಗಿದೆ. ಹೊಸ ರೀತಿಯ ಲುಕ್ ಅಲ್ಲಿ ದೀಕ್ಷಿತ್ ಕಂಗೊಳಿಸುತ್ತಿದ್ದಾರೆ. ಇವರ ಈ ಲುಕ್‌ಗೆ ಹುಡುಗಿಯರು ಗ್ಯಾರಂಟಿ ಫಿದಾ ಆಗ್ತಾರೆ ನೋಡಿ.

ದೀಕ್ಷಿತ್ ಶೆಟ್ಟಿ ಕನ್ನಡದ ಹಲವು ಸಿನಿಮಾ ಒಪ್ಪಿಕೊಂಡಿದ್ದಾರೆ. ಎಲ್ಲವೂ ಹೆಚ್ಚು ಕಡಿಮೆ ಇಂಗ್ಲಿಷ್ ಟೈಟಲ್ ಇರೋ ಚಿತ್ರಗಳೇ ಆಗಿವೆ. ಆದರೆ ತೆಲುಗುದಲ್ಲಿ ಒಪ್ಪಿದ ಚಿತ್ರ ಮಾತ್ರ ಪಕ್ಕ ದೇಸಿ ಶೈಲಿಯ ಟೈಟಲ್ ಆಗಿದೆ.

ದಿಯಾ ಚಿತ್ರದ ಮೂಲಕ ಹೆಚ್ಚು ಗಮನ ಸೆಳೆದ ದೀಕ್ಷಿತ್ ಶೆಟ್ಟಿ, ಟಾಲಿವುಡ್‌ನ ನಾಯಕ ನಾನಿ ಅಭಿನಯದ ದಸರಾ ಚಿತ್ರದಲ್ಲೂ ಅಭಿನಯಿಸಿದ್ದಾರೆ. ಈ ಚಿತ್ರದಲ್ಲಿ ದೀಕ್ಷಿತ್ ಸಖತ್ ರಗಢ್ ಆಗಿಯೇ ಕಾಣಿಸಿಕೊಳ್ಳುತ್ತಿದ್ದಾರೆ.

ತೆಲುಗುದಲ್ಲಿ ದೀಕ್ಷಿತ್ ಶೆಟ್ಟಿ ದಸರಾ ಚಿತ್ರದ ಮೂಲಕ ಗಮನ ಸೆಳೆದಿದ್ದಾರೆ. ಬಹು ಭಾಷೆಯಲ್ಲಿ ಬರ್ತಿರೋ ಈ ಚಿತ್ರದಲ್ಲಿ ದಿಕ್ಷಿತ್ ಪಾತ್ರ ವಿಶೇಷವಾಗಿಯೇ ಇದೆ. ನಾನಿ ಜೊತೆಗೇನೆ ದೀಕ್ಷಿತ್ ಪಾತ್ರವೂ ಇರುತ್ತದೆ ಅನ್ನೋದೇ ವಿಶೇಷವಾದ ವಿಷಯ ಆಗಿದೆ.

ನಾನಿ ಅಭಿನಯದ ದಸರಾ ಚಿತ್ರ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಇದೇ ಮಾರ್ಚ್-30 ರಂದು ಚಿತ್ರ ರಿಲೀಸ್ ಆಗುತ್ತಿದೆ. ಈ ಹಿನ್ನೆಲೆಯಲ್ಲಿ ಮಾರ್ಚ್‌-14 ರಂದು ಚಿತ್ರದ ಟ್ರೈಲರ್ ಕೂಡ ರಿಲೀಸ್ ಆಗುತ್ತಿದೆ.

ನಾನಿ ಅಭಿನಯದ ದಸರಾ ಚಿತ್ರದಲ್ಲಿ ಸಾಯಿ ಕುಮಾರ್ ಅಭಿನಯಿಸಿದ್ದಾರೆ. ಕೀರ್ತಿ ಸುರೇಶ್ ಪ್ರಮುಖ ಭೂಮಿಕೆಯಲ್ಲಿದ್ದಾರೆ. ಇನ್ನು ಅನೇಕ ಕಲಾವಿದರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಇವರ ಪಾತ್ರದ ಝಲಕ್ ಈಗಾಗಲೇ ಟೀಸರ್‌ಲ್ಲಿ ಸಿಕ್ಕಿದೆ.

ಶ್ರೀಕಾಂತ್ ಒಡೆಲಾ ನಿರ್ದೇಶನದ ಈ ಚಿತ್ರಕ್ಕೆ ಸಂತೋಷ್ ನಾರಾಯಣ್ ಸಂಗೀತ ಕೊಟ್ಟಿದ್ದಾರೆ. 65 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣಗೊಂಡ ದಸರಾ ಸಿನಿಮಾ ದೊಡ್ಡ ಮಟ್ಟದಲ್ಲಿಯೇ ರಿಲೀಸ್ ಆಗುತ್ತಿದೆ. ಬಹು ನಿರೀಕ್ಷೆಯನ್ನೂ ಹುಟ್ಟುಹಾಕಿದೆ.