Daali Dhananjaya: ಡಾಲಿ ಧನಂಜಯ್‌ಗೆ ಯಾರೂ ಹೆಣ್ಣು ಕೊಡ್ತಿಲ್ವಂತೆ! ಗುಟ್ಟು ಬಿಚ್ಚಿಟ್ರು ಅಮೃತಾ ಅಯ್ಯಂಗಾರ್!

ಸ್ಯಾಂಡಲ್‌ವುಡ್‌ ನಾಯಕ ನಟ ಡಾಲಿ ಧನಂಜಯ್ ಸ್ಪೆಷಲ್ ಆಗಿದ್ದಾರೆ. ಚಿತ್ರದ ಪಾತ್ರಗಳನ್ನ ಚೆನ್ನಾಗಿ ಅರ್ಥ ಮಾಡಿಕೊಳ್ತಾರೆ. ಅದರೊಳಗೆ ಪ್ರವೇಶ ಮಾಡಿ ಆ ಪಾತ್ರವೇ ಆಗಿ ಬಿಡುತ್ತಾರೆ. ಟಗರು ಚಿತ್ರದ ಡಾಲಿ ಪಾತ್ರ ಅದಕ್ಕೆ ಸಾಕ್ಷಿ ಆಗಿದೆ. ಆದರೆ ಎಲ್ಲರೂ ಈ ಒಂದು ಪಾತ್ರವನ್ನ ಪಾತ್ರವಾಗಿಯೇ ನೋಡಿದ್ರು, ನಟಿ ಅಮೃತಾ ಅಯ್ಯಂಗಾರ್ ಈ ಒಂದು ರೋಲ್‌ ಅನ್ನ ಸ್ಪೆಷಲ್ ಆಗಿಯೇ ಗಮನಿಸಿದರು.

ಡಾಲಿಯ ಟಗರು ಸಿನಿಮಾವನ್ನ ಹಲವು ಬಾರಿ ವೀಕ್ಷಿಸಿದ್ದಾರೆ. ಬಾಲಿವುಡ್‌ನ ರಣವೀರ್ ಸಿಂಗ್ ಪಾತ್ರವನ್ನ ಮತ್ತು ಡಾಲಿ ಪಾತ್ರವನ್ನ ಹೋಲಿಸಿ ನೋಡಿದ್ದಾರೆ. ಎರಡೂ ಪಾತ್ರಗಳಲ್ಲಿ ಡಾಲಿ ಪಾತ್ರವೇ ಸ್ಪೆಷಲ್ ಆಗಿದೆ ಅಂತ ಅಮೃತಾ ಅವರಿಗೆ ಅನಿಸಿದೆ ನೋಡಿ.

ಅಮೃತ ಅಯ್ಯಂಗಾರ್ ಅವರಿಗೆ ಮುಂದೆ ಇದೇ ಡಾಲಿ ಜೊತೆಗೆ ಅಭಿನಯಸೋ ಅವಕಾಶ ಕೂಡ ಸಿಕ್ಕಿತ್ತು. ಪಾಪಕಾರ್ನ್ ಮಂಕಿ ಟೈಗರ್ ಚಿತ್ರದಲ್ಲಿ ಅಭಿನಯಿಸಿದರು. ಡಾಲಿ ಜೊತೆಗೆ ಸುಮಿತ್ರಾ ಅನ್ನುವ ಪಾತ್ರವನ್ನ ಮಾಡಿದ್ದಾರೆ.

ಪಾಪಕಾರ್ನ್ ಮಂಕಿ ಟೈಗರ್ ಆದ್ಮೇಲೆ, ಅಮೃತಾ ಅಯ್ಯಂಗಾರ್ ಮತ್ತು ಡಾಲಿ ಧನಂಜಯ್ ಜೋಡಿ ಮತ್ತೊಂದು ಚಿತ್ರದಲ್ಲಿ ಮೋಡಿ ಮಾಡಿದೆ. ಆ ಚಿತ್ರವನ್ನ ಸ್ವತಃ ಡಾಲಿ ಧನಂಜಯ್ ನಿರ್ಮಿಸಿದ್ದರು. ಅದೇ ಬಡವ ರಾಸ್ಕಲ್ ಸಿನಿಮಾ. ಈ ಚಿತ್ರದಲ್ಲಿ ಸಂಗೀತಾ ಹೆಸರಿನ ಪಾತ್ರದಲ್ಲಿ ಅಮೃತಾ ಅಯ್ಯಂಗಾರ್ ಅಭಿನಯಿಸಿದ್ದರು.

ಬಡವ ರಾಸ್ಕಲ್ ಚಿತ್ರ ಆದ್ಮೇಲೆ ಮತ್ತೊಮ್ಮೆ ಅಮೃತಾ ಮತ್ತು ಧನಂಜಯ್ ನಟಿಸಿದ್ದಾರೆ. ಇದೇ ತಿಂಗಳ 30ರಂದು ಗುರುದೇವ್ ಹೊಯ್ಸಳ ಸಿನಿಮಾ ರಿಲೀಸ್ ಆಗುತ್ತಿದೆ. ಈ ಸಿನಿಮಾದಲ್ಲಿ ಅಮೃತ ಅಯ್ಯಂಗಾರ್ ಹಾಗೂ ಡಾಲಿ ಧನಂಜಯ್ ಗಂಡ-ಹೆಂಡ್ತಿ ಆಗಿ ಅಭಿನಯಿಸಿದ್ದಾರೆ.

ಧನಂಜಯ್ ಮತ್ತು ಅಮೃತಾ ಅಯ್ಯಂಗಾರ್ ಒಟ್ಟಿಗೆ ಸಿನಿಮಾ ಮಾಡ್ತಾನೇ ಇದ್ದಾರೆ. ಇದರಿಂದ ಇವರ ಮಧ್ಯೆ ಏನೋ ಲವ್ ಸ್ಟೋರಿ ಇದೆ ಅನ್ನೋ ಮಾತು ಇದೆ. ಆದರೆ ಅಧಿಕೃತವಾಗಿ ಯಾರೂ ಇದನ್ನ ಹೇಳಿಕೊಂಡಿಲ್ಲ ಬಿಡಿ.

ಅಮೃತಾ ಅಯ್ಯಂಗಾರ್ ಕೂಡ ಈ ಕುರಿತು ಚಾನಲ್‌ವೊಂದಕ್ಕೆ ಮಾತನಾಡಿದ್ದಾರೆ. ನಮ್ಮ ನಡುವೇ ಏನೂ ಇಲ್ಲ ಅಂತಲೇ ಅಮೃತಾ ಹೇಳಿದ್ದಾರೆ. ಹೀಗೆ ಮಾಧ್ಯಮಗಳ ಸೃಷ್ಟಿಯಿಂದ ಡಾಲಿಗೆ ಯಾರು ಹೆಣ್ಣು ಕೂಡ ಕೊಡ್ತಿಲ್ಲ ಅಂತ ಅಮೃತಾ ಅಯ್ಯಂಗಾರ್ ತಮಾಷೆಯಾಗಿಯೇ ಹೇಳಿಕೊಂಡಿದ್ದಾರೆ.