Abhishek Ambareesh: ಬ್ಯಾಡ್​​ ಮ್ಯಾನರ್ಸ್ ಸಿನಿಮಾ ಎಲ್ಲಿಗೆ ಬಂತು? ಹೊಸ ಅಪ್​​ಡೇಟ್ಸ್​​ ಏನಿದೆ?

ಜೂನಿಯರ್ ರೆಬಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ಅಭಿನಯದ ಬ್ಯಾಡ್​ಮ್ಯಾನರ್ಸ್ ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದೆ.

ದುನಿಯಾ ಸೂರಿ ನಿರ್ದೇಶನದ ಈ ಚಿತ್ರದ ಬಗ್ಗೆ ಈಗಾಗಲೇ ಭಾರೀ ನಿರೀಕ್ಷೆ ಕೂಡ ಹುಟ್ಟಿಕೊಂಡಿದೆ.

ಅಂಬಿ ಪುತ್ರ ಅಭಿಷೇಕ್ ಅಂಬರೀಶ್ ಈ ಚಿತ್ರದಲ್ಲಿ ಪೊಲೀಸ್ ಆಫೀಸರ್​​ ಆಗಿ ಅಭಿನಯಿಸಿದ್ದಾರೆ.

ಅಮರ್ ಚಿತ್ರದ ಬಳಿಕ ಅಭಿಷೇಕ್ ಅಂಬರೀಶ್ ಈ ಚಿತ್ರ ಒಪ್ಪಿದ್ದರು. ಸುಮಾರು ದಿನಗಳ ಚಿತ್ರೀಕರಣದ ಬಳಿಕ ಬ್ಯಾಡ್​ ಮ್ಯಾನರ್ಸ್ ಚಿತ್ರ ತಂಡ ಈಗ ಚಿತ್ರೀಕರಣ ಪೂರ್ಣಗೊಳಿಸಿದೆ.

ಬ್ಯಾಡ್​ ಮ್ಯಾನರ್ಸ್ ಚಿತ್ರದ ನಂತರ ಅಭಿಷೇಕ್ ಅಂಬರೀಶ್ ಇನ್ನೂ ಒಂದು ಚಿತ್ರ ಒಪ್ಪಿದ್ದಾರೆ. ಆ ಚಿತ್ರಕ್ಕೆ ಕಾಳಿ ಅನ್ನುವ ಹೆಸರು ಇಡಲಾಗಿದೆ. ಹೆಬ್ಬುಲಿ ಡೈರೆಕ್ಟರ್ ಕೃಷ್ಣ ಈ ಚಿತ್ರವನ್ನ ಡೈರೆಕ್ಟ್ ಮಾಡುತ್ತಿದ್ದಾರೆ.

ಅಮರ್ ಚಿತ್ರವಾದ್ಮೇಲೆ ಅಭಿಷೇಕ್ ಒಟ್ಟು ಎರಡು ಚಿತ್ರವನ್ನ ಒಪ್ಪಿಕೊಂಡಿದ್ದರು. ಆ ಲೆಕ್ಕದಲ್ಲಿ ಬ್ಯಾಡ್​​ಮ್ಯಾನರ್ಸ್ ಚಿತ್ರದ ಬಹುತೇಕ ಶೂಟಿಂಗ್​ ಕೆಲಸ ಪೂರ್ಣ ಆಗಿದೆ.

ಅಭಿಷೇಕ್ ಅಂಬರೀಶ್​ ಅಭಿನಯದ ಕಾಳಿ ಚಿತ್ರದ ಕೆಲಸ ಇನ್ನೇನು ಶುರು ಆಗುತ್ತದೆ. ಈಗಾಗಲೇ ಚಿತ್ರಕ್ಕೆ ಮುಹೂರ್ತ ಕೂಡ ಆಗಿದೆ. ಕಾಂತಾರ ಚಿತ್ರದ ನಾಯಕಿ ಸಪ್ತಮಿ ಗೌಡ ಈ ಚಿತ್ರದಲ್ಲಿ ಅಭಿಷೇಕ್​ಗೆ ಜೋಡಿ ಆಗಿದ್ದಾರೆ.