Abhishek Ambareesh: ಅಭಿಷೇಕ್ ಈಗಲೂ ನನ್ನ ಮುದ್ದು ಮಗ ಎಂದ ಸುಮಲತಾ, ಇಬ್ಬರ ಫೋಟೋ ವೈರಲ್

ರೆಬಲ್ ಸ್ಟಾರ್ ಪುತ್ರ ಅಭಿಷೇಕ್ ಅಂಬರೀಶ್ ಜೀವದ ಗೆಳತಿ ಅವಿವಾ ಜೊತೆಗೆ ಶೀಘ್ರದಲ್ಲಿಯೇ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಮದುವೆ ಸದ್ದು-ಗದ್ದಲದ ಮಧ್ಯ ಅಮ್ಮ ಸುಮಲತಾ ಮತ್ತು ಮಗ ಅಭಿಷೇಕ್ ಅಂಬರೀಶ್ ಒಂದಷ್ಟು ಸುಂದರ ಫೋಟೋಗಳನ್ನ ಕ್ಲಿಕ್ ಮಾಡಿಕೊಂಡಿದ್ದಾರೆ.

ಮಕ್ಕಳು ಎಷ್ಟೇ ದೊಡ್ಡವರಾದರೂ ಸರಿಯೇ, ಎಷ್ಟೇ ದೊಡ್ಡ ಕೆಲಸದಲ್ಲಿ ಇದ್ದರೂ ಸರಿಯೇ, ಅಮ್ಮನಿಗೆ ಅವರು ಯಾವಾಗಲೂ ಮಕ್ಕಳೇನೆ ನೋಡಿ.

ಅಭಿಷೇಕ್ ಅಂಬರೀಶ್ ವಿಚಾರದಲ್ಲೂ ಇದು ಹೊರತಾಗಿಲ್ಲ. ಅಮ್ಮ ಸುಮಲತಾ ಮುದ್ದು ಮಗ ಈ ಅಭಿಷೇಕ್ ಅಂಬರೀಶ್, ಅಮ್ಮನ ಜೊತೆಗೆ ಸಾಕಷ್ಟು ಹೊತ್ತು ಕಳೆಯುತ್ತಾರೆ.

ಅಭಿಷೇಕ್ ಅಂಬರೀಶ್ ಶೀಘ್ರದಲ್ಲಿಯೇ ದಾಂಪತ್ಯ ಜೀವನಕ್ಕೂ ಕಾಲಿಡುತ್ತಿದ್ದಾರೆ. ಆ ಮದುವೆ ತಯಾರಿ ಕೂಡ ಜೋರಾಗಿಯೇ ನಡೆಯುತ್ತಿದೆ. ಆದರೆ ಪ್ರೀತಿಯ ಅಮ್ಮನಿಗೆ ಅಭಿ ಈಗಲೂ ಮುದ್ದು ಮಗನೇ ಆಗಿದ್ದಾರೆ. ಅದರಲ್ಲಿ ಏನೂ ಬದಲಾವಣೆ ಇಲ್ಲ ಬಿಡಿ.

ಅಮ್ಮ ಮತ್ತು ಮಗನ ಒಂದಷ್ಟು ಫೋಟೋ ಈಗ ಶೇರ್ ಆಗಿವೆ. ಸುಮಲತಾ ಅಂಬರೀಶ್ ಅವರೇ ಈ ಫೋಟೋಗಳನ್ನ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಒಂದು ಸಾಲು ಮಗನ ಬಗ್ಗೇನೂ ಬರೆದುಕೊಂಡಿದ್ದಾರೆ.

A quick cuddle while he's still officially my baby ಅಂತಲೇ ಸುಮಲತಾ ಬರೆದುಕೊಂಡಿದ್ದಾರೆ. ಅಭಿ ಜೊತೆಗಿನ ಅದ್ಭುತ ಕ್ಷಣದ ಈ ಫೋಟೋಗಳನ್ನ ತಮ್ಮ ಅಧಿಕೃತ ಪೇಜ್ ಅಲ್ಲೂ ಹಂಚಿಕೊಂಡಿದ್ದಾರೆ.

ಅಮ್ಮ-ಮಗನ ಬಾಂಧವ್ಯ ಎಂದೂ ಮುಗಿಯೋದಿಲ್ಲ ಬಿಡಿ. ಪುತ್ರನಿಗೆ ಮದುವೆ ಆಗಿ ಪತ್ನಿ ಬಂದ್ಮೇಲೂ ಅಮ್ಮನ ಬಗ್ಗೆ ಇರೋ ಪ್ರೀತಿ ಒಂಚೂರು ಕಡಿಮೆ ಆಗೋದಿಲ್ಲ. ಅಭಿ ಕೂಡ ಅದೇ ರೀತಿ ಇದ್ದಾರೆ ಅಂತಲೇ ಈ ಫೋಟೋ ನೋಡಿಯೇ ಹೇಳಬಹುದು.