New Kannada Movie: ನಕ್ಸಲ್ ನಿಗ್ರಹ ಪಡೆಯಿಂದ ಅರೆಸ್ಟ್ ಆದ ಪತ್ರಕರ್ತನ ರಿಯಲ್ ಕಥೆ ತೆರೆಯ ಮೇಲೆ ನೋಡಿ

ಕನ್ನಡದ ನಿರ್ದೇಶಕ ಮಂಸೋರೆ ಮಾಡಿರೋ ಅಷ್ಟೂ ಸಿನಿಮಾಗಳು ಅದ್ಭುತವಾಗಿಯೇ ಇವೆ. ಆ್ಯಕ್ಟ್-1978 ಚಿತ್ರವೇ ಅದಕ್ಕೆ ಇತ್ತೀಚಿನ ಸಾಕ್ಷಿ ಅಂತ ಹೇಳಬಹುದು.

ಇದೇ ಮಂಸೋರೆ 19.20.21 ಹೆಸರಿನ ಸಿನಿಮಾ ಮಾಡಿದ್ದಾರೆ. ಇದು ಕೂಡ ಸತ್ಯ ಘಟನೆಯನ್ನೆ ಆಧರಿಸಿದೆ. ಮಂಸೋರೆ ನೋಡೋ ಸಮಾಜ ಹೇಗಿರುತ್ತದೆ ಅನ್ನೋದು ಕೂಡ ಆಯಾ ಸಿನಿಮಾಗಳಲ್ಲಿ ನೋಡಬಹುದು.

ಡೈರೆಕ್ಟರ್ ಮಂಸೋರೆ ನಿರ್ದೇಶಿಸಿರೋ 19.20.21 ಚಿತ್ರ ಒಬ್ಬ ಪತ್ರಕರ್ತನ ಕಥೆ ಆಗಿದೆ. ಆ ಒಂದು ಪಾತ್ರವನ್ನ ರಂಗಭೂಮಿ ಕಲಾವಿದ ಶೃಂಗ ಬಿ.ವಿ. ಇಲ್ಲಿ ನಿರ್ವಹಿಸಿದ್ದಾರೆ.

ಈ ಪಾತ್ರದ ಆ ಅಸಲಿ ವ್ಯಕ್ತಿ ಯಾರು? ಆ ಪತ್ರಕರ್ತ ಯಾರು? ಆ ಪತ್ರಕರ್ತನ ತಂದೆ ಯಾರು? ಈ ಎಲ್ಲ ವಿಷಯ ಈಗ ರಿವೀಲ್ ಆಗಿದೆ. ಸಿನಿಮಾ ರಿಲೀಸ್ ಆಗೋ ಒಂದು ದಿನ ಮುಂಚೇ ಮಾರ್ಚ್-2 ರಂದು ಈ ವಿಷಯ ರಿವೀಲ್ ಆಗಿದೆ.

ಪತ್ರಕರ್ತ ವಿಠಲ್ ಮಲೆಕುಡಿಯ ಕಥೆಯನ್ನೆ ಡೈರೆಕ್ಟರ್ ಮಂಸೋರೆ 19.20.21 ಹೆಸರಿನಲ್ಲಿ ಸಿನಿಮಾ ಮಾಡಿದ್ದಾರೆ. ಮಾರ್ಚ್-03, 2012 ರಲ್ಲಿ ವಿಠಲ್ ಮಲೆಕುಡಿಯ ಮತ್ತು ಅವರ ತಂದೆ ಲಿಂಗಣ್ಣ ಮಲೆಕುಡಿಯ ನಕ್ಸಲ್ ನಿಗ್ರಹ ಪಡೆಯಿಂದ ಬಂಧನವಾಗಿದ್ದರು.

ಇಂತಹ ವಿಠಲ್ ಮತ್ತು ಲಿಂಗಣ್ಣ ಅವರ ಕಾನೂನು ಹೋರಾಟದ ಕಥೆನೆ 19.20.21 ಸಿನಿಮಾ ಆಗಿದ್ದು, ವಿಠಲ್ ಮಂಗಳೂರು ವಿವಿಯಲ್ಲಿ ಪತ್ರಿಕೋದ್ಯಮ ಓದುತ್ತಿದ್ದರು. ಪರೀಕ್ಷೆ ಬರೆಯುವಾಗಲೂ ಪೊಲೀಸರು ಕೈ ಕೋಳ ತೆಗೆದಿರಲಿಲ್ಲ ಅನ್ನೋ ವಿಷಯ ಆಗ ಸಾಕಷ್ಟು ಚರ್ಚೆನೂ ಆಗಿತ್ತು.

ವಿಠಲ್ ಮತ್ತು ಲಿಂಗಣ್ಣ ಅವರ ಈ ಕಥೆಯನ್ನೆ ಡೈರೆಕ್ಟರ್ ಮಂಸೋರೆ 19.20.21 ಹೆಸರಿನ ಸಿನಿಮಾ ಮಾಡಿದ್ದಾರೆ. ವಿಠಲ್ ರಿಯಲ್ ಹೋರಾಟವನ್ನ ಕನ್ನಡದ ಪ್ರತಿಭಾವಂತ ಕಲಾವಿದರ ಮೂಲಕ ಬೆಳ್ಳಿ ತೆರೆ ಮೇಲೆ ಮೂಡಿಸಿದ್ದಾರೆ.

19.20.21 ಸಿನಿಮಾ ಮಾರ್ಚ್-03 ರಂದು ರಾಜ್ಯದೆಲ್ಲೆಡೆ ರಿಲೀಸ್ ಆಗುತ್ತಿದೆ. ಈ ಚಿತ್ರದ ಬಗ್ಗೆ ಈಗಾಗಲೇ ಟಾಕ್ ಶುರು ಆಗಿದೆ. ಚಿತ್ರದ ಬಗ್ಗೆ ಇರೋ ಕುತೂಹಲವೂ ಇನ್ನಷ್ಟು ಈಗ ಹೆಚ್ಚಾಗಿದೆ.